Morgunblaðið - 05.06.2021, Side 4

4 FRÉTTIRInnlent
MORGUNBLAÐIÐ LAUGARDAGUR 5. JÚNÍ 2021
Með því að heimsækja heimasíðu okkar
ferdaskrifstofaeldriborgara.is
þarftu aðeins að smella á „Sumarleikur 2021“
og þú tekur sjálfkrafa þátt í happadrætti þar sem
vinningar verða dregnir út vikulega í allt sumar.
Í boði eru 10 ferðavinningar að upphæð 25.000 kr.
hver í einhverja af þeim ferðum sem við stöndum fyrir.
Sumarleikur 2021
10 ferðavinningar í boði
Guðni Einarsson
gudni@mbl.is
„Þetta eru skelfileg tíðindi. Domus
Medica hefur verið flaggskipið í
sjálfstæðri læknisþjónustu um ára-
tuga skeið,“ segir Reynir Arngríms-
son, formaður Læknafélags Íslands,
um boðaða lokun Domus Medica.
„Þessi ákvörðun er fyrst og fremst
afleiðing af tvennu. Fyrst þeim
rekstrarskilyrðum sem ríkisstjórnin
hefur boðið sjálfstætt starfandi
læknum upp á. Það er mjög erfitt að
stunda þennan rekstur við núver-
andi aðstæður.“
Hin meginástæðan er að sjálf-
stætt starfandi læknar hafa ekki ver-
ið með samninga við ríkið sem taka
mið af þróun verðlags og launa. „Ég
verð að leiðrétta það sem hefur verið
í umræðunni, að greiðslur frá
Sjúkratryggingum Íslands séu
launagreiðslur til sjálfstætt starf-
andi lækna. Það er ekki rétt. Þetta er
heildarrekstrarkostnaður. Af þess-
um greiðslum þurfa þeir að borga
rekstrarkostnað og laun annarra
starfsmanna. Það á til dæmis við um
laun skurðhjúkrunarfræðinga hjá
skurðlæknum og svæfingahjúkrun-
arfræðinga hjá svæfingalæknum.
Svo hefur annar kostnaður eins og
við íhluti og tæki hækkað mjög mik-
ið,“ segir Reynir.
Í raun lokað fyrir nýliðun
Hann segir að stjórnvöld hafi í
raun lokað fyrir nýliðun sérgreina-
lækna. Ekki megi gleyma því að fall-
ið hafi héraðsdómur í tengslum við
það og stjórnvöld tapað málinu.
Sjúkratryggingar Íslands höfðu
neitað sérgreinalækni um aðild að
rammasamningi
við Læknafélag
Reykjavíkur.
Héraðsdómur
Reykjavíkur
felldi þá ákvörðun
úr gildi 18. sept-
ember 2018. Þá
höfðu þrír heil-
brigðisráðherrar
í röð gefið fyrir-
mæli um að ekki
fengju fleiri sérfræðilæknar aðild að
rammasamningnum. Dóminum var
ekki áfrýjað, að sögn Reynis.
Flytja ekki heim í óvissuna
Hann segir það hafa komið fram á
umræðuvettvangi lækna að sér-
fræðilæknum erlendis hugnist ekki
að flytja heim við núverandi aðstæð-
ur. Þeir geti hafið hér störf en það sé
enginn samningur í gildi. Nýir
læknar geti starfað samkvæmt
gjaldskrá sem heilbrigðisráðherra
gefur út til eins mánaðar í senn.
Reynir segir ekki hægt að ætlast til
þess að læknar hefji stofurekstur og
leggi út í mikinn kostnað meðan þeir
geti ekki séð rekstrargrundvöllinn
nema einn mánuð fram í tímann.
„Hópur sérfræðilækna hefur elst
mjög mikið. Margir eru að hætta eða
draga úr vinnu,“ segir Reynir. Hann
bendir á að nú vanti t.d. geðlækna og
hjartalækna. Útlit er fyrir að á kom-
andi árum fái hjartasjúklingar ekki
fullnægjandi þjónustu vegna skorts
á hjartalæknum.
Gera þarf nýjan samning
„Menn eru áhyggjufullir út af
þessu og ég held að það losni ekki um
þetta fyrr en aftur verða komnir
samningar á milli þessara aðila,“
segir Reynir.
Hann segir að samningar verði að
vera í gildi svo hægt sé að stýra
kostnaðarþátttöku sjúklinga. Ann-
ars staðar á Norðurlöndum sé gjarn-
an miðað við að kostnaður sjúklinga
vegna heilbrigðisþjónustu fari ekki
yfir 15% heildarkostnaðar. Reynir
segir að kostnaður sjúklinga hafi far-
ið lækkandi m.a. vegna lækkunar
eða niðurfellingar gjalda hjá heilsu-
gæslunni. Læknar hafi nýlega byrj-
að að innheimta komugjöld til að
koma í veg fyrir að lenda í þroti eins
og er að gerast í Domus Medica.
