Morgunblaðið - 05.06.2021, Side 48

48 MENNING
MORGUNBLAÐIÐ LAUGARDAGUR 5. JÚNÍ 2021
TÓNLIST
Arnar Eggert Thoroddsen
arnareggert@arnareggert.is
Lord Pusswhip hefur um nokkra
hríð verið með eljusömustu
neðanjarðartónlistarmönnum
landsins. Hann gefur út jaðar-
rapp, furðuraftónlist og for-
vitnilega samhristinga á kass-
ettum og streymisveitum (t.a.m.
Soundcloud og Bandcamp) og á
oft í samstarfi við erlenda tónlist-
armenn enda hefur hann dvalið í
sköpunarparadísum á borð við
Berlín og Los Angeles.
Nýjasta plata hans kallast
Reykjavík ’93 og á sama tíma
kom út stutt-
mynd, The Fut-
ure is Yest-
erday. Platan er
nokkurs konar
óður til íslensku
reif- og raftón-
listarsenunnar á
tíunda áratugnum sem Pusswhip
missti af sökum ungs aldurs.
Pusswhip gekk meira að segja
svo langt að smala tónbútum frá
Páli Óskari, Svölu Björgvins og
DJ Margeiri, með fullu leyfi að
sjálfsögðu, svo að hljóðmyndin
yrði sem réttust. Platan kemur út
á bandarísku plötuútgáfunni Fan-
tastic Voyage (Justin Jay) og í
viðtali við Impose Magazine segir
listamaðurinn frá því að viss vofu-
fræði („hauntology“) og ímynd-
aðar minningar marki plötuna,
hér sé kominn aðili sem upplifði
ekki þessa tíma að ímynda sér
hvernig það hafi verið og hvernig
menn hafi borið sig að í sköp-
Út að ystu mörkum
Þáþrá Lord Pusswhip heimsækir tíunda áratuginn.
uninni (Pusswhip, eða Þórður
Ingi Jónsson, hefur fjallað um fyr-
irbærið í pistlum fyrir
Ríkisútvarpið). Platan situr vel í
þessum hljóðheimi (sem pistilrit-
ari upplifði n.b.), frumstæðir og
harkalegir taktar ásamt hljóð-
mottum sem kalla fram reifið og
„hardcore“-ið sem í gangi var þá.
Lord Pusswhip situr þá ekki með
hendur í skauti en í sumar kemur
út önnur plata, Lord Pusswhip is
rich, en í þetta sinnið á Clan Dest-
ine Records.
Elli Grill hefur sömuleiðis
verið stöðugt að undanfarin ár og
stöðugt er hann á jaðrinum. Af-
staða hans enda
afdráttarlaus,
kemur fyrir eins
og Flavor Flav
nýkominn úr
vinnubúðum
keyrðum af The
Residents. Nýja platan, Púströra
Funk, stillir fram tveimur mynd-
arlegum augum og ég velti því
fyrir mér hvort það sé tilviljun.
Þessi plata er skemmtileg, segi
það bara strax. Elli er grallari,
furðulegur, óútreiknanlegur og
líka drepfyndinn. „Þú hleyptir
löggunni inn“, hvar Kilo kemur
við sögu, er t.a.m. snilld. Í hægum
skemmtaragír þar sem kór, sem
gæti verið undir stjórn Davids
Lynch, kyrjar í sífellu „þú þarft
að flytja“. „Skit“, hvar Elli og
ónefndur rappari takast á, fékk
mig líka til að skella upp úr. Plat-
an rúllar þægilega í raun, nettur
Wu-Tang-bragur yfir og hljóm-
vinnsla og bygging laga er með
ágætum út í gegn. Andinn er leti-
legur og draumkenndur og kall-
ast þannig á við umfjöllunarefnið
sem er á stundum bundið í allra
handa vísindaskáldskap. Þetta er
auk þess stóreflis verk, liðlega 50
mínútna langt og gestkvæmt með
afbrigðum, JóiPé og Kött Grá Pjé
á meðal þeirra sem hefja upp
raustina.
Í stafni er þó alltaf Elli sjálf-
ur með sinn einstæða stíl. Eins og
ári eður púki rappar hann um
hina margvíslegustu hluti, stund-
um stórskrítna, stundum ekki svo.
