Morgunblaðið - 23.10.2021, Side 4

4 FRÉTTIR
Innlent
MORGUNBLAÐIÐ LAUGARDAGUR 23. OKTÓBER 2021
Sigtrygggur Sigtryggsson
sisi@mbl.is
Skrifstofa Alþingis hefur auglýst
nýtt starf framtíðarfræðings á
nefndasviði laust til umsóknar „og
leitar að jákvæðum, framsæknum
og drífandi einstaklingi í starfið,“
eins og það er orðað.
Í starfinu felst sérfræðiaðstoð
við nýja framtíðarnefnd Alþingis,
samanber 35. gr. laga nr. 80/2021,
en nefndinni er meðal annars ætl-
að að fjalla um áskoranir og tæki-
færi Íslands til framtíðar.
Unnið verður í teymisvinnu
Starf framtíðarfræðingsins fel-
ur m.a. í sér gerð greininga og
sviðsmynda fyrir framtíðarnefnd-
ina, aðstoð við stefnumótun og
áætlanir ásamt öflun og úrvinnslu
ýmissa gagna. Unnið er í teym-
isvinnu með sérfræðingum
nefndasviðs eftir efni og verk-
efnum.
Alþingi samþykkti í júní sl.
breytingu á lögum um þingsköp
Alþingis frá 1991. Við lögin bætist
nýtt ákvæði til bráðabirgða, svo-
hljóðandi:
„Við upphaf næsta kjörtímabils
skal kjósa framtíðarnefnd sem
starfar til loka kjörtímabilsins.
Nefndin skal m.a. fjalla um áskor-
anir og tækifæri Íslands í framtíð-
inni að því er snertir tæknibreyt-
ingar, langtímabreytingar á
umgengni við náttúruna, lýð-
fræðilegar breytingar og sjálf-
virknivæðingu. Ekki skal vísa
þingmálum til nefndarinnar en
öðrum nefndum er heimilt að óska
eftir áliti hennar á þingmálum
sem þær hafa til meðferðar.
Nefndin skal skipuð ellefu þing-
mönnum og skulu allir þing-
flokkar eiga fulltrúa í henni. Að
lágmarki skulu fimm þingmenn úr
þingflokkum stjórnarandstöðu
eiga sæti í nefndinni og skulu
þingmenn úr röðum stjórnarliða
og stjórnarandstæðinga gegna
formennsku og varaformennsku á
víxl eitt ár í senn. Seta þingmanns
í framtíðarnefnd skal ekki koma í
veg fyrir að hann sitji jafnframt í
allt að tveimur fastanefndum, sbr.
5. málsl. 1. mgr. 14. gr.
Um nefndina skal að öðru leyti
fara eins og um fastanefndir eftir
því sem við getur átt. Forseta er
heimilt að setja nánari reglur um
störf, skipan og sérstöðu framtíð-
arnefndar.“
Umsækjendur um stöðu fram-
tíðarfræðings skulu hafa háskóla-
próf á meistarastigi sem nýtist í
starfi og reynslu af greiningar-
vinnu og stefnumótun. Umsókn-
arfrestur er til og með 8. nóv-
ember nk.
Morgunblaðið/Hari
Þinghúsið Alþingismenn munu rýna inn í framtíðina á næsta kjörtímabili.
Alþingi vill ráða
framtíðarfræðing
- Framtíðarnefnd sett á fót á Alþingi
Hólmfríður María Ragnhildardóttir
hmr@mbl.is
„Lærdómurinn er aðallega sá að það
þarf að aðlaga löggjöfina okkar hlut-
verki. Það mun taka einhvern tíma
en maður finnur að það er alla vega
mikill vilji yfirvalda að stíga skref og
skýra og skerpa hlutverk þeirra sem
þarna koma að, sem eru þá húseig-
endur og eftirlitsaðilar,“ segir Jón
Viðar Matthíasson, slökkviliðsstjóri á
höfuðborgarsvæðinu, um hvaða lexíu
megi draga af eldsvoðanum á
Bræðraborgarstíg 1. Í dag fór fram
námstefna Landssambands slökkvi-
liðs- og sjúkraflutningamanna. Eitt
af erindunum sem þar komu fram var
eldsvoðinn á Bræðraborgarstíg og
var þá meðal annars fjallað um að-
komu og úrræðaleysi slökkviliða
gagnvart byggingum sem þessum og
hvað hefur verið gert til að fyrir-
byggja að slíkir atburðir endurtaki
sig.
Að sögn Jóns Viðars hafa ýmsar
tillögur komið fram um hvernig megi
standa að þessu. Meðal annars hafi
13 úrbætur verið kynntar í skýrslu
Húsnæðis- og mannvirkjastofnunar
um úrbætur í brunavörnum. Þar er
meðal annars kveðið á um að tryggt
verði að íbúðarhúsnæði sé ekki tekið í
notkun fyrr en að lokinni öryggis-
úttekt, að óleyfisbúseta verði kort-
lögð með ítarlegum hætti og meiri
vitundarvakningu meðal almennings
um brunavarnir á heimilum.
„Aðalskilaboðin eru þau að allir
þurfa að huga að eigin öryggi. Menn
verða að velta fyrir sér – er reyk-
skynjari í rýminu þar sem ég er,
kann ég flóttaleiðirnar í húsnæðinu?
Svo þarf húseigandi sem á mannvirk-
ið að vera meðvitaður um sína
ábyrgð,“ segir Jón Viðar.
