Morgunblaðið - 20.07.2021, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 20. JÚLÍ 2021
Álfheimum 74, 104 Rvk, sími 568 5170
Útsalan
heldur áfram
Verið velkomin
Svonefndar mathallir hafa verið að
ryðja sér til rúms á landinu undan-
farin ár og nokkrar til viðbótar eru
í undirbúningi.
Fyrr í sumar var veitingastaðn-
um Restaurant Reykjavík að Vest-
urgötu 2 lokað og til stendur að
breyta staðnum í mathöll sem feng-
ið hefur nafnið Reykjavík mathöll.
Þarna er áformað að verði 10-12
minni veitingastaðir, sem bjóði upp
á mismunandi tegund matar.
Vesturgata 2 er sögufrægt hús
og þykir eitt merkasta hús borgar-
innar. Það var byggt árið 1863 af
C.P.A. Koch útgerðarmanni og var
þá kallað Bryggjuhúsið. Vesturgata
2 hefur þá sérstöðu að vera núll-
punktur borgarinnar. Við það eru
öll götunúmer í borginni miðuð og
talið út frá því til allra átta.
Ýmsar breytingar voru gerðar á
húsinu í gegnum tíðina. Það hefur
m.a. hýst heildsölu, skrifstofur og
ýmsar verslanir. Um margra ára
skeið var í húsinu rekið eitt vinsæl-
asta veitingahús borgarinnar, Kaffi
Reykjavík. sisi@mbl.is
Mathöll í frægu húsi
Morgunblðið/sisi
Vesturgata 2 Framkvæmdir eru hafnar við nýjustu mathöll borgarinnar.
Sigtryggur Sigtryggsson
sisi@mbl.is
Ungmennafélagið Fjölnir og fast-
eignafélagið Reginn hf. hafa kynnt
fyrir Reykjavíkurborg tillögur/
hugmyndir sem lúta að því að
byggja upp við Egilshöll kjarna
íþrótta, tómstunda og lýðheilsu fyrir
samfélagið í Grafarvogi. Jafnframt
verði skipulögð íbúðabyggð á svæð-
inu, þar sem risið gætu 400-500 íbúð-
ir. Tillögurnar eru nú til skoðunar
hjá borginni.
Fjölnir teflir fram liðum í meist-
araflokki karla og kvenna í knatt-
spyrnu. Heimavöllur félagsins í Dal-
húsum uppfyllir ekki kröfur KSÍ til
keppnisvalla í efstu deild. Félagið
hefur verið á undanþágu í fjölda ára
og óvíst hve lengi svo verður áfram.
Fjölnir og Reginn hafa skoðað og
viðrað þá hugmynd að leysa til fram-
tíðar keppnisaðstöðu fyrir knatt-
spyrnu við Egilshöll, en húsið er í
eigu Regins.
„Hugmynd og tillögur byggja á
því að byggja upp enn öflugri kjarna
íþrótta, tómstunda og lýðheilsu í
Grafarvogi og víðar. Auk knatt-
spyrnuaðstöðu verður mótuð að-
staða til heilsueflingar og marg-
víslegra íþrótta. Dæmi um
möguleika eru bað- og laugasvæði,
klifurgarður, tennis, Padel-tennis,
hjólabrettagarður og margt fleira,“
segir í bréfi til Dags B. Eggerts-
sonar borgarstjóra. Bréfið undirrita
Helgi S. Gunnarsson, forstjóri Reg-
ins, og Jón Karl Ólafsson, formaður
Fjölnis.
Verði byggt í fjórum áföngum
Tillögunum er skipt í fjóra áfanga.
Í 1. áfanga verði núverandi grasvöll-
ur endurnýjaður og honum snúið í
90 gráður. Þá verði byggð áhorf-
endastúka, sem síðar tengist bygg-
ingum 2. áfanga á lóð Egilshallar.
Stúkan mun rúma 1.000-1.500
áhorfendur og verða allir í sætum.
Stækkunarmöguleikar verða fyrir
allt að 4.000 áhorfendur. Völlurinn
mun uppfylla skilyrði KSÍ/FIFA.
Gert er ráð fyrir því að núverandi
fimm sparkvellir haldi sér. Meðfram
Víkurvegi verður byggður skjól- og
öryggisveggur.