Á köflum er þetta eins og að vera
varpað inn í einhvern Prúðuleik-
araþátt en á öðrum tímum er Elli
jarðbundnari (sjá t.d. hina stór-
fínu „ballöðu“ „Hugarástand“).
Þessir tveir listamenn sem ég
geri að umfjöllunarefni hér eru
að sjálfsögðu að mestu leyti ósam-
bærilegir. Báðir eru þeir hins
vegar verðugir fulltrúar íslenskr-
ar jaðartónlistar, svo ég skilgreini
það fyrirbæri vítt, hvar hrein og
sannferðug sköpun kemur á und-
an þrýstingi um að samsama sig
norminu. Það er nóg af mannskap
í því …
»
Báðir eru þeir hins
vegar verðugir
fulltrúar íslenskrar
jaðartónlistar, svo
ég skilgreini það
fyrirbæri vítt …
Lord Pusswhip og Elli
Grill gáfu út plötur á
dögunum. Þeir eiga það
sameiginlegt að reyna
hressilega á þanþol
tónlistarformsins, hvor
á sinn hátt.
Morgunblaðið/Eggert
Grillaður Elli Grill fetar tónlistarlegt einstigi á
nýjustu plötu sinni sem nefnist Púströra Funk.
Sýningin Sumar 2021 verður opnuð
á morgun, sunnudag, kl. 14 í galler-
íinu Mutt að Laugavegi 48. Er það
samsýning 21 samtímalistamanns
og verkin unnin í ýmsa miðla.
Listamennirnir eru Almar S.
Atlason, Elín Rafnsdóttir, Franc-
isco Cuellar, Freyja Eilíf, Gabríela
Friðriksdóttir, Hjálmar Guðmunds-
son, Hlynur Helgason, Hulda Vil-
hjálmsdóttir, Jón Sæmundur, Jóna
Þorvaldsdóttir, Júlíanna Ósk Haf-
berg, Leifur Ýmir Eyjólfsson, Logi
Leó Gunnarsson, Ólöf Björg
Björnsdóttir, Páll Stefánsson, Shu
Yi, Sigga Björg, Sigurður Sævar
Magnúsarson, Spessi, Víðir Mýr-
mann Þrastarson og Þorvaldur
Jónsson.
Berskjaldareglan Verk eftir Gabríelu Frið-
riksdóttur á samsýningunni í Mutt.
Sumar 2021 í Mutt
Grímulaus veisla
nefnist sýning á
verkum Úlfs
Karlssonar sem
opnuð verður í
dag, laugardag,
kl. 16 í Galleríi
Úthverfu á Ísa-
firði. „Eftir und-
anfarið Covid-
tímabil með
heftum samböndum og innilokun
langar okkur að halda veislu. Hitta
fólk og og jafnvel faðmast þegar
við á. En í málverkunum búa kar-
akterarnir í sinni eigin veröld,
grímulausir, óttast alls konar, gera
alls konar og gleðjast hvort sem
það er viðeigandi eða ekki. Þeirra
veisla er alltaf grímulaus,“ segir
m.a. í tilkynningu um sýninguna.
Úlfur er með diplómu frá Kvik-
myndaskóla Íslands og Myndlist-
arskólanum á Akureyri og útskrif-
aðist með BA-gráðu frá Listahá-
skólanum í Gautaborg árið 2012.
Úlfur í Úthverfu
Úlfur Karlsson
Hlutbundin þrá (e. Object of Des-
ire) nefnist sýning sem opnuð
verður í dag, laugardag, kl. 16 í
Gerðarsafni í Kópavogi. Er það
sýning samtímalistamanna frá
Singapúr og Íslandi og sýningar-
stjórar hennar Dagrún Aðalsteins-
dóttir og Weixin Quek Chong frá
Singapúr.
Átta listamenn eiga verk á sýn-
ingunni sem hverfist um samband
mannsins við hlutlægni og hluti, að
því er fram kemur í tilkynningu og
segir þar að sýningin sé samtín-
ingur af klippimyndum, skúlptúr-
um, vídeóverkum og innsetningum.
