Morgunblaðið - 02.06.2021, Side 4

4 FRÉTTIRInnlent
MORGUNBLAÐIÐ MIÐVIKUDAGUR 2. JÚNÍ 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Þóra Birna Ingvarsdóttir
thorab@mbl.is
Ungmenni sem nú ljúka sínu fyrsta
skólaári í framhaldsskóla hafa af því
afar sérstaka reynslu. Á haust-
önninni var fjarnám vegna heimsfar-
aldursins og engin staðpróf um jólin.
Eftir áramót hófst, víðast hvar, stað-
nám á ný með tilhlýðandi takmörk-
unum.
Margir skólar, líkt og Verzlunar-
skóli Íslands, hafa aukið við símat
sem námsmatsaðferð, sem metur
verkefni og kannanir jafnt og þétt
yfir önnina frekar en veigamikil
lokapróf. Þeir skólar hafa ekki fund-
ið fyrir auknu falli meðal nemenda
eftir þetta skólaár enda er fall al-
mennt fátíðara þegar stuðst er við sí-
mat.
Hins vegar eru enn skólar sem
leggja meira upp úr því að nemendur
læri að taka próf, þar er Mennta-
skólinn í Reykjavík fremstur í flokki.
Nýnemar í MR áttu erfitt uppdrátt-
ar í vorprófum þetta árið, þá helst í
stærðfræði og lesinni stærðfræði.
Elísabet Siemsen rektor MR segir
þetta enga furðu í ljósi þess að ný-
nemar hafi ekki tekið nein próf í vet-
ur. Komu þeir því kaldir inn í loka-
próf vorannar. Hún segir að
nemendurnir hafi staðið sig vel í fjar-
náminu yfir veturinn en ferlið við að
taka próf sé eitthvað sem þarfnist
æfingar. Jólaprófin hafa vanalega
verið álitin æfing fyrir vorprófin í
MR, þar sem nemendur ná hrollinum
úr sér, læra góð vinnubrögð við upp-
rifjun á námsefninu og sjá hvar þeir
þurfa að bæta sig. Hún telur að próf-
in séu eitthvað sem fólk myndi seint
vilja sleppa enda mikilvægt að fá yf-
irsýnina yfir námsefnið og rifja upp
það sem kennt var yfir veturinn.
Fjölbrautaskólarnir með stærri og
fjölbreyttari nemendahóp fundu mik-
ið fyrir því hvernig námsfyrirkomu-
lagið hafði ólík áhrif á ólíka hópa.
Þeim nemendum, sem glíma við fé-
lagsfælni eða félagskvíða, gekk mun
betur fyrir áramót, þegar enn var
fjarnám. Aðrir, sem þurfa á hvatn-
ingu að halda frá kennurum og sam-
nemendum, áttu erfitt með fjarnámið
en tókst að rétta úr kútnum eftir ára-
mót. Varð þetta til þess að meðal-
námsframvinda var heilt yfir svipuð
og síðustu ár, þótt faraldurinn hafi
vissulega haft áhrif á einstaklingana .
Vorpróf MR torveld fyrir nýnema
- Minna fall með símati - Kunnu ekki
að taka próf - Ólík áhrif á ólíka hópa
Morgunblaðið/Árni Sæberg
Nemendur Nýnemar MR höfðu aldrei tekið staðpróf í framhaldsskóla áður.
Bjarni Benediktsson, fjármála- og
efnahagsráðherra, tók í gær fyrstu
skóflustungu að nýrri 20 þúsund
fermetra viðbyggingu við Flugstöð
Leifs Eiríkssonar á Keflavíkur-
flugvelli. Framkvæmdir við bygg-
inguna eru að hefjast og stefnt er
að því að hún verði tekin í notkun
árið 2024. Áætlaður heildarkostn-
aður er um 21 milljarður króna en
upphaflega var kostnaður áætlaður
um 7,3 milljarðar.
Sveinbjörn Indriðason, forstjóri
Isavia, segir að með þessari nýju
viðbyggingu, sem mun rísa austur
af núverandi flugstöðvarbyggingu,
verði umbylting á farangurs-
móttöku og á efri hæð fáist meira
verslunarrými og biðsvæðið stækki.
Þá bætast við fjögur ný hlið með
landgöngubrúm.
Skóflustunga að nýrri viðbyggingu
Morgunblaðið/Eggert
Helgi Bjarnason
helgi@mbl.is
Laxar fiskeldi hafa sótt um bráða-
birgðaleyfi til atvinnuvegaráðuneyt-
isins til að hefja eldi á laxi í Reyðar-
firði, á þeim staðsetningum sem
úrskurðarnefnd umhverfis- og auð-
lindamála ógilti fyrir skömmu vegna
þess sem nefndin taldi Matvæla-
stofnun hafa gert mistök við útgáfu
leyfisins. Jens Garðar Helgason,
framkvæmdastjóri Laxa fiskeldis,
segir að sótt sé um leyfið til að eiga
möguleika á að koma seiðunum út í
sjó þegar þau verða tilbúin, ef nýtt
leyfi Matvælastofnunar verði ekki
komið þá.
