Heilsuvernd - 01.03.1993, Blaðsíða 54

GRÆNMETISÆTUR
FRÆGIR MENN
SEM GERÐUST
GRÆNMETISÆTUR
LEO TOLSTOY -
Rússneskur rithöfundur og
skáld (1829 - 1910), gerðist
grænmetisæta 57 ára
gamall. Hann hélt því fram
að kjötát væri siðferðilega
rangt þar sem það fæli í
sér dráþ dýra. Tolstoy bar
mikla virðingu fyrir öllum
lífverum og sagði jafnvel
dráp á maurum og
pöddum stríða á móti
siðferði manna.
BERNARD SHAW - írskur
rithöfundur og skáld (1856
- 1950), gerðist
grænmetisæta 25 ára
gamall. Síðar á ævinni var
Leonardo Da Vinci
hann eitt sinn spurður
hvernig stæði á því að
hann væri svo unglegur á
að líta. Shaw svaraði því til
að hann væri ekkert
unglegri en aldur hans
segði til um, hinsvegar liti
fólkið í kringum hann út
fyrir að vera miklu eldra en
aldur þess segði til um. En
ekki væri svo sem við öðru
að búast þar sem það legði
lík sér til munns, sagði
rithöfundurinn.
PYTHAGORAS - Grískur
heimspekingur og
stærðfræðingur (582 - 500
f.Kr), gerðist grænmetisæta
á miðjum aldri. Hann át
brauð og hunang á
morgnana og hrátt
grænmeti á kvöldin.
Pythagoras áleit það af
hinu illa að leggja dýr sér
til munns. Fyrir honum
voru það aðeins verstu
skepnur sem fullnægðu
hungri sínu með kjötáti.
Hann sá enga ástæðu fyrir
menn að drepa dýr þar
sem nóg væri um mat
fyrir þá í plönturíkinu.
Samúð Pythagorasar
með dýrum var svo
mikil að hann borgaði
jafnvel fiskimönnum
fyrir að henda fengnum
aftur í sjóinn.
AÐRAR FRÆGAR
GRÆNMETISÆTUR:
Michael Jackson, Paul
McCartney og kona
hans Linda, George
Harrison, Johnny Cash,
David Cassidy, Stevie
Wonder, Annie Lennox,
fyrirsæturnar Brooke
Shields og Christine
Brinkley og leikkonan
Demi Moore.
„Sá tími mun koma
að menn líti það
sömu augum að
drepa dýr og að
drepa menn.“
Leonardo da Vinci,
ítalskur málari og
vísindamaður (1452 -
1519).
„Ég tel að þróun
andans muni á vissu
stigi krefjast þess að
við hættum að
drepa náunga okkar
meðal dýra til þess
að fullnægja
líkamsþörfum
okkar.“
Mahatma Gandhi,
indverskur þjóðarleiðtogi
(1869 -1948).
NOKKRAR
STAÐREYNDIR
UM SVEFN
- Líkaminn á afar erfitt
með að venjast tíðum
breytingum á svefn-
venjum og þær geta
beinlínis verið skað-
legar.
- Draumar fólks verða
betri ef það lifir reglu-
sömu og heilbrigðu lífi.
- Það er helst í djúpum
og draumlausum svefni
sem fólk á það til að
ganga í svefni.
- Svefnþörf fólks er mjög
mismunandi. Flestum
henta þó 7 - 8 klst. á
sólarhring. Nýfætt barn
sefur 16 tíma á
sólarhring og fólk um
sextugt sefur um 6 klst.
á sólarhring.
- Það er ágætis vani að
sofa í sokkum því menn
sofa fastast ef þeim er
heitt á fótum.
- í svefni skiptir fólk um
stellingu 25 - 35 sinnum.
- Fólk hrýtur oftast er
það liggur á bakinu.
Minni líkur eru á að fólk
hrjóti ef það sefur á hlið-
inni og andar í gegnum
nefið.
- Notkun svefnlyfja er
óhepþileg meðferð við
svefnleysi. Langvarandi
notkun þeirra getur leitt
til fráhvarfseinkenna
svo sem kvíða, martraða
og svefnleysis.
- Um 33% manna
dreymir í lit.
- Fólk ansar ekki hávaða
eða tali á meðan það
gengur í svefni.