Morgunblaðið - Sunnudagur - 12.09.2021, Qupperneq 15

12.9. 2021 MORGUNBLAÐIÐ SUNNUDAGUR 15
nám í mjólkurfræði og ég stökk á það. Við
vorum úti í tæp fjögur ár. Það var mjög gott
að búa þar en við vorum í skóla í Óðinsvéum.
Þetta var í raun ákveðinn flótti frá þessu öllu
og ég fór ekki að takast á við þetta fyrr en
eftir að ég kom heim,“ segir Óli Björn en
hann hefur nú sótt sér sálfræðihjálp í tvö ár.
„Mér fannst ég þurfa þess og ég hef leitað
mér mikillar hjálpar. Ég er nú með mjög góðan
sálmeðferðarfræðing hér á Króknum og hitti
hann reglulega og ætla ekkert að hætta því.“
Fékk ekki dóm sem hann átti skilið
Sigurður var kærður og dæmdur fyrir mörg
kynferðisbrot, en brotin gegn Óla Birni voru
þau umfangsmestu.
„Það voru níu strákar í heildina sem hann
var dæmdur fyrir að brjóta á. Ég veit ekki til
að neinn þeirra hafi stigið fram eins og ég er
að gera núna. Hann sat aðeins inni í nokkra
mánuði, það er það versta af öllu,“ segir Óli
Björn en þess má geta að Sigurður var dæmd-
ur í þriggja ára fangelsi fyrir brot gegn níu
drengjum en sat aðeins inni í níu mánuði fyrir
þau brot, en hafði setið inni áður fyrir eitt
kynferðisbrot. Sigurður sat svo lengur inni
fyrir efnahagsbrot af ýmsu tagi.
Í frétt frá 2016 á ruv.is segir: Sigurður var í
september í fyrra dæmdur í Héraðsdómi
Reykjaness í þriggja ára fangelsi fyrir kyn-
ferðisbrot gegn níu drengjum, auk tuga ann-
arra brota. Hann játaði að hafa tælt fimm
pilta á aldrinum 15 til 16 ára, hátt í 60 sinnum,
með margvíslegum blekkingum. Meint brot
Sigurðar gegn tveimur drengjum leiddu ekki
til ákæru. Annar þeirra svipti sig lífi fyrr á
þessu ári.
„Mér finnst hann ekki hafa fengið þá refs-
ingu sem hann ætti skilið fyrir allt sem hann
gerði okkur strákunum. Svo er eins og al-
menningur hafi gleymt þessum brotum og
hann alltaf kallaður Siggi hakkari,“ segir
hann.
„Ég fékk nóg um daginn og brotnaði al-
gjörlega niður. Þetta var orðið gott. Hann var
kominn aftur í fréttirnar og allir fjölmiðlar að
tala um Sigga hakkara, að hann væri að
stunda skjalafals eða eitthvað. Aldrei var
minnst einu orði á að hann hefði beitt börn
kynferðislegu ofbeldi. Hann fékk ekki refs-
inguna sem hann átti að fá og er ekki stimpl-
aður fyrir það sem hann ætti að vera stimpl-
aður fyrir.“
Unglingsárin svört þoka
Af ykkur níu strákum, hefur enginn áður stig-
ið fram í fjölmiðlum undir nafni?
„Nei. Ekki svo ég viti til. Nöfn okkar hafa
aldrei verið birt neins staðar. Það var einn
sem fyrirfór sér árið 2016.“
Hugsaðir þú einhvern tímann um sjálfsvíg?
„Já, það kom alveg fyrir. Sérstaklega eftir
að ég fékk bílpróf; þá hugsaði ég hversu auð-
velt það væri að sveigja út af eða fyrir bíl. En
ég hafði sem betur fer ekki kjarkinn í það,“
segir Óli Björn og segir að unglingsárin hafi
farið í það að lifa með skömminni af þessu
mikla leyndarmáli.
„Þetta eru árin sem margir blómstra en ég
fékk ekki að upplifa eðlileg unglingsár. Þetta
er bara svört þoka, þessi ár eru í þoku. Ég
man þetta en þetta er samt í þoku og ég vil
loka á þennan tíma. Ég er búinn að loka þess-
um dyrum en ég get opnað þær. Ég hef farið í
dáleiðslumeðferð hjá sálfræðingi og þá flæddu
út þessar minningar.“
Var það gott eða vont?
„Það var rosalega erfitt. Rosalega slæmt
fyrir sálartetrið en það hjálpaði mér gríðar-
lega.“
Ekki mín skömm
Óli Björn hefur reynt að segja skilið við þenn-
an skelfingarkafla í lífi sínu en segir að ofbeld-
ið sem hann varð fyrir hafi enn áhrif á líf hans.