„Ég tel að þetta sé bein afleiðing
af þeirri stefnu sem ríkisstjórnin
hefur rekið. Það er á ábyrgð ríkis-
stjórnarinnar allrar, en ekki bara
heilbrigðisráðherra, hvernig komið
er,“ sagði Reynir.
Á ábyrgð ríkisstjórnarinnar allrar
- Formaður Læknafélags Íslands segir lokun Domus Medica „skelfileg tíðindi“ - Afleiðing af stefnu
ríkisstjórnarinnar - Sérfræðilæknum erlendis hugnast ekki að flytja heim við núverandi aðstæður
Reynir
Arngrímsson
Gönguleið upp á hinn svokallaða
Gónhól fór undir hraun í gær-
morgun. Frá Gónhóli er gott út-
sýni yfir eldgosið í Geldingadölum
og hafa ófáir landsmenn lagt leið
sína þangað undanfarið. Nú er það
ekki hægt lengur þar sem hraun
hefur umkringt hólinn.
Upplýsingar um hraunflæðið
bárust lögreglu rétt fyrir klukkan
9 í gærmorgun. Rögnvaldur Ólafs-
son, aðstoðaryfirlögregluþjónn hjá
almannavörnum, segir rennsli
hraunsins hafa verið viðbúið en
lögreglan lokaði svæðinu fyrir
nokkrum dögum af öryggis-
ástæðum.
„Hraunið var komið upp fyrir
hæðina á skarðinu þannig að það
var bara tímaspursmál hvenær
það myndi byrja að renna þarna
yfir,“ segir Rögnvaldur.
Ekki er vitað til þess að neinn
hafi lent í hættu á svæðinu enda
var vont veður í gær og fáir á
ferli. Lögreglan mun þó halda
áfram að meta aðstæður og öryggi
fólks við eldgosið.
Morgunblaðið fékk þær upplýs-
ingar í gærkvöldi að staða mála
væri óbreytt. Morgunblaðið/Kristinn Magnússon
Hraun
flæddi yfir
gönguleið
að Gónhóli
Útsýnishóllinn umkringdur hrauni
Um tvö þúsund manns greiddu at-
kvæði í prófkjöri Sjálfstæðisflokks-
ins í Reykjavík í gær. Prófkjörið
stendur yfir í tvo daga, í gær og í
dag. Nokkur fjöldi hafði áður greitt
atkvæði utan kjörfundar. Heild-
arfjöldi atkvæða var því 3.700 eftir
gærdaginn.
Í síðasta prófkjöri Sjálfstæð-
isflokksins í Reykjavík haustið 2016
greiddu alls 3.430 atkvæði. Því er
þegar ljóst að kjörsókn verður meiri
í prófkjörinu í ár en árið 2016.
Mikil stemning í gær
Kristín Edwald, formaður kjör-
stjórnar, sagði kosningarnar hafa
farið vel fram í gær. Mikil stemning
hefði verið meðal flokksmanna. Hún
gerir ráð fyrir að fyrstu tölur berist
um kvöldmatarleytið í dag.
Kjörstaðir verða opnir frá kl. 10 til
18 í dag en atkvæðisrétt hafa allir
flokksbundnir sjálfstæðismenn í
Reykjavík. Þrettán frambjóðendur
taka þátt í prófkjörinu. Allir sitjandi
þingmenn flokksins gefa kost á sér á
ný en tæpur helmingur frambjóð-
enda hefur ekki setið á þingi áður.
Ráðherrar takast á
Guðlaugur Þór Þórðarson, utan-
ríkis- og þróunarsamvinnuráðherra,
og Áslaug Arna Sigurbjörnsdóttir
dómsmálaráðherra takast á um
fyrsta sætið í prófkjörinu. Prófkjörið
er sameiginlegt fyrir Reykjavík-
urkjördæmi norður og suður. Þeir
frambjóðendur sem lenda í tveimur
efstu sætunum verða því oddvitar
flokksins hvor í sínu Reykjavík-
urkjördæminu.
Í síðasta prófkjöri flokksins árið
2016 varð Ólöf heitin Nordal í efsta
sæti, Guðlaugur Þór í öðru sæti,
Brynjar Níelsson í því þriðja og
Áslaug Arna lenti í fjórða sæti.
esther@mbl.is
Tvö þúsund kusu í gær
- Kjörsókn í prófkjöri Sjálfstæðisflokks meiri en árið 2016
Morgunblaðið/Árni Sæberg
Valhöll Um 2.000 manns kusu í
prófkjöri Sjálfstæðisflokksins í gær.