Feykir - 29.04.2020, Qupperneq 9

Haukur Sindri Karlsson (1999)
er ungur og upprennandi
tónlistarmaður sem vakið hefur
verðskuldaða athygli m.a. fyrir
aðkomu sína að tónlistarvinnu
í uppsetningum leikverka við
Verkmenntaskólann á Akureyri.
Hann hefur verið að gefa út eigin
tónlist sem hægt er að finna á
Spotify, undir Haukur Karls, og fyrir
skömmu gaf hann út, í samvinnu
við félaga sína á Króknum Atla
Dag Stefánsson og Ásgeir Braga
Ægisson, nýtt lag, Let you down.
Haukur Sindri stundar nú nám í
Danmörku sem væntanlega leiðir til
BA-prófs og heitir á ensku „Music
Production“. Feykir leitaði til Hauks
Sindra og fékk hann til að svara
nokkrum laufléttum Tón-lystar
spurningum.
Hvar ólstu upp? Fyrri partinn á
Sauðárkróki, en sá seinni í Eyja-
fjarðarsveit.
Hljóðfæri: Gítar, trommur, hljómborð,
bassi, ukulele, munnharpa.
Helstu tónlistarafrek: Enn sem
komið er að komast inn í RMC tón-
listarháskólann.
Uppáhalds tónlistartímabil? Dag-
urinn í dag. Finnst alltaf gaman að
heyra í hvaða átt tónlistin er að fara.
Hvaða tónlist fær þig til að sperra
eyrun þessa dagana? Ég er mikið
að setja á kósí sólseturs-playlistann
minn þessa daganna og slaka á úti í
garðskála þar sem veðrið er geggjað
um þessar mundir. Á þeim lista
eru t.d: J. Cole, Frank Ocean, Post
Malone, Blood Orange, Billie Eilish
og Drake.
Hvers konar tónlist var hlustað á
á þínu heimili? Alls konar klassískt
rokk, þökk sé pabba mínum. En
Pink Floyd stendur mikið upp úr. Það
æði gekk svo langt að einn daginn
tók ég með mér útprentaða mynd
af Nick Mason (trommuleikara) í
leikskólann, og eru þeir ein uppá-
halds hljómsveitin mín ennþá í dag.
Hver var fyrsta platan/diskurinn/
kasettan/niðurhalið sem þú keyptir
þér? Lagið Who Says með John
Mayer.
Hvaða græjur varstu þá með? Þá
var ég með Sony Ericson farsíma
og eyddi allri minni 500 kr. inneign
í að niðurhala laginu á meðan ég var
í útlöndum – foreldrarnir voru ekki
kátir, en ég bara varð að eignast
þetta lag. Langar að gefa 11 ára
sjálfum mér fimmu fyrir að hafa gert
það, því að þetta lag hefur haft mikil
áhrif á mig.
Hvað syngur þú helst í sturtunni?
Sturtu-playlistinn minn inniheldur
tónlistarmenn eins og Drake, Kanye,
Khalid, Clean Bandit og Avicii.
Mögnuð leið til að peppa sig fyrir
daginn!
Bítlarnir eða Bob Dylan? Bítlarnir!
Ekki spurning. Besta hljómsveit allra
tíma.
Uppáhalds Júróvisjónlagið?
Draumur um Nínu.
Þú heldur dúndurpartí í kvöld,
hvað læturðu hljóma í græjunum
til að koma öllum í stuð? Ég er því
miður yfirleitt beðinn um að víkja frá
hljómflutningstækjunum þegar ég
ætla mér að spila tónlist í partýum
af því ég spila ekki Séra Bjössa eða
eitthvað svoleiðis. En ef þetta er mitt
partý, og það þarf að vera „dúndur“
þá myndi ég spila vel valin lög með
Drake og Travis Scott til að koma
öllum í gang. Sennilega Sicko Mode
fyrst alla vega.
Þú vaknar í rólegheitum á sunnu-
dagsmorgni, hvað viltu helst heyra?
Ég set hiklaust á playlistann minn
„Góðan Dag“ sem samanstendur af
þægilegum lögum með vel völdum
tónlistarmönnum eins og Bítlunum,
Fleetwood Mac, Lana Del Rey, John
Mayer, Billie Eilish o.fl.
Þú átt þess kost að fara hvert
sem er í heiminum og skella þér
á tónleika. Hvert færirðu, hvaða
tónleika og hvern tækirðu með þér?
Ef ég mætti ráða alveg, þá myndi ég
skella mér á John Mayer með Atla
Degi Stefánssyni í London.
Hvaða tónlistarmaður hefur þig
dreymt um að vera? Paul McCartney,
alveg óteljandi sinnum.
Hver er að þínu mati besta plata
sem gefin hefur verið út? Ég get
bara alls ekki gert upp á milli Abbey
Road með Bítlunum og Born &
Raised með John Mayer.
