Fréttablaðið - 30.11.2021, Side 2

Ef þau hafa haldið að
við yrðum auðsveipir
þjónar þeirra, þá er
það einhver misskiln-
ingur.
Logi
Einarsson,
formaður Sam-
fylkingarinnar
Beðið í bílnum
Formaður Þroskahjálpar segir
stóran hóp ekki geta ferðast
með strætó eftir að nýtt
greiðslukerfi var tekið í notk-
un. Kerfið sé hamlandi fyrir
öryrkja og fólk með þroska-
skerðingu. Framkvæmdastjóri
Strætó segir að brugðist verði
við ábendingum.
birnadrofn@frettabladid.is
SAMGÖNGUMÁL „Ég er leið og reið
yfir þessu og hrædd um að það sé
verið að skerða frelsið mitt,“ segir
Steinunn Ása Þorvaldsdóttir, sjón-
varpskona og baráttukona fyrir
réttindum fatlaðra, um Klapp, nýtt
greiðslukerfi Strætó bs.
Greiðslukerfið er rafrænt og
virkar þannig að farsími eða kort
er sett upp við skanna í vagninum
þegar greitt er fyrir farið. Öryrkjar
fá afslátt af Strætó-fargjaldi en til að
virkja afsláttinn þurfa þeir að skrá
sig inn með rafrænum skilríkjum.
Unnur Helga Óttarsdóttir, for-
maður Þroskahjálpar, segir stóran
hóp fólks með þroskahömlun ekki
geta fengið rafræn skilríki. Sökum
fötlunar geti þau ekki valið lykilorð
og megi þau ekki fá aðstoð við það.
Einnig sé stafrænt ferli greiðslu-
kerfisins f lókið og ekki hafi allir
færni til að læra á það. „Ég neita að
trúa því að þetta sé annað en hugs-
unarleysi,“ segir Unnur Helga sem
sent hefur bréf bæði til ráðamanna
og Strætó en engin svör fengið.
„Þetta er stór kúnnahópur Strætó
sem nú getur ekki tekið strætó,
þarna er verið að skapa hindranir.“
Steinunn Ása er með rafræn skil-
ríki en segist eiga erfitt með að læra
á nýja og flókna tækni. „Mér finnst
verið að mismuna fólki,“ segir hún.
„Ég er vön að taka strætó á hverjum
degi en núna get ég það ekki.“
Jóhannes Svanur Rúnarsson,
framkvæmdastjóri Strætó bs., hefur
orðið var við gagnrýni varðandi nýja
kerfið sem snúi að öryrkjum og fólki
með þroskaskerðingar eða fatlanir.
„Já, við höfum orðið vör við það
nú þegar við tökum fyrstu skrefin í
þessu nýja kerfi, til dæmis frá sam-
tökum eins og Þroskahjálp.“
Jóhannes segir að brugðist verði
við ábendingunum eftir bestu getu.
Til að byrja með geti fólk komið
í höfuðstöðvar Strætó og keypt
strætókort með öryrkjaafslætti.
Sýna þurfi staðfestingu frá Trygg-
ingastofnun um að það sé öryrkjar.
„Það er sambærileg lausn og þegar
fólk var að kaupa sér árskort í gamla
greiðslukerfinu,“ segir Jóhannes.
Spurður að því hvort þessi hópur
muni áfram geta notað „gamaldags“
strætómiða segir Jóhannes þá not-
hæfa til 1. mars á næsta ári.
„Við munum skoða betur f leiri
lausnir fyrir þá sem eru ekki með
rafræn skilríki eða hafa ekki nægi-
lega góða þekkingu á tækni. En við
munum ekki halda áfram notkun á
gömlum farmiðum,“ segir Jóhann-
es. n
Nýtt greiðslukerfi Strætó
lokar dyrunum á Steinunni
Strætó tók upp nýtt greiðslukerfi fyrir skemmstu. FRÉTTABLAÐIÐ/ERNIR
Jóhannes Svan-
ur Rúnarsson,
framkvæmda-
stjóri Strætó bs.
Ég er vön að taka
strætó á hverjum degi
en núna get ég það
ekki.
Steinunn Ása
Þorvaldsdóttir,
sjónvarpskona
og baráttukona
fyrir réttindum
fatlaðra
bth@frettabladid.is
STJÓRNMÁL Stjórnarandstaðan
fær aðeins formannssæti í einni
fastanefnd í stað þriggja á síðasta
kjörtímabili. Logi Einarsson, for-
maður Samfylkingarinnar, segir
að ákvörðun meirihlutans um
þetta muni skerpa andstöðu milli
stjórnar og stjórnarandstöðu.
„Viðbrögð okkar eru þau að þessi
ákvörðun er í höndum ríkisstjórn-
ar sem fyrir fjórum árum var með
það skrifað í stjórnarsáttmálanum
að eitt af helstu verkefnum væri
að ef la stöðu Alþingis og minni-
hlutans. Það gekk ekki eftir. Ég tel
að þessi breyting sé rökrétt skref af
því hvernig þau nálguðust okkur
síðustu fjögur árin,“ segir Logi.
Hann segir um áhrif breyting-
anna:
„Þetta mun skerpa andstöð-
una og aðhaldið milli stjórnar og
stjórnarandstöðu.“
Hann hafi heyrt formenn Fram-
sóknarflokksins og Vinstri grænna
lýsa vonbrigðum með samstarfið á
síðasta kjörtímabili.
„Ef þau hafa haldið að við yrðum
auðsveipir þjónar þeirra, þá er það
einhver misskilningur,“ segir Logi
og vísar til nefndaformennsku
minnihlutans síðasta kjörtímabil.
Katrín Jakobsdóttir forsætis-
ráðherra sagði í gær að mismikil
ánægja hefði verið með hvernig
til tókst á síðasta kjörtímabili. Því
hefði verið lagt til að stjórnarand-
staðan fengi eingöngu formennsku
í stjórnskipunar- og eftirlitsnefnd.
Logi segist hlakka til komandi
þingstar fa. Stjórnarandstaðan
hafi rætt saman í gær og sé nú sam-
stilltari en áður. n
Boðar samstilltari
stjórnarandstöðu
bth@frettabladid.is
SAMFÉLAG Innan við helmingur
þeirra sem stofnuðu til hjúskapar í
ágústmánuði gifti sig hjá þjóðkirkj-
unni eða 47,5 prósent. Þetta kemur
fram hjá Þjóðskrá.
Af þeim 530 einstaklingum sem
stofnuðu til hjúskapar gerðu 144
það hjá sýslumanni,  27,2 prósent,
252 giftu sig í þjóðkirkjunni og 76
einstaklingar gengu í hjúskap í öðru
trú- eða lífsskoðunarfélagi, 14,3 pró-
sent. 56 gengu í hjúskap erlendis.
Alls skildu 84 einstaklingar, skráð-
ir í þjóðskrá, í ágúst síðastliðnum. 82
hjá sýslumanni en tveir fyrir dómi. n
Kirkjubrúðkaup í
minnihluta í ágúst
252
giftu sig í þjóðkirkjunni.
Nokkur snjókoma var á höfuðborgarsvæðinu í gær með þeim afleiðingum að fjöldi ökumanna komst hvorki lönd né strönd. Margir voru á sumar dekkjum og illa
búnum bílum að sögn lögreglu. Dæmi voru um að öku menn styttu sér leið yfir um ferðar eyjur og gróin svæði til að komast leiðar sinnar. FRÉTTABLAÐIÐ/SIGTRYGGUR
2 Fréttir 30. nóvember 2021 ÞRIÐJUDAGURFRÉTTABLAÐIÐ