Morgunblaðið - 23.10.2021, Page 26

26 FRÉTTIR
Erlent
MORGUNBLAÐIÐ LAUGARDAGUR 23. OKTÓBER 2021
Lögreglan í Stokkhólmi greindi frá
því í gær að rapparinn Einár hefði
verið skotinn til bana í borginni um
ellefuleytið á fimmtudagskvöldið að
sænskum tíma. Leitaði lögreglan að
banamönnum hans í gær, en tveir
sáust hlaupa af vettvangi.
Einár, eða Nils Kurt Erik Einar
Grönberg, var einungis 19 ára gamall,
en hann hafði getið sér gott orð í
sænsku tónlistarlífi og unnið þar til
verðlauna. Í textum hans var iðulega
fjallað um glæpsamlegt líferni, vímu-
efni og vopnaburð og hafði Einár
komist upp á kant við aðra rappara.
Einn þeirra, Yasin, var dæmdur í júlí
síðastliðnum í 10 mánaða fangelsi fyr-
ir að hafa lagt á ráðin um að ræna
Einári og halda föngnum.
Yasin hætti við áform sín, en Einári
var engu að síður rænt skömmu síðar,
þar sem hann var barinn, rændur og
beittur fjárkúgun að sögn saksókn-
ara. Annar rappari, Haval Khalil, var
dæmdur í tveggja og hálfs árs fang-
elsi í júlí fyrir aðild sína að því mann-
ráni.
Ekki er vitað hvort morðið á Einári
tengist deilum hans við hina rapp-
arana, en Aftonbladet greindi frá því í
gær að fé hefði verið sett til höfuðs
Einári, og var talið að það tengdist
lausnargjaldskröfum mannræningj-
anna, sem aldrei voru borgaðar.
Stefan Löfven, forsætisráðherra
Svíþjóðar, harmaði andlát Einárs og
sagði hann hafa skipt marga unga
Svía miklu máli.
Gengjastríð hafa sett aukið mark
sitt á Svíþjóð á undanförnum árum,
en samkvæmt tölfræði lögreglunnar
hafa um 40 manns verið skotnir til
bana það sem af er ári, í 273 mismun-
andi árásum. Kölluðu formenn ýmissa
flokka á sænska þinginu eftir hertum
aðgerðum í kjölfar morðsins í gær.
AFP
Svíþjóð Lögreglumaður stendur
við vettvang morðsins í Stokkhólmi.
Vinsæll rappari
skotinn til bana
- Um 40 skotnir til bana á árinu
Breskir fjöl-
miðlar veltu upp
spurningum um
heilsufar Elísa-
betar 2. Breta-
drottningar eftir
að talsmenn
krúnunnar
greindu frá því í
gær að hún hefði
dvalist á sjúkra-
húsi Játvarðs 7. í
Lundúnum yfir nótt, þvert á fyrri
yfirlýsingar um að hún hefði hvílt
sig í Windsor-kastala.
Sagði í yfirlýsingu krúnunnar að
ekki hefði verið greint frá heim-
sókninni í fyrstu því gert hefði ver-
ið ráð fyrir að hún yrði stutt. Gunn-
fáni drottningarinnar blakti allan
tímann yfir Windsor-kastala.
Nicholas Witchell, fréttamaður
breska ríkisútvarpsins BBC í mál-
efnum konungsfjölskyldunnar, sak-
aði krúnuna um að hafa ekki gefið
fjölmiðlum raunsanna mynd af
stöðunni, sem aftur hefði ýtt undir
orðróm og ranghermi. Sagðist
hann vona að framvegis yrði hægt
að treysta því sem kæmi frá tals-
mönnum krúnunnar.
BRETLAND
Drottningin dvaldist
á sjúkrahúsi yfir nótt
Elísabet 2.
Bretadrottning
Ursula von der
Leyen, forseti
framkvæmda-
stjórnar ESB,
sagði í gær að
sambandið myndi
ekki veita aðild-
arríkjunum fjár-
magn til þess að
reisa girðingar á
landamærum sín-
um.
Nokkur ríki hafa að undanförnu
