Heilsuvernd - 01.03.1993, Blaðsíða 53

VIÐTÖKl R STARFSBRÆÐRA
Samkvæmt heimildum frá Dýralækna-
félagi íslands og Dýraspítalanum í
Víðidal er ekki vitað til þess að
nokkur dýralæknir, að Rikke
undanskilinni, noti þessar óhefð-
bundnu lækningaaðferðir hér á landi.
„Aðferðir sem þessar hafa ekki koniið
til tals hjá okkur,“ sagði Rögnvaldur
Ingólfsson formaður Dýralækna-
félagsins. Hann sagði að félagið
íjallaði hinsvegar mikið um mikilvægi
réttrar fóðrunar og góðrar hreyfingar.
Þorvaldur Þórðarson, dýralæknir í
Víðidal, sagðist kannast við þessar
lækningar og sagði að þær væru
notaðar í þó nokkrum mæli á
Bretlandseyjum og í Mið-Evrópu.
„Menn hafa nú bara ekki kynnt sér
þessi mál almennilega hér á landi,“
sagði Þorvaldur aðspurður hvers
vegna íslendingar væru á eftir í
þessum efnum. „Þetta var nú ekki
komið inn í skólana þegar ég var að
læra fyrir 10 árum. Hugsanleg ástæða
er að mönnum hafi bara ekki verið
kennt þetta á sínum tíma.“
Þorvaldur sagði það upp og ofan
hvort dýralæknar hér á landi hefðu
vantrú á slíkum lækningaaðferðum.
„Það hefur náttúrlega hver sitt viðhorf
'í þeim efnum en persónulega er ég
ekkert tortrygginn á þetta,“ sagði
Þorvaldur.
Rikke segist ekki hafa verið litin
óhýru auga af starfsbræðrum sínum.
Hennar skoðun er sú að margir þeirra
viti í raun og veru að þessar aðferðir
séu viðurkenndar svo til alls staðar
annars staðar, því væru þeir ekkert
að setja út á hana persónulega.
„Kannski er ekki málið beint að þeir
vilji ekki viðurkenna þessar aðferðir
heldur frekar að þetta hafi bara ekki
verið rætt og kynnt,“ sagði Rikke.
ÆTLAR AÐ STARFA ÁFRAM Á
ÍSLANDI
Rikke hefur trú á að hún komi til með
að nota nálarstunguaðferðina og
hnykklækningar mikið í framtíðinni.
Ætlunin er að fara til Bandaríkjanna
á næstunni og sækja þar fleiri
námskeið svo hún geti bætt við
þekkingu sína. Henni finnst þó leitt
að geta ekki notað kunnáttu sína á
notkun hómópatalyfja hér á landi.
Rikke líkar mjög vel á íslandi og
hefur ákveðið að starfa hér í
framtíðinni. Hún vonar bara að
íslendingar eigi eftir að sjá að sér
varðandi notkun á óhefðbundnum
lækningaaðferðum á dýmm og að
þær verði meira viðurkenndar hér
eins og annars staðar. Hún sagði að
það myndi koma fólki á óvart ef það
vissi hversu mikið hægt sé að hjálpa
dýmm með þessum aðferðum.
TíyK
KRIPALUJÓGA
TíjjSf
Sameinar Hathajóga stöður, öndunartækni og hugleiðslu
svo úr verður leikfimi líkama, hugar og sálar.
• Námskeið fyrir byrjendur
• Framhaldsnámskeið
• Jóga fyrir eldri borgara
• Unglinganámskeið
• Samverustundir (Satsanga)
• Bóksala - bækur, snældur og reykelsi
• Morguntímar
• Hádegistímar
• Eftirmiðdagstímar
• Kvöldtímar
Verið velkomin á kynningu á Kripalujóga
laugardaginn 17. aprílkl. 14:00.
KRIPALUJÓGA Á ÍSLANDI
JÓGASTÖÐIN HEIMSLJÓS
Skeifan 19, 2. hæð, sími 679181 (kl.17-19)
53