Morgunblaðið - 14.06.2021, Qupperneq 11

FRÉTTIR 11Innlent
MORGUNBLAÐIÐ MÁNUDAGUR 14. JÚNÍ 2021
Endanleg mynd er að komast á framboðslista-
mál hinna ýmsu stjórnmálaflokka víðs vegar um
landið, en um helgina voru samþykktir fram-
boðslistar sjálfstæðismanna í Suðurkjördæmi
og vinstri-grænna í Norðvesturkjördæmi.
D-listi Sjálfstæðisflokksins í Suðurkjördæmi
var samþykkur samhljóða á laugardaginn í
Grindavík á fjölmennum fundi kjördæmisráðs
Sjálfstæðisflokksins í Suðurkjördæmi. Á annað
hundrað manns tóku þátt í fundinum og sagði í
tilkynningu frá Sjálfstæðisflokknum að góð
stemning og baráttuandi hefði verið í fólki fyrir
komandi þingkosningar.
Guðrún Hafsteinsdóttir, sem sigraði í próf-
kjöri flokksins 29. maí sl., skipar efsta sæti
listans, en þingmennirnir Vilhjálmur Árnason
og Ásmundur Friðriksson eru í næstu sætum.
Flokkurinn er nú með þrjá þingmenn í kjör-
dæminu. Björn Bjarnason, fyrrverandi ráð-
herra, skipar heiðurssæti listans.
Tækifæri á sveitarstjórnarstiginu
Bjarni Jónsson, fiskifræðingur og sveitar-
stjórnarmaður, leiðir lista Vinstri hreyfingar-
innar – græns framboðs í Norðvesturkjördæmi,
en listinn var samþykktur á fjölsóttum fundi á
Hótel Laugabakka í Miðfirði í gær. Bjarni sagði
í ræðu sinni á fundinum að til framtíðar lægju
miklir möguleikar í sterkara VG á sveitarstjórn-
arstiginu og samvinnu landsmálanna og sveit-
arstjórnamálanna. Bjarni þakkaði einnig ráð-
herrum flokksins fyrir mikla vinnu og
framsækni sem hefði leitt til vitundarvakningar
í samfélaginu þótt ekki hefðu öll mál náðst í höfn
á kjörtímabilinu. Bjarni er nýr oddviti listans,
en flokkurinn hefur nú einn þingmann í kjör-
dæminu.
Lilja Rafney Magnúsdóttir alþingismaður
skipar annað sætið. Í ræðu sinni sagði hún að
með gleði og samvinnu væri allt hægt, og hún
myndi láta til sín taka í málefnum launafólks,
sjómanna og byggðanna og fyrir réttlátara
samfélagi með umhverfismál að leiðarljósi. Hún
sagðist fyllast andagift yfir fjölbreytileikanum á
listanum og þeirri góðu stemningu sem ríkti.
sgs@mbl.is
Framboðslistar staðfestir í Suður og Norðvestur
- Björn Bjarnason í heiðurssæti Sjálfstæðisflokks
í Suður - Framboðslisti VG í Norðvestur klár
Ljósmynd/Sjálfstæðisflokkurinn
Þingkosningar Frambjóðendur sjálfstæðis-
manna í Suðurkjördæmi stilla sér hér upp.
Reykjavíkurborg stefnir að því að
loka neyðarskýli fyrir heimilis-
lausar konur í lok júlí. Úrræðinu
var komið á vegna faraldursins á
síðasta ári og hefur það verið fram-
lengt nokkrum sinnum síðan.
Úrræðið er á vegum borgarinnar
og félagsmálaráðuneytisins og átti
að miða að því að koma til móts við
þarfir heimilislausra kvenna og var
þeim komið fyrir í Konukoti og nýja
úrræðinu, svo hægt væri að tryggja
tveggja metra reglu. Til stóð að
loka úrræðinu síðasta sumar.
Í yfirlýsingu sem tíu heimilis-
lausar konur sendu frá sér í ágúst á
síðasta ári kom meðal annars fram
að heimsfaraldur hafi þurft til að
aðeins færri yrðu heimilislausir hér
á landi.
Loka neyðarskýli
heimilislausra kvenna
Hildur Árnadóttir, formaður Jafn-
vægisvogarráðs Félags kvenna í at-
vinnulífinu, FKA, og formaður Ís-
landsstofu, var í síðustu viku kjörin
formaður LeiðtogaAuðar FKA, en
það er sérstök deild innan samtak-
anna sem er fyrir konur sem hafa
yfirgripsmikla stjórnunarreynslu
úr atvinnulífinu, bæði einkageir-
anum og hinum opinbera.
Auk Hildar voru þær Auður
Daníelsdóttir, framkvæmdastjóri
hjá Sjóvá, Elfa Björk Aradóttir hjá
Ístaki, Erna Eiríksdóttir hjá Borg-
arplasti og Guðlaug Sigurðardóttir
hjá Landsneti kjörnar í stjórn sam-
takanna, en aðalfundur þeirra fór
fram á þriðjudaginn var.
Tilgangur LeiðtogaAuðar er að
efla tengslanet kvenna í stjórnunar-
og áhrifastöðum og auka þátttöku
og áhrif kvenna í atvinnulífinu.
„LeiðtogaAuðir vilja vera þeim
konum sem á eftir koma hvatning,
fyrirmynd og stuðningur,“ segir
Hildur Árnadóttir formaður.
„Markmið LeiðtogaAuðar er að
konur í forystusveit íslensks við-
skiptalífs kynnist hver annarri og
nýti sér tengsl, stuðning, aðstoð og
önnur tækifæri sem félagsskapur-
inn býður upp á,“ segir Hildur
jafnframt í tilkynningunni.
Hildur for-
maður Leið-
togaAuðar
Stjórnin Frá vinstri: Elfa Björk
Aradóttir, Guðlaug Sigurðardóttir,
Hildur Árnadóttir, formaður Leið-
togaAuðar, Erna Eiríksdóttir og
Auður Daníelsdóttir skipa stjórn.