Morgunblaðið - 14.06.2021, Side 32

Fyrir
líkama
og sál
w w w. i t r. i s
S ýnum hver t öðru tillit s semi
og njótum líf sins í laugunum
L augarnar í Rey k javí kMÁNUDAGUR 14. JÚNÍ 165. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Glódís Edda Þuríðardóttir úr KFA gerði afar góða hluti á
95. Meistaramóti Íslands í frjálsíþróttum sem fram fór
á Þórsvelli á Akureyri um helgina. Glódís keppti í fimm
greinum, vann í þremur þeirra, tók eitt brons og setti
mótsmet í 100 metra grindahlaupi er hún hljóp á 13,43
sekúndum. Hún kom einnig fyrst í mark í 400 metra
hlaupi og 400 metra grindahlaupi. Þá fékk hún brons í
kúluvarpi. „Ég er mjög ánægð með hvernig þetta gekk,
sérstaklega í 100 metra grindinni,“ sagði Glódís í sam-
tali við Morgunblaðið. »27
Glódís Edda sló í gegn á 95. Meist-
aramóti Íslands í frjálsíþróttum
ÍÞRÓTTIR MENNING
Ljóðamála á almannafæri
nefnist ný sjónvarpssería
sem hefst á morgun, 15. júní,
á N4. Verður ljóðskáldum og
kvikmyndagerðarmönnum
þar stefnt saman. Fjórtán
ljóðskáld koma fram í þátt-
unum og sjö leikstjórar og verður efnið einnig sýnt á
smygl.is. Ljóðskáldin sem fram koma eru Arnar Már Arn-
grímsson, Eyþór Gylfason, Sesselía Ólafs, Vilhjálmur B.
Bragason, Ásgeir H. Ingólfsson, Bergþóra Snæbjörns-
dóttir, María Ramos, Loki, Soffía Bjarnadóttir, Þórdís
Helgadóttir og Ásta Fanney Sigurðardóttir. Einnig eru
það hin tékkneska Tereza Riedlbauchová, Jonas Gren frá
Svíþjóð og Vestur-Íslendingurinn Darrell Jónsson. Ilona
Gottwaldova, Eiríkur Örn Norðdahl og Ásgeir H. Ingólfs-
son þýða ljóð þeirra síðastnefndu og kvikmyndagerðar-
mennirnir sem færa ljóðskáldin á sjónvarpsskjáinn eru
Kári Liljendal, Magnea Björk Valdimarsdóttir, Atli Sig-
urjónsson, Haukur Valdimar Pálsson, Hallur Örn Árna-
son, Gunnlaugur Starri Gylfason og Darrell Jónsson. Ás-
geir H. Ingólfsson hefur yfirumsjón með þáttunum.
Ljóðskáld og leikstjórar í Ljóðamála
Hólmfríður María Ragnhildardóttir
hmr@mbl.is
Barnamenningarhátíðinni í Reykja-
vík lauk formlega um helgina með
þéttri dagskrá á Árbæjarsafni en há-
tíðin hófst 20. apríl síðastliðinn.
Góð mæting þrátt fyrir veður
Harpa Rut Hilmarsdóttir, verk-
efnastjóri barnamenningar, kveðst
ánægð með hversu vel hefur gengið
og segir hún gesti hátíðarinnar ekki
hafa látið veðrið á sunnudaginn á sig
fá en fólk mætti vel klætt og gat
dansað úti í rigningunni.
Harpa segir góða mætingu hafa
verið en fjölbreyttur hópur Reykvík-
inga og nærsveitunga lét sjá sig báða
dagana. „Fólk kemur hingað [í Ár-
bæjarsafn] og er að njóta allan dag-
inn. Þeir sem mættu í gær komu
meira að segja aftur í dag,“ segir
Harpa Rut.
Hátíðin í ár var ekki með hefð-
bundnu sniði vegna heimsfaraldurs-
ins en dagskráin teygðist yfir tveggja
mánaða tímabil en ekki sex daga eins
og vaninn er. Auk þess voru ekki jafn
margir stórir viðburðir og áður. Var
þá lögð meiri áhersla á að hafa fleiri
en færri viðburði vegna sóttvarna.
Skapandi vettvangur fyrir börn
Lag barnamenningarhátíðarinnar
heitir Fljúgandi furðuverur og var
samstarfsverkefni fjórðu bekkinga í
Reykjavíkurborg ásamt tónlistarfólk-
inu Bríeti Ísis Elfar og Pálmari
Ragnari Ásgeirssyni. Voru krakk-
arnir beðnir um að skrifa niður á blað
hvað það væri sem þeim þætti raun-
verulega skipta máli í lífinu og fengu
Bríet og Pálmar það verkefni að
semja lag og texta út frá þeim nið-
urstöðum. Fjallar lagið meðal annars
um mikilvægi þess að vera þú sjálfur,
flokka plast og ræða heimsmálin.
Einn af dagskrárliðum hátíð-
arinnar var krakkakaríókí og virtust
flestir krakkarnir vera með texta
lagsins á hreinu en að sögn Hörpu
Rutar var þetta lag afar vinsælt.
„Þetta var svona fjórða hvert lag í
karíókíinu. Þau kunna textann al-
gjörlega.“
Segir Harpa mikilvægt að barna-
menningarhátíðin sé vettvangur þar
sem börn fái tækifæri til að skapa.
„Það er alveg ótrúlegt þegar vett-
vangurinn er til staðar, hvað það býr
mikið í krökkunum og hvað þeir geta
mikið.“
Ljósmynd/Harpa Rut Hilmarsdóttir
Barnamenningarhátíð Lagið Fljúgandi furðuverur var vinsælt í krakkakaríókí á barnamenningarhátíðinni.
Líf og fjör á Árbæjar-
safni um helgina
- Barnamenningarhátíðinni lauk um helgina með glæsibrag