Morgunblaðið - Sunnudagur - 12.09.2021, Page 32

ÞRÍFARAR VIKUNNAR
Boris Lasarevits Visjnevskí
frambjóðandi í Pétursborg
Boris Ívanovits Visjnevskí
frambjóðandi í Pétursborg
Boris Gennadevitsj Visjnevskí
frambjóðandi í Pétursborg
SUNNUDAGUR 12. SEPTEMBER 2021
Suðurlandsbraut 24
108 Reykjavík
Sími 554 6969
lur@lur.is • lur.is
Verið velkomin
í heimsókn
Mikið úrval
hvíldarstóla
fyrir alla
Hvíldin
byrjar í LÚR
LÁTTU ÞÉR
LÍÐA VEL
Hætt er við því að einhver hjörtu komi til með að slá hraðar á
Englandi og ábyggilega víðar um helgina þegar einn dáðasti
sonur Manchester United, Portúgalinn Cristiano Ronaldo,
skrýðist keppnistreyju félagsins aftur eftir tólf ára fjarveru.
Eins og allir sem fylgjast með sparkiðkun vita gekk Ronaldo í
raðir síns gamla félags á dögunum frá Juventus á Ítalíu. Þangað
kom hann fyrst átján ára gamall árið 2003, kortéri eftir að hafa
leikið Rauðu djöflana grátt í æfingaleik með Sporting í Lissa-
bon. Úr varð ofboðslegur ferill, þar sem kappinn gerði 118 mörk
í 292 leikjum á sex ára tímabili. Þaðan lá leiðin til Spánar og Ro-
naldo auðvitað löngu búinn að festa sig í sessi sem einn besti
knattspyrnumaður sögunnar.
Andstæðingurinn í þessum fyrsta leik eftir endurkomuna er
Newcastle United og líklega vissara fyrir þá köflóttu að mæta í
regnstökkum til leiks – þeir gætu átt eftir að fá yfir sig dembu.
Mikil eftirvænting er í
Manchester vegna
endurkomu Ronaldos.
AFP
Hann spáir hellidembu!
Ronaldo í sínum fyrsta leik með Manchester Unit-
ed haustið 2003, gegn Bolton Wanderers.
Reuters
Cristiano Ronaldo klæðist búningi
Manchester United að nýju um helgina.
Velvakanda í Morgunblaðinu
barst bréf frá lesanda á þessum
degi árið 1951 sem langaði til að
nefna dálitla hugmynd viðvíkj-
andi útvarpinu okkar. „Þáttur-
inn óskalög sjúklinga er vafalaust
orðinn mjög vinsæll, og enginn
efi er á, að margir heilbrigðir
hlusta líka á hann. En af því að
hann er eingöngu ætlaður sjúk-
lingum, eru aðeins tiltölulega fá-
ir útvarpshlustendur, sem geta
óskað eftir eftirlætislagi sínu í
útvarpið.“
Bréfritari velti fyrir sér hvort
ekki væri ráð að taka upp al-
mennan óskalagaþátt fyrir alla
útvarpshlustendur? Hann yrði
auðvitað að vera á kvöldin, til að
mynda eftir seinni fréttir, eitt
eða tvö kvöld í viku. „Þetta
mundi varla hafa mikinn kostn-
að í för með sjer, en hins vegar
tvímælalaust auka vinsældir út-
varpsins.“
Velvakandi tók vel í hugmynd-
ina en benti á, að Útvarpið hefði
áður haldið úti óskalagaþáttum
fyrir almenning um tveggja
vetra skeið. „Það lætur ef til vill
annarlega í eyrum en satt er það
engu að síður, að hætta varð við
þættina þá vegna gífurlegra vin-
sælda þeirra. Brjefum rigndi svo
yfir útvarpið, að ekki hefði veitt
af sjerstakri deild til þess eins að
opna þau. Nærri má því geta,
hvern tíma hefur tekið að vinna
úr öllu þessu brjefaflóði. Þáttur-
inn varð of mannfrekur og rúm-
frekur með því sniði, sem hann
var þá.“
GAMLA FRÉTTIN
Hætti
vegna vin-
sælda
Bréfum rigndi svo yfir útvarpið, að sérdeild hefði þurft til að opna þau.
Morgunblaðið/ÞÖK