Feykir - 19.08.2020, Page 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
31
TBL
19. ágúst 2020 40. árgangur
Frétta- og dægurmálablað á Norðurlandi vestra : Stofnað 1981
Spenntur að hefja störf
Marteinn nýr framkvæmdastjóri Veltis
Marteinn segist mjög spenntur fyrir að hefja störf hjá Velti.
MYND: VELTIR.IS
Það hefur verið líf og fjör á reiðnámskeiði
Hestamannafélagsins Snarfara á Skagaströnd og
Reiðskóla Eðalhesta í sumar en seinna námskeið
sumarsins lauk fyrir helgi en þau voru ætluð
börnum í 1. til 7. bekk.
„Eðalhestar hafa verið að koma til okkar núna í
nokkur ár og hafa námskeiðin verið fullbókuð og
stundum biðlisti eftir plássi. Reiðskólinn Eðalhestar
eru með reiðskóla á sumrin á Sprett svæðinu í
Kópavogi. Við erum svo heppin að eigendurnir,
hjónin Magnús Líndal og Halla María, eru með
hestana sína í haga hér rétt hjá Skagaströnd á veturna.
Þannig að þau eru svo yndisleg að vera með námskeið
hér áður en hestarnir fara í hvíld yfir veturinn,“ segir
Dagný H. Þorgeirsdóttir formaður Snarfara.
Hún segir ellefu pláss á hvoru námskeiði og bæði
urðu þau fullbókuð í sumar og aðspurð segir hún
þau hafa gengið vel. „Það gekk ljómandi vel og eru
margir krakkarnir að koma ár eftir ár þannig að þau
eru orðin vel hestfær. Krökkunum er kennt að þekkja
hvað allur búnaðurinn heitir sem þarf fyrir útreiðar
og almenna umhirðu á hestunum. Þeim er síðan
kennt að halda rétt í tauminn og hafa stjórn á
hestinum sínum. Farið er svo í reiðtúra alla dagana. Í
einum reiðtúrnum er kíkt við í eitt hesthúsið þar
sem öll dýrin eru skoðuð, kanínur, hænur, unga og
endur. Hápunkturinn er svo síðasta daginn, þegar
búið er að fara í reiðtúr og ganga frá hestunum, að
grillaðar eru pylsur, sykurpúðar og poppað á
kolagrillinu.“
Hægt er að sjá myndir af námskeiðunum á
Facbooksíðu Snarfara og Eðalhesta. /PF
Árslok
Heimili í Skagafjarð-
arsýslu voru alls 626.
Íbúar voru samtals
4033, karlar 1944,
konur 2089.
- Nautpeningur alls 1575 gripir (þar með taldir
kálfar). Sauðfé (ær, hrútar, sauðir og gemlingar)
38.582 talsins. Geitur reyndust 32. Hross alls 327l.
Bújarðir (heimajarðir) voru alls 330 (hjáleigur
taldar með heimajörðum). Skipaeign (hér miðað
við fardaga árið 1852): 2 þilskip; 5 opin skip (8- og
12-æringar); 97 sexæringar og feræringar, 36 minni
bátar og byttur. - Kirkjur í héraðinu voru 25 talsins.
Fasta-kaupmaður var í Hofsósi og annar í Grafarósi.
Fjöldi Skagfirðinga vestan Vatna og fjarðar verzluðu
í Höfða, aðrir (Dalabændur) margir á Akureyri.
Lausakaupmenn komu í Grafarós. /PF
Skagfirskur annáll
Kristmundar Bjarnasonar 1847–1947
1850
Líf og fjör á reiðnámskeiði á Skagaströnd
Hápunkturinn síðasta daginn
Aldeilis föngulegur hópur á reiðnámskeiði á Skagaströnd í ágúst. MYNDIRNAR eru fengnar af Facebook-síðu Reiðskóla Eðalhesta
Marteinn Jónsson, sem áður gegndi stöðu framkvæmda-
stjóra verslunar- og þjónustusviðs Kaupfélags Skagfirð-
inga, hefur verið ráðinn framkvæmdastjóri Veltis – Volvo
atvinnutækjasviðs Brimborgar. Veltir er sölu- og þjón-
ustuumboð fyrir Volvo vörubíla, Volvo vinnuvélar, Volvo
rútur og Volvo Penta bátavélar ásamt Hiab hleðslukrönum
fyrir vörubíla.
„Við erum mjög ánægð með að fá Martein til að taka við
og leiða Veltisteymið inn í spennandi tíma en framundan er
mikill uppgangur í innviðauppbyggingu á Íslandi. Veltir
mun leika þar stórt hlutverk með sterk vörumerki,
reynslumikla fagmenn og einstaka aðstöðu til að veita
framúrskarandi þjónustu,“ segir Egill Jóhannsson, forstjóri
Brimborgar á heimasíðu fyrirtækisins.
„Ég er mjög spenntur fyrir að hefja störf hjá Velti og sé
gríðarlega möguleika með þeim framúrskarandi sérfræð-
ingum sem þar starfa í frábærri aðstöðu á Hádegismóum
með öflug vörumerki,“ segir Marteinn í tilkynningu
fyrirtækisins á Veltir.is.
Við starfi Marteins hjá Kaupfélagi Skagfirðinga tekur
Reimar Marteinsson kaupfélagsstjóri KVH á Hvamms-
tanga. /PF