„Verkin skoða hlutgervingu
mynda sem innihalda þrár og lang-
anir, ásamt umboði og áhrifum
slíkra mynda sem eru séðar og
dreifðar, jafnvel endurgerðar,“
segir þar og að sýningartitillinn
vísi í ritgerð eftir þýsku listakon-
una Hito Steyerl sem beri nafnið
A thing like you and me og sé frá
árinu 2010. Í henni skoði Steyerl
þátttöku mannsins í að skapa
myndir og að veita þeim umboð og
haldi hún því fram að sú þátttaka
veiti myndum eigin virkni sem
afmái skilin milli þess að vera hlut-
ur eða viðfangsefni og þá einnig
gagnvart mennskum viðfangs-
efnum sem séu sífellt að verða
meira hlutgerð. Steyerl lýsi mynd-
um sem brotum eða leifum af
veruleikanum en ekki spegilmynd
hans.
Sýningin er sögð tilraun til þess
að skapa gagnkvæma virkni milli
hluta og einstaklinga þar sem
listaverkin eru blanda af hlut og
viðfangi.
Listamennirnir sem eiga verk á
henni eru þau Daniel Hui, Dagrún
Aðalsteinsdóttir, Guo Liang, Guð-
laug Mía Eyþórsdóttir, Luca Lum,
Styrmir Örn Guðmundsson, Sæ-
mundur Þór Helgason og Weixin
Quek Chong.
Sýningarstjórar Dagrún Aðalsteinsdóttir og Weixin Quek Chong.
Samsýning listamanna
frá Íslandi og Singapúr
- Hlutbundin þrá opnuð í Gerðarsafni - Átta listamenn
Söngleikurinn Djúpt inn í skóg (e. Into the Woods)
verður sýndur um helgina, 5. og 6. júní, í Gaflaraleik-
húsinu og er þar á ferðinni áttunda uppsetning söng-
leikjadeildar Söngskóla Sigurðar Demetz. Segir í hon-
um af bakarahjónum sem eiga sér þá ósk að eignast
barn, Öskubusku sem langar í betra líf og á ball og Jóa
sem óskar þess að kýrin hans mjólki. „Þegar bakarinn
kemst að því að nornin í næsta húsi hefur lagt á hann
álög hefst ferðalag sem leiðir persónurnar djúpt inn í
skóg í leit að ósk sinni og það sem þær gera þar hefur
afdrifaríkar afleiðingar. Gættu þín á hvers þú óskar
þér … því óskin gæti ræst,“ segir í tilkynningu um
söguþráðinn.
Tónlist og texta samdi Stephen Sondheim og handritið James Lapine.
Söngleikurinn var frumsýndur árið 1986 og hefur unnið til fjölda verð-
launa, m.a. Tony-verðlaun fyrir tónlist og handrit. Um leikstjórn og
sviðshreyfingar sér Orri Huginn Ágústsson og Einar Aðalsteinsson þýddi
verkið en aðlögun hennar var í höndum Orra og Þórs Breiðfjörð.
Miðasala fer fram á tix.is.
Orri Huginn
Ágústsson
Djúpt inn í skóg í Gaflaraleikhúsi
Vorljóð er yfirskrift tónleika sem
haldnir verða í dag, 5. júní, kl. 17 í
Hafnarborg í Hafnarfirði og eru
hluti af Björtum dögum. Á þeim
verða flutt verk fyrir sópran, klar-
inettu og píanó og á efnisskránni
þýsk ljóð og sönglög lituð með ís-
lenskum ljóðum inn á milli.
Flutt verða tvö sönglög úr ljóða-
flokknum Sechs deutsche Lieder
eftir Louis Spohr og „Hirðirinn á
hamrinum“ eftir Franz Schubert.
Einnig verður flutt „Wir geniessen
die himmlischen Freuden“, „Smá-
lög um þögnina“ eftir Tryggva
Baldvinsson og sönglög eftir Ingi-
björgu Azimu Guðlaugsdóttur, auk
fleiri verka. Flytjendur eru Mar-
grét Hrafnsdóttir sópransöngkona,
Hrönn Þráinsdóttir píanóleikari og
Ármann Helgason klarinettuleik-
ari. Aðgangur er ókeypis.
Tríó Hrönn, Margrét og Ármann.
Verk fyrir sópran, klarinettu og píanó
–– Meira fyrir lesendur
NÁNARI UPPLÝSINGAR
um auglýsingapláss:
Berglind Bergmann
Sími: 569 1246
berglindb@mbl.is
BÍLA-SÉRBLAÐ
BÍLA
fylgir Morgunblaðinu
þriðjudaginn 15. júní 2021BLAÐ