„Ég reyni að ýta skömminni frá mér og
held áfram með mitt líf. En þetta er alltaf í
bakpokanum og það koma upp hugsanir ann-
að slagið. Þetta hefur alveg áhrif. En ég er
ekki lengur reiður og ekki sár. Ég sagði sál-
meðferðarfræðingnum mínum um daginn að
ég ætlaði að fara með þetta í fjölmiðla. Ég er
búinn að vinna í mínum málum í tvö ár og bú-
inn að skila ákveðinni skömm, en það er alltaf
eitthvert púsluspil sem vantar. Ég þarf að
skila skömminni út í samfélagið. Ég vil að fólk
viti hvað gerðist,“ segir Óli Björn og segir sál-
meðferðarfræðinginn hafa stutt hann í því að
stíga fram.
Óli Björn hefur hvorki hitt né mætt Sigurði
síðan allt komst upp.
„Ég hef verið smeykur um að mæta honum.
Ég veit ekki hvað mun gerast innra með mér.
Ég vil ekki sjá hann og hef aldrei sett mig í
samband við hann. Eftir alla mína vinnu held
ég að ég myndi ekki gera neitt ef ég mætti
honum, en fyrir nokkrum árum hefði ég
örugglega ráðist á hann. Ég vil ekki bera
ábyrgð á ofbeldi, það leysir engin vandamál.
Mér var boðið að höfða persónulegt mál gegn
honum en hafði ekki áhuga á því. Nú gengur
hann laus og enginn veit hvað hann er að
gera,“ segir hann.
„Ég vil stíga fram og setja með því gott for-
dæmi; þetta er ekki okkar skömm. Þetta er al-
gjörlega hans. Hann á að vera með skömmina,
en hann er siðblindur og finnur líklega ekki
fyrir skömm.“
Feimnismál hjá körlum
Hvernig er líf þitt í dag?
„Það er æðislegt. Ég er kominn með konu
og barn, í góðri vinnu og að flytja í nýtt hús.
Ég á gott líf og er búinn að vinna mikið í mér
og ætla ekki að hætta því. Það er ekki skamm-
arlegt að nýta sér sálfræðiþjónustu og mér
finnst að allir sem þess þurfa ættu að nýta sér
það. Eldri kynslóðinni hefur kannski fundist
það aumingjaskapur að hitta sálfræðing en
það er ekki rétt. Það hefur líka verið meira
feimnismál hjá körlum að leita sér hjálpar eft-
ir svona brot og líka að segja frá þeim,“ segir
Óli Björn og hvetur unga menn sem lent hafa í
kynferðisofbeldi að segja frá. Það er nefnilega
ekki bara brotið á konum.
„Ég vona að með þessu hjálpi ég öðrum
ungum mönnum að segja frá og stíga fram.
Við eigum ekki að þurfa að bera slíka skömm
heldur er betra að segja frá, því að það auð-
veldar allt. Ég hefði sjálfur aldrei sagt frá ef
þetta myndband hefði ekki komið fram. Ég
hefði aldrei þorað að segja frá öllum þessum
viðbjóði sem ég lenti í,“ segir Óli Björn og
segir í raun að það hafi verið gott að hann
neyddist til að segja frá.
Hvað myndir þú segja í dag við ungan
mann sem þyrði ekki að segja frá slíku of-
beldi?
„Ef einhver er í þessum sporum sem ég var
í, myndi ég segja honum að segja frá strax.
Ekki fela þetta og leitaðu þér hjálpar hjá fag-
aðila. Ekki hika við það. Því það að þurfa að
bera þetta með sér í mörg ár er gríðarlega
erfitt. Ekki skemma lífið vegna brots sem þú
berð enga ábyrgð á. Þetta á ekki að eyðileggja
allt líf manns,“ segir Óli Björn og segir að
tveir yngstu bræður hans viti ekki hvað kom
fyrir hann. Hann mun þurfa að eiga samtal við
þá núna.
„Ég er búinn að tala við mína nánustu og
vinnuveitendur og allir vita um þetta viðtal.
Ég hef beðið fólk að taka mér ekki öðruvísi
eftir lesturinn. Ég er ekki að biðja um vor-
kunn, heldur skilning. Ég vil bara skila
skömminni og halda áfram með líf mitt.“
Morgunblaðið/Ásdís
’
Hann notaði eitt sinn rafbyssuna á mig og ég ber ör eftir það.
Hann notaði hana á mig þegar ég neitaði að gera það sem
hann vildi. Hann notaði í eitt skipti á mig piparúða. Honum þótti
ógurlega fyndið að spreyja piparúða beint í augun á mér. Hann
beitti mig oft líkamlegu ofbeldi á allan hátt. Hann lét mig líka
hafa Viagra til þess að ég gæti gert eitthvað við hann. Hann var
alltaf með valdið og ég vissi hvað hann var fær um.