Morgunblaðið - 18.05.2021, Blaðsíða 4

4 | MORGUNBLAÐIÐ
Ásgeir Ingvarsson
ai@mbl.is
G
aman er að sjá hvernig
bílaáhuginn getur sam-
einað fólk en víða um
land má finna jafnt
óformlega sem formlega bíla-
klúbba af ýmsu tagi. Einn af virk-
ari hópunum er Volvoklúbbur Ís-
lands sem stofnaður var árið 2013.
Ragnar Þór Reynisson er for-
maður klúbbsins og átti hug-
mndina að stofnuninni á sínum
tíma. „Klúbburinn er ótengdur
Brimborg en ég starfa þar sem
sölustjóri Volvo-fólksbíla og vara-
hluta. Þar varð ég mjög greinilega
var við hve margir hafa brennandi
áhuga á Volvo og halda tryggð við
merkið. Sumir viðskiptavinirnir
greindu stoltir frá því að þeir væru
búnir að eiga þá marga um ævina
og sumir hafa átt sinn Volvo frá
upphafi.“
Umræður á Facebook og
eftirminnilegir bíltúrar
Tilgangur Volvoklúbbsins er að
skapa vettvang fyrir fólk með
áhuga á bílum sænska framleið-
andans. Klúbburinn er öllum opinn
– meira að segja þeim sem ekki
aka um á Volvo. „Við héldum
stofnfundinn í húsakynnum Brim-
borgar og mættu fimmtíu manns.
Eru viðburðir klúbbsins vel sóttir
en að auki eiga sér stað líflegar
umræður ífacebookhópnum okkar
sem hefur á að skipa um 4.300
manns á öllum aldri, svo heldur
klúbburinn úti heimasíðunni
www.volvoklubbur.is.“ segir Ragn-
ar og undirstrikar að starfsemi
Volvoklúbbsins sé ekki bara bund-
in við eldri módel. „Sumir halda að
starfið snúist bara um gömlu bíl-
ana en þvert á móti erum við opin
fyrir öllu sem frá Volvo kemur.“
Fastir liðir í dagskrá Volvo-
klúbbsins eru bíltúrar um Suður-
landið og í Borgarnes en í ár bætt-
ist við Reykjanesrúntur sem fór
fram um síðustu helgi. „Þá fáum
við iðulega að fljóta með Forn-
bílaklúbbnum í þeirra bíltúr í
ágústmánuði,“ útskýrir Ragnar og
segir að alla jafna mæti í kringum
20-30 manns í þessa bíltúra. „Við
höfum náð að skapa gott samfélag
og gaman að sjá hvernig Volvo-
eigendur eru stoltir af bílunum sín-
um og áhugasamir um að sýna þá
og sjá bíla annarra.
Sænskir sjarmörar
sem hægt er að stóla á
Sú ímynd loddi lengi við Volvo-
bíla að þeir þættu frekar óspenn-
andi og afskaplega jarðbundnir: á
öðrum enda skalans væru hrað-
skreið og hávær tryllitæki frá
Bandaríkjunum og Ítalíu, eða lúxu-
skerrur frá Bretlandi og á hinum
endanum væru öruggu, áreiðanlegu
og lágstemmdu Volvóarnir.
Ragnar segir að þessi ímynd hafi
smám saman tekið breytingum og
töfrar Volvo komið æ betur í ljós.
„Vitaskuld er öryggið og traustið
sérkenni Volvo en það er eiginleiki
sem fólk lærir að meta. Er svo
merkilegt að þegar fólk hefur upp-
lifað það að eiga og búa með Volvo
á annað borð þá heldur það tryggð
við merkið, og kemur a.m.k. aftur
til baka ef það skyldi slysast til að
„halda fram hjá“ og skipta um
stund yfir í bíl frá öðrum framleið-
anda,“ segir hann glettinn.
Bætir Ragnar við að stundum
tengist tryggðin við merkið því
ökumenn komust í hann krappann
á bak við stýrið á Volvo. „Við heyr-
um sögur af fólki sem lent hefur í
árekstrum og veltum á miklum
hraða um borð í Volvo en allir
komist heilir út úr slysinu. Þannig
atvik verða ósjaldan til þess að
fólk sver að aka bara Volvo eft-
irleiðis.“
Töfrar Volvo koma æ betur í ljós
Töluvert líf er í face-
bookhópi áhugafólks
um Volvo og stendur
Volvoklúbbur Íslands
fyrir ánægjulegum bíl-
túrum fyrir félaga.