Haukur í Kóngsins Köbenhavn.
MYND: ÚR EINKASAFNI
toppurinn
Vinsælast á Playlista
Hauks Sindra:
If I Ever Get Around
To Living
JOHN MAYER
From Time
DRAKE
Brooklyn Baby
LANA DEL REY
Dreams
FLEETWOOD MAC
The Long And
Winding Road
THE BEATLES
Theme from
A Summer Place
PERCY FAITH
AND HIS ORCHESTRA
Haukur Sindri Karlsson / tónlistarmaður
Langar að gefa 11 ára sjálfum sér fimmu
( TÓN-LYSTIN ) palli@feykir.isFramkvæmdir við smábátahöfn
Flotbryggja og fleiri fingur
Framkvæmdir eru hafnar við
smábátahöfnina á Sauðárkróki
þar sem setja á niður nýjar
flotbryggjur og efni tekið upp
úr henni vegna grynninga.
Ráðist var í þessar framkvæmd-
ir til að bæta aðstöðu eigenda
smá- og skemmtibáta.
Sigfús Ingi Sigfússon,
sveitarstjóri, segir töluvert
plássleysi hafa verið við opnu
bryggjuna síðastliðin sumur og
erfitt orðið að koma bátum á
flot vegna grynninga. Einnig
skapast við þessar fram-
kvæmdir góð aðstaða til að taka
á móti léttabátum frá skemmti-
ferðaskipum og aðstaða fyrir
sjóferðamennsku á svæðinu.
Króli ehf. er verktaki og fær
hann aðila á svæðinu til liðs við
sig en Víðimelsbræður og
Uppsteypa hafa verið með í
verkefninu. Kostnaðurinn við
verkið er áætlaður 31 m.kr. og
felst í kaupum á flotbryggjum,
fleiri fingrum við flotbryggj-
urnar og vinnu við verkið.
„Á fjárhagsáætlun 2020 eru
þrjár m.kr. til að snyrta opna
svæðið við smábátabryggjuna.
Endanleg útfærsla þess liggur
ekki fyrir en horft er til þess að
jafna út svæðið, bera í það
perlumöl og snyrta til með
ýmsum hætti,“ segir Sigfús
Ingi.
Hann segir umsvif Skaga-
fjarðarhafna hafa aukist veru-
lega á undanförnum árum og
útlit fyrir að á næstu árum
aukist umsvifin enn meira.
Telur hann líklegt að fram-
kvæmdir við Skagafjarðarhafnir
aukist í takti við það. /PF
Framkvæmdir við smábátahöfnina mun bæta aðstöðu eigenda smá- og skemmtibáta
en einnig skapast við þessar framkvæmdir góð aðstaða til að taka á móti léttabátum
frá skemmtiferðaskipum og aðra sjóferðamennsku á svæðinu. MYND: PF
Vestur-Húnvetningar
Með afurðahæstu
sauðfjárbúin
Ráðgjafarmiðstöð land-
búnaðarins, RML, hefur birt
niðurstöður úr afurðaskýrslu-
haldi sauðfjárræktarinnar fyrir
framleiðsluárið 2019. Fjallað er
um niðurstöðurnar á vef
Bændablaðsins þar sem segir
að útkoman sé góð í heildina og
niðurstöður keimlíkar því sem
árið 2018 skilaði. Fleiri bú ná þó
mjög góðum árangri og búum á
topplistunum fjölgar.
Uppgjör framleiðsluársins
byggir á 329.619 ám sem eru
tveggja vetra og eldri frá 1.680
skýrsluhöldurum. Flestar ær á
skýrslum eru í Skagafirði,
30.012 talsins, en næst kemur
Austur-Húnavatnssýsla með
29.702 ær. Vestur-Húnvetn-
ingar ná mestum afurðum eftir
sínar ær og skilaði meðalbúið
30,6 kílóum eftir hverja á.
Afurðahæsta búið á lista-
num er Gýgjarhólskot í Bisk-
upstungum sem skilaði 44,2
kílóum á hverja kind. Næst
koma Efri-Fitjar í Fitjárdal í
Húnaþingi vestra með 41,9 kg
eftir ána. Bergsstaðir í Miðfirði
eru í fjórða sætinu með 40,3 kíló
og nágrannar þeirra á Urriðaá
eru í fimmta sæti með 38,7 kíló.
Sé litið til frjósemi er Vestur-
Húnavatnssýsla í öðru sæti yfir
sýslur landsins. Efri-Fitjar eru í
efsta sæti yfir lömb til nytja á
hverja á með 2,08 lömb til nytja
og af veturgömlum voru ærnar
á Bergsstöðum í Miðfirði
frjósamastar með 1,67 lamb
eftir ána. /FE
Ert þú
áskrifandi?
17/2020 9