Morgunblaðið - 05.06.2021, Blaðsíða 21

FRÉTTIR 21Innlent
MORGUNBLAÐIÐ LAUGARDAGUR 5. JÚNÍ 2021
Byggingafulltrúinn í Reykjavík
hefur samþykkt umsókn fyrir-
tækisins EA11 ehf. um leyfi til þess
að byggja tvö 10 íbúða fjölbýlishús
á tveimur hæðum og 10 íbúða rað-
hús á tveimur hæðum með sameig-
inlegan bílakjallara á lóð númer 23
við Furugerði.
Á umræddri lóð stóðu áður gróð-
urhús og byggingar sem tilheyrðu
gróðrarstöðinni Grænuhlíð. Búið er
að rífa þessi mannvirki.
Íbúar við Furugerði og nágrenni
hafa frá upphafi mótmælt því að
uppbygging á lóðinni yrði svo um-
fangsmikil. Töldu þeir að breytt
deiliskipulag myndi raska alvar-
lega hagsmunum íbúa í nágrenn-
inu. Bæði vegna aukinnar umferðar
og tilheyrandi mengunar, ónæðis
og bílastæðaskorts, en einnig vegna
skerts útsýnis og skuggavarps.
Töldu þeir að fasteignir þeirra
myndu falla í verði.
Hinar nýju byggingar verða sam-
tals rúmlega 4.700 fermetrar.
sisi@mbl.is
Byggingar
heimilar í
Furugerði
Morgunblaðið/Árni Sæberg
Furugerði Búið er að rífa gróð-
urhús Grænuhlíðar á lóðinni.
Nýjar hugmyndir að uppbyggingu í
miðbæ Hafnarfjarðar voru kynntar
á fundi bæjarráðs Hafnarfjarðar sl.
fimmtudag. Fyrri áform um upp-
byggingu á 100 herbergja hóteli á
Strandgötu 26-30 í Hafnarfirði hafa
þróast í hugmyndir og áform um
matvöruverslun og þjónustu á jarð-
hæð, nýtt bókasafn og margmiðl-
unarsetur, almenningsgarð á 2.
hæð og hótelíbúðir í smáhýsum sem
liggja við Strandgötuna.
Verkefnið er leitt af félaginu 220
Miðbær ehf. sem er eigandi bygg-
ingarreitsins. Gildandi deiliskipu-
lag heimilar 6.400 fermetra ný-
byggingu á fimm hæða hóteli með
verslun og þjónustu á jarðhæð og
tveggja hæða tengibyggingu milli
hótels og verslunarmiðstöðv-
arinnar Fjarðar. Nýjar hugmyndir
gera ráð fyrir að byggingarmassi
verði færður inn á Fjarðargötu 13-
15 og hús sem skapa götumynd
Strandgötu verði lækkuð úr fimm
hæðum niður í eina til þrjár með
inndregna fjórðu hæð. Um er að
ræða byggingarreit upp á 1.750
fermetra og hljóðar samþykkt deili-
skipulag í dag upp á 5.980 fermetra
byggingarmagn á lóð.
Í tilkynningu frá Hafnarfjarðar-
bæ segir að bæjarráð hafi tekið já-
kvætt í hugmyndir skipulagshöf-
unda og lagt sérstaka áherslu á að
hugmyndin og hugmyndafræðin
yrði vel kynnt bæjarbúum í næstu
skrefum. Haft er eftir Rósu Guð-
bjartsdóttur bæjarstjóra að hún
telji hugmyndirnar falla vel að um-
hverfinu, gömlu byggðinni og
„sjarma“ bæjarins.
Horfið frá hótelbyggingu
Tölvuteikning/Hafnarfjarðarbær
Hafnarfjörður Uppbygging frá Strandgötu séð, horft til suðurs.
- Breytt áform kynnt um nýjan miðbæ Hafnarfjarðar
Hefðbundin dag-
skrá sjó-
mannadagsráðs
höfuðborg-
arsvæðisins
verður haldin
með lítils háttar
takmörkunum á
sjómannadaginn,
sunnudaginn 6.
júní, frá kl. 10 til
15 með minning-
arathöfn um drukknaða og týnda
sjófarendur, sjómannamessu,
heiðrun sjómanna og útvarps-
viðtali um sögu sjómannadagsráðs.
Eins og áður hefur komið fram
verður Hátíð hafsins við Gömlu
höfnina ekki haldin í ár vegna kór-
ónuveirunnar.
Dagskráin hefst kl. 10 með
minningarathöfn um drukknaða og
týnda sjómenn við Fossvogskirkju
Athöfnin er öllum opin og sömu-
leiðis árleg sjómannamessa sem
hefst í Dómkirkjunni klukkan 11.
Biskup Íslands, Agnes M. Sigurð-
ardóttir, predikar.
Sjómannadag-
ur verður með
takmörkunum
Dómkirkjan. MUNUM AÐ
KJÓSA Í DAG!
prófkjör
Sjálfstæðisflokksins
Birgir Ármannsson Birgir Örn Steingrímsson Brynjar Níelsson Diljá Mist Einarsdóttir
Friðjón R Friðjónsson Guðlaugur Þór Þórðarson Herdís Anna Þorvaldsdóttir Hildur Sverrisdóttir
Ingibjörg H Sverrisdóttir Kjartan Magnússon Sigríður Á. Andersen Þórður Kristjánsson
Áslaug Arna Sigurbjörnsdóttir
REYKJAVÍK
Valhöll og Hótel Sögu
Félagsheimili Sjálfstæðisfélagsins í Árbæ
Félagsheimili Sjálfstæðisfélaganna í Breiðholti
Félagsheimili Sjálfstæðisfélagsins í Grafarvogi
KOSIÐ VERÐUR Á EFTIRFARANDI STÖÐUM
SJÁ NÁNAR Á XD.IS
LAUGARDAGINN
5. JÚNÍ 10:00 – 18:00