Morgunblaðið/Árni Sæberg
Ragnar Þór Reynisson segir fólk iðulega halda tryggð við Volvo.
Ljósmynd/Volvoklúbburinn
Fallegur fornbíll skoðaður í bíltúr Volvoklúbbsins um Reykjanesið.
Ljósmynd/Volvoklúbburinn
Hópurinn heimsótti Slökkviminjasafnið í Reykjanesbæ um helgina.
Ljósmynd/Volvoklúbburinn
Bílaflotanum var stillt upp fyrir framan Garðskagavita.
Ljósmynd/Volvoklúbburinn
Ekki var leiðinlegt um að litast á bílastæði Slökkviminjasafnsins.
Halda mætti að sænski bílsmið-
urinn Volvo og hinn franski Re-
nault hefðu svarist í fóstbræðralag
varðandi bílhraða á vegunum.
Volvo tilkynnti á dögunum að
fyrirtækið myndi girða fyrir há-
markshraða allra nýrra bíla sinna
þann veg að þeir kæmust aldrei
hraðar en 180 km/klst.
Í kjölfarið koma svo Frans-
ararnir og skýra nú frá því að hin
sömu hraðamörk verði innbyggð í
drifrás allra nýrra Renault og
Dacia. Hvenær það kemur ná-
kvæmlega til framkvæmda liggur
ekki nánar fyrir.
Allt er þetta gert í þágu aukins
öryggis á vegunum en 18.800
manns létu lífið í Evrópuumferð-
inni árið 2020. Er það 4.000 færri
en 2019. Nemur fækkunin einu
dauðsfalli á hverja milljón íbúa
sem er fjarri markmiðum ESB um
að helminga dauðaslys frá 2010 til
2020, en fækkunin varð aðeins
36%.
Að sögn umferðaryfirvalda hefði
útkoman verið verri ef ekki hefðu
komið til takmarkanir ýmiss konar
vegna kórónuveirufaraldursins.
Öruggust var umferðin í Svíþjóð
árið 2020, eða 18 dauðsföll á
hverja milljón íbúa.
agas@mbl.is
Rafbíllinn Renault Spring er lipur rafbíll en með lágan hámarksraða.
Renault lækkar hraðann
Þjófnaður á hvarfakútum undan
bílum er mikið vandamál í Bret-
landi. Nú hefur Toyota snúið vörn
í sókn og gerir ræningjunum erf-
iðara fyrir, en þeir hafa aldrei
verið eins stórtækir og í fyrra.
Japanski bílsmiðurinn hefur
ákveðið að brúka rúmlega milljón
sterlingspunda til að verjast kúta-
stuldi undan eldri bílum. Toyota
hefur fengið til liðs við sig lög-
regluna, öryggisfyrirtækið
Smartwater og bíleigendafélagið
AA. Í samstarfinu munu þau
dreifa í fyrstu atrennu 50.000
kippum af útbúnaði til að merkja
yfir 100.000 kúta í Lexus- og
Toyota-bílum.
Eðalmálmar í gömlum kútum
Þjófar leggjast á hvarfakúta
vegna verðmætra málma sem í
þeim er að finna og gegna því
hlutverki að hreinsa útblástur og
minnka þannig mengun. Þessa
málma má endurvinna ólöglega
eða selja í hagnaðarskyni. Í nýrri
bílum eru kútarnir annarrar hönn-
unar og ekki eins áhugaverðir fyr-
ir þjófa.
Verðmætastir eru hvarfakútar
tvinnbíla og eru þeir því eftirsóttir
hjá skipulegri glæpastarfsemi. Þar
á meðal eru bílar eins og Auris og
Prius. Öryggismerkingarnar sem
nú standa fyrir dyrum eru ósýni-
legar en hægt er að rekja þær
hafi bíl með þeim búnaði verið
stolið. Þar með eru þeir líka ber-
skjaldaðir sem versla með og hafa
milligöngu um illa fengna kúta í
glæpakeðjunni.
„Þjófnaður á hvarfakútum er
stóralvarlegt mál og veldur miklu
tilfinningaróti og fjárhagslegu
tjóni hjá eigendum,“ sagði Rob Gi-
les, þjónustustjóri hjá Toyota í
Bretlandi, við bílaritið Autocar.
agas@mbl.is
Hvarfakútaþjófum gert erfiðara fyrir
Ljósmynd/Wikipedia
Verðmæti er að finna í hvarfakútum og getað freistað þjófa.