Sektir í umræðunni
Meðal þeirra hugmynda sem hafa
komið upp til að auka brunavarnir
eru sektargreiðslur ef ekki er staðið
rétt að brunavörnum eins og tíðkast
við brot á annars konar reglum.
„Eins og er þekkt í umferðinni þá
borgarðu sekt ef þú ferð yfir á rauðu
ljósi en þú borgar enga sekt ef þú
fylgir ekki lögum um brunavarnir,
sem er ekki síður hættulegt en að
fara yfir á rauðu ljósi. Það er verið að
velta því fyrir sér hvort það hafi svip-
aðan fælingarmátt.“
Umfang vandamálsins óljóst
Spurður hvort hann telji að margt
íbúðarhúsnæði á höfuðborgarsvæð-
inu sé með í notkun álíka brunavarnir
og húsið á Bræðraborgarstíg kveðst
Jón Viðar ekki geta sagt til um það.
„Við vitum það í rauninni ekki því
við höfum ekki verið að skoða íbúðar-
húsnæði en það kæmi mér alls ekki á
óvart. Það voru brunar þarna í fyrra
til dæmis á Akureyri í húsum sem
voru einangruð með sagi eins og
þetta hús á Bræðraborgarstíg.“
Slökkviliðið hefur í dag eingöngu
heimild til að hafa eftirlit með bruna-
vörnum í atvinnuhúsnæði. Jón Viðar
segir þó í umræðunni að eftirlits-
aðilum verði gefin rýmri heimild til
að fylgjast með íbúðarhúsnæði.
Morgunblaðið/Kristinn Magnússon
Eldsvoði Þrír létust í brunanum á Bræðraborgarstíg 1 í júní á síðasta ári og vakti atburðurinn mikinn óhug.
„Allir þurfa að huga
að eigin öryggi“
- Sektargreiðslur og rýmri eftirlitsheimild í umræðunni
Auglýsing á tillögum að burðarþolsmati og
áhættumati erfðablöndunar ásamt umhverfis-
matsskýrslu burðarþolsmats og áhættumats
erfðablöndunar
Atvinnuvega- og nýsköpunarráðuneytið, í samvinnu við Hafrannsókna-
stofnun, auglýsir hér með tillögur að burðarþolsmati og áhættumati
erfðablöndunar ásamt umhverfismatsskýrslu burðarþolsmats og áhættu-
mats erfðablöndunar á Austfjörðum og Vestfjörðum.
Tillögur að burðarþolsmati og áhættumati erfðablöndunar ásamt
umhverfismatsskýrslu og fylgigögnum eru aðgengileg á samráðsgátt stjórn-
valda, www.samradsgatt.is, frá og með mánudeginum 25. október 2021.
Allir sem þess óska geta gert athugasemdir við tillögurnar og umhverfis-
matsskýrslu. Frestur til að koma skriflegum athugasemdum á framfæri er
til og með 6. desember 2021 og skulu þær berast á samráðsgátt stjórnvalda,
www.samradsgatt.is.
Tillögurnar ásamt fylgiskjölum liggja einnig frammi hjá atvinnuvega-
og nýsköpunarráðuneytinu, Skúlagötu 4, 101 Reykjavík.
Landsréttur hefur sýknað mann af
kröfu Hörgársveitar um greiðslu
kostnaðar vegna geymslu og uppihalds
tveggja graðhesta, sem voru handsam-
aðir í sveitinni árið 2017. Hljóðaði kraf-
an upp á rúma milljón króna en Lands-
réttur taldi ekki sannað að umræddur
maður hefði verið eigandi hestanna.
Héraðsdómur Norðurlands eystra
hafði áður fallist á kröfu Hörgársveitar.
Fram kemur í dómnum að bóndi
hafði samband við sveitarstjóra Hörg-
ársveitar í ágúst 2017 og sagði að hest-
arnir væru á landi sínu og hefðu sloppið
frá næsta bæ. Óskaði bóndinn eftir því
að hestarnir yrðu handsamaðir og fjar-
lægðir. Fyrir dómi báru bæði bóndinn
og sveitarstjórinn að þeir töldu víst að
tiltekinn maður ætti hestana, þeir
hefðu sloppið áður og þá hefði maður-
inn sótt þá.
Seldir á uppboði
Hestarnir voru fangaðir og sveitar-
félagið sendi manninum síðan kröfu um
að fjarlægja hestana og greiða áfallinn
kostnað vegna fimm manna við að
fanga graðfolana, vinnu dýralæknis við
að staðfesta að hrossin væru ógelt, út-
kall og akstur og geymslukostnað. Sá
sem krafan beindist gegn sinnti henni
ekki og voru hestarnir tveir síðar seldir
á nauðungaruppboði. Hörgársveit
keypti hestana þar á 20 þúsund krón-
ur, þeim var síðan slátrað og fékk
Hörgársveit 17.907 krónur fyrir þá upp
í kröfuna.
Hörgársveit höfðaði síðan mál á
hendur meintum hestaeiganda og
krafðist 1.051.275 króna auk vaxta og
lögfræðikostnaðar. Héraðsdómur
Norðurlands eystra féllst á kröfuna en
Landsréttur sýknaði manninn og taldi
ekki sannað, gegn eindregnum mót-
mælum hans, að hann hefði átt hest-
ana.
Þarf ekki að greiða
fyrir graðhesta
- Hörgársveit tapaði í Landsrétti
Morgunblaðið/Hari
Hestar Deila um tvo hesta í Hörg-
ársveit endaði fyrir Landsrétti.