Heildarkostnaður er áætlaður
rúmlega 500 milljónir króna, þ.e. við
völl og stúku. Reginn hf. er reiðubú-
ið að fjármagna og byggja upp að-
stöðuna. Á móti komi árlegar leigu-
tekjur frá Reykjavíkurborg.
Í 2. áfanga er gert ráð fyrir 16
þúsund fermetra íþrótta- og lýð-
heilsukjarna norðan Egilshallar og
austan við nýjan keppnisvöll. Upp-
bygging móti skjól fyrir ríkjandi
vindátt og tengi nýjan kjarna við
framtíðaríbúðabyggð. Með upp-
byggingunni verði mætt þörfum fjöl-
breyttrar íþrótta- og heilsutengdrar
starfsemi.
Í 3. og 4. áfganga er gert ráð fyrir
skipulagningu og uppbyggingu
íbúðabyggðar, þar sem verði allt að
500 íbúðir. Þetta land er í eigu
Reykjavíkurborgar, sem myndi selja
byggingaréttinn. Hin nýja byggð
tengist kjarnanum, golfvellinum við
Korpúlfsstaði og nýju neti almenn-
ingssamgangna. Þarna verði boðið
upp á einstaka staðsetningu með úti-
vistartækifærum, afþreyingu og út-
sýni, segir í bréfinu.
„Reginn býðst til að koma upp að-
stöðu fyrir nýjan knattspyrnuvöll og
byggja stúku fyrir Fjölni fyrir 1.
apríl 2022 gegn árlegri leigu sem
nemur 21 milljón króna til 20 ára. Þá
fái félagið byggingarheimildir fyrir
allt að 16.000 nýjum fermetrum
gegn greiðslu gatnagerðargjalda,“
segir m.a. í bréfinu.
Bréfið er dagsett 29. janúar 2021
svo ljóst er að þessar dagsetningar
munu ekki standast, taki borgin já-
kvætt í þær hugmyndir sem fram
koma í bréfinu.
Egilshöll í Grafarvogi er stærsta
afþreyingar- og íþróttamiðstöð á Ís-
landi. Húsið er um 24.000 fermetrar,
sem skiptast í 10.800 fermetra
knattspyrnusal, 400 fermetra skóla-
íþróttasal, 4.000 fermetra skauta-
höll, 800 fermetra skotæfingasvæði
og 8.000 fermetra í ýmsa smærri
sali, skrifstofu, þjónustu, veit-
ingasölu, heilsuræktarstöð og margt
fleira. Þar er einnig að finna bíósali,
sem SAM-bíóin reka. Fjölmargir
tónleikar hafa verið haldnir í Egils-
höll í gegnum árin. Þeir fjölmenn-
ustu voru tónleikar Metallicu í júní
2004, sem 18 þúsund manns sóttu.
Morgunblaðið/Rósa Braga
Egilshöll Þetta er risabygging í Grafarvogi þar sem fjölbreytt starfsemi fer fram allt árið um kring. Áform eru um að byggja þar knattspyrnuvöll með stúku og 16.000 fermetra byggingu að auki.
Lýðheilsumiðstöð verði við Egilshöll
- Fjölnir og Reginn kynna tillögur fyrir borginni - Knattspyrnuvöllur Fjölnis verði við Egilshöll
Fjölnir er ungmenna- og íþrótta-
félag, sem þjónar íbúum Grafar-
vogs og nágrennis. Fjölnir var
stofnaður 11. febrúar 1988, þeg-
ar hverfið fór að byggjast upp,
og telst því vera „ungt“ félag.
Hverfið er fjölmennt og því hef-
ur Fjölnir um árabil verið eitt
stærsta íþróttafélag landsins
með mörg þúsund iðkendur í
níu íþróttadeildum.
Hjá Fjölni starfa um 100
manns auk um 150 sjálfboða-
liða, sem eru gríðarlega mik-
ilvægir fyrir félagið. Deildir inn-
an Fjölnis eru: Knattspyrna,
körfubolti, sund, fimleikar,
handbolti, skák, karate, frjálsar
íþróttir og tennis.
Ungt en fjöl-
mennt félag
FJÖLNIR Í GRAFARVOGI