Matvælastofnun hefur auglýst til-
lögu að nýju rekstrarleyfi fyrir 10
þúsund tonna viðbótareldi Laxa þar
sem tekið er tillit til athugasemda
úrskurðarnefndarinnar. Þar er gef-
inn kostur á athugasemdum og síðan
hefur stofnunin frest til að vinna úr
hugsanlegum athugasemdum. Því er
ekki hægt að fullyrða hvenær leyfið
verður gefið út. Það gæti dregist
fram í júlí eða lengur en seiðin verða
tilbúin seinnihluta júnímánaðar.
Óska eftir rafmagni úr landi
Laxar fiskeldi hafa undirbúið út-
setningu laxaseiða samkvæmt um-
ræddu rekstrarleyfi sem gefið var út
í byrjun október á síðasta ári. Kom-
inn er til landsins stór og glæsilegur
fóðurprammi og hefur hann nú verið
dreginn út að væntanlegum eldisstað
við Vattarnes í sunnanverðum
Reyðarfirði.
Pramminn er þannig útbúinn, eins
og aðrir fóðurprammar Laxa, að
hægt er að tengja hann við rafmagn
úr landi og draga þannig úr notkun
dísilolíu. Er fyrirtækið í viðræðum
við Rarik og sveitarfélagið um að
leggja rafmagn og ljósleiðara út með
firðinum. Lögnin mun einnig nýtast
ábúendum á þremur býlum á strönd-
inni.
Jens Garðar vonast til þess að
þessi framkvæmd verði litin jákvæð-
um augum og að af þessu verði.
Hafa sótt um
bráðabirgðaleyfi
- Laxar vilja vera tilbúnir fyrir seiðin
Morgunblaðið/Helgi Bjarnason
Reyðarfjörður Lax tekinn úr sjókví
Laxa vegna flutnings í sláturhús.
Ágúst Ingi Jónsson
aij@mbl.is
Aflaheimildir íslenskra skipa í mak-
ríl í ár miðast við tæplega 141 þús-
und tonn, samkvæmt reglugerð sem
Kristján Þór Júlíusson sjávarút-
vegsráðherra hefur undirritað. Það
samsvarar 16,5% af ráðgjöf Alþjóða-
hafrannsóknaráðsins, ICES, og af
samþykktum heildarafla á vettvangi
Norðaustur-Atlantshafsfiskveiði-
ráðsins, NEAFC. Ákvörðun ráð-
herra um 16,5% er í samræmi við
viðmiðun Íslendinga í makríl flest
undanfarin ár.
Síðdegis í gær tilkynntu Færey-
ingar að makrílkvóti þeirra í ár yrði
167 þúsund tonn, sem er 55% hækk-
un frá síðasta ári, og í takt við hækk-
un Norðmanna. Samkvæmt samn-
ingi Færeyinga, Norðmanna og
Evrópusambandsins, sem gilti 2014-
2020, var hlutur Færeyinga 12,6%,
en nú miða þeir við 19,6% af sam-
þykktum heildarafla á vettvangi
NEAFC upp á 852 þúsund tonn. Í
fyrra var kvóti Færeyinga 116 þús-
und tonn.
Afli umfram ráðgjöf
Jacob Vestergaard, sjávarútvegs-
ráðherra í Færeyjum, ræddi makríl-
kvótann m.a. á fundi í utanríkis-
málanefnd Lögþingsins í gær. Í
tilkynningu er haft efir honum að
hann vonist til að samningaviðræður
um skiptingu makrílaflans komist
aftur af stað í haust. Færeyingar
fara nú með formennsku í hópi
strandríkja. Ekkert samkomulag er
í gildi um stjórnun makrílveiða í NA-
Atlantshafi og tilkynna strandríkin
hvert fyrir sig um heildarafla ársins.
Þeir aðilar sem áður stóðu að fyrr-
nefndum þriggja strandríkja samn-
ingi; ESB með Bretum, Noregur og
Færeyjar hafa þannig tilkynnt um
veiðar á um 887 þúsund tonnum,
sem er umfram fyrrnefnt viðmið
NEAFC og ráðgjöf. Norðmenn til-
kynntu í síðustu viku um hækkun
hlutdeildar úr 22,5% í 35% af ráðgjöf
og ætla sér að veiða 298 þúsund tonn
í ár. Bretar hyggjast veiða 222 þús-
und tonn, en eftir úrsögn úr Evrópu-
sambandinu eru þeir sjálfstætt
strandríki í makrílveiðum og hafa
ekki samið við Norðmenn og Fær-
eyinga um aðgang að veiðum í lög-
sögu sinni. Evrópusambandið hefur
tilkynnt um 200 þúsund tonna kvóta.
Þá hyggjast Rússar veiða 120 þús-
und, Grænlendingar um 60 þús. tonn
og Íslendingar 141 þúsund tonn.
Makrílkvótinn á þessu
ári 141 þúsund tonn
- Færeyingar og Norðmenn tilkynna um 55% hækkun
Morgunblaðið/Þorgeir Baldursson
Vertíð Á makríl í Síldarsmugunni.