Morgunblaðið - 17.05.2021, Síða 4

FRÉTTASKÝRING
Andrés Magnússon
andres@mbl.is
Framboðsfrestur fyrir prófkjör
Sjálfstæðisflokksins í Reykjavík
rann út á föstudag og buðu 13 sig
fram, þar á meðal allir þingmenn
flokksins í höfuðborginni. Prófkjörið
fer fram fyrstu helgi næsta mánaðar,
dagana 4. og 5. júní, en síðast fór
fram prófkjör sjálfstæðismanna í
Reykjavík fyrir alþingiskosningar
árið 2016.
Sjálfstæðismenn í Reykjavík
halda sameiginlegt prófkjör fyrir
Reykjavíkurkjördæmin tvö, en sá
sem þar hlýtur efsta sætið velur sér
kjördæmi, sá sem fær annað sætið
leiðir listann í hinu kjördæminu og
svo raðast menn koll af kolli til skipt-
is í kjördæmin.
Athyglin þar mun einkum beinast
að oddvitaslagnum milli dómsmála-
ráðherra og utanríkisráðherra,
þeirra Áslaugar Örnu Sigurbjörns-
dóttur og Guðlaugs Þórs Þórðar-
sonar. Baráttan um næstu sæti á eft-
ir verður þó sjálfsagt alveg jafn-
athyglisverð. Langflestir frambjóð-
endur tilgreina sæti, sem þeir óska
eftir, og enginn biður um minna en 5.
sætið. Sjálfstæðisflokkurinn hefur
nú fimm þingmenn í Reykjavíkur-
kjördæmunum.
Lítið um ný andlit í framboði
Fyrir sjálfstæðismenn í Reykjavík
er úr vöndu að ráða, því auk ráð-
herranna eru þrír þingmenn aðrir í
framboði (Birgir Ármannsson,
Brynjar Níelsson og Sigríður Á.
Andersen) og tveir varaþingmenn
(Herdís Anna Þorvaldsdóttir og
Hildur Sverrisdóttir). Annar þeirra
fv. varaborgarfulltrúi og hinn auk
þess aðstoðarmaður ráðherra, en svo
er raunar annar aðstoðarmaður
einnig í kjöri (Diljá Mist Einarsdótt-
ir) og einn fyrrverandi borgarfulltrúi
(Kjartan Magnússon). Þá er í kjöri
formaður upplýsinga- og fræðslu-
nefndar flokksins, sem einnig situr í
miðstjórn (Friðjón R. Friðjónsson).
Þrír óbreyttir eru svo í kjöri, sem
kalla má grasrótarframbjóðendur
(Birgir Örn Steingrímsson, Ingibjörg
H. Sverrisdóttir og Þórður Kristjáns-
son), en ein þeirra er raunar formað-
ur Félags eldri borgara í Reykjavík.
Nær allt þetta fólk er vel kynnt
meðal sjálfstæðismanna í Reykjavík,
áherslur og verk þekktar stærðir.
Þorri frambjóðenda er fyrir í hópi
helstu trúnaðarmanna flokksins,
mjög á svipuðu reki, og því ekki gefið
að mikil endurnýjun verði í þingliði
sjálfstæðismanna í höfuðborginni
nema fylgi flokksins aukist töluvert.
Þátttaka í prófkjörum hefur verið
upp og ofan undanfarin ár, en kunn-
ugir telja að 4-5.000 manns kunni að
kjósa í prófkjöri Sjálfstæðisflokks-
ins í Reykjavík.
Þar er þó fráleitt á vísan að róa,
sérstaklega í ljósi heimsfaraldursins
sem riðlað hefur öllu félagsstarfi í
landinu. Þannig er óvíst hvort hefð-
bundnar kosningamiðstöðvar verði
opnaðar eða fundir haldnir. Sím-
hringingar eru þegar hafnar þótt
kjörskráin liggi enn ekki fyrir og
búist er við hörðum slag á fé-
lagsmiðlum.
Þröng á þingi í Reykjavíkurprófkjöri
- Allir fimm þingmenn sjálfstæðismanna í borginni leita endurkjörs - Varaþingmenn, aðstoðarmenn og
fyrrverandi borgarfulltrúar knýja dyra - Prófkjörsbaráttan mögulega með öðru sniði vegna Covid-19
4 FRÉTTIRInnlent
MORGUNBLAÐIÐ MÁNUDAGUR 17. MAÍ 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Borið hefur á því að einstaklingar
mæli með að eitra fyrir köttum með
því að blanda matvælum saman við
frostlög, til þess að losna við ketti í
nærumhverfinu. Voru ummæli á
þessum nótum látin falla í athuga-
semdakerfi við frétt Fréttablaðsins,
sem fjallaði um hugsanlegt bann við
lausagöngu katta.
„Fiskur og frostlögur leysir svona
vandamál,“ var skrifað við fréttina.
Annar lesandi ritar: „Það hefur
reynst vel í Hveragerði að marinera
kjúkling upp úr frostlegi …“
Ummælin hafa verið tilkynnt til
Matvælastofnunar (MAST) í sam-
ræmi við tilkynn-
ingaskyldu sem
lögfest er í 8. gr.
laga um velferð
dýra, sem kveður
á um að tilkynna
skuli lögreglu eða
MAST leiki grun-
ur á að meðferð á
dýrum brjóti
gegn lögunum.
Halldóra Björk
Ragnarsdóttir, formaður Kattavina-
félags Íslands, segir að erfitt sé að
sanna hverjir beri ábyrgð á því að
kettir drepist eftir að hafa innbyrt
frostlög. Margir kettir drápust í
Hveragerði haustið 2019.
„Það hefur hingað til ekki verið
hægt að standa neinn að verki né
hafa uppi á einhverjum sem gerir
svona lagað,“ segir Halldóra Björk
Ragnarsdóttir, formaður Kattavina-
félags Íslands. Hún bendir á tilkynn-
ingaskyldu vegna gruns um meðferð
á dýrum sem fer gegn lögum um vel-
ferð dýra.
„Mér sýnist þetta vera einhverjar
hótanir frá þeim sem pirra sig út í
ketti. Það eru margir þeim megin en
þetta er auðvitað ekki rétta leiðin,“
segir hún.
Ráðleggja að eitra fyrir
köttum með frostlegi
- Nokkrir hafa tilkynnt ummælin til Matvælastofnunar
Halldóra Björk
Ragnarsdóttir
Opnað fyr-
ir bókanir
fljótlega
Flugfélagið Play
er komið með
flugrekstrarleyfi
fyrir eina af flug-
vélum sínum.
Fyrirhugað er að
fyrsta flug þess
verði 24. júní til
Stansted-
flugvallar í Lond-
on. Opnað verður
fyrir bókanir á allra næstu dögum.
Forstjóri Play, Birgir Jónsson,
sagði í samtali við mbl.is í gær að fé-
lagið yrði komið með rekstrarleyfi
fyrir þrjár vélar í lok júlí og lending-
artíma á helstu flugvöllum í Evrópu,
þar á meðal í Kaupmannahöfn, Par-
ís, Berlín, London, Alicante og Ten-
erife. Sagði Birgir að nú væri sigur-
ganga félagsins að hefjast eftir hið
langa og stranga ferli sem fylgi
stofnun nýs flugfélags.
„Þetta er svo sem ekkert óeðlilegt
ferli við að stofna flugfélag. Þetta er
auðvitað bara flókið, langt og dýrt
ferli og þess vegna er ekkert skrýtið
að þetta taki rúmlega eitt og hálft
ár,“ sagði Birgir og bætti við að
sömu kröfur væru gerðar til nýs
flugfélags og annarra rótgróinna.
Birgir sagði að 50 manns hefðu nú
verið í vinnu hjá félaginu í um eitt og
hálft ár. Hluti þess væru flugmenn
og áhafnir sem hefðu þurft að við-
halda þjálfun sinni. oddurth@mbl.is
Birgir Jónsson
- Play komið með
flugrekstrarleyfi
Sagt er að norður í Skagafirði séu hrossin ótelj-
andi og enn bætist í hið stóra stóð þar um slóðir.
Hryssurnar kasta nú hver af annarri og aðeins
örskammri stundu eftir fæðingu brölta folöldin á
fætur. Leita þá eftir kaplamjólk og vilja komast í
móðurskjól rétt eins og dýrum merkurinnar á
fyrstu dögum tilverunnar er eðlislægt.
Víða má sjá hestamenn á ferðinni á fákum sín-
um; fólk sem nú horfir til keppnishalds og reið-
keppna sem vonandi verður hægt að halda í sum-
ar. Útreiðartúrar upp til heiða og dala heilla
líka, rétt eins og gaman er að fylgjast með ný-
fæddum folöldunum stíga sín fyrstu skref á þess-
um köldu vordögum. sbs@mbl.is
Nepja hefur verið fyrir norðan að undanförnu,
þurrviðrasamt, norðanátt og nýsnævi er í efstu
brúnum hinna svipsterku Blönduhlíðarfjalla.
Lítið sést enn til nýgræðings og bændur fara því
gjarnan í úthagann með töðu í poka. Brátt mun
úthaginn þó grænka og þá breytast allar að-
stæður til hins betra.
Morgunblaðið/Sigurður Bogi
Folaldið sækir í kaplamjólk í móðurskjóli
Enn fjölgar í hrossastóðinu í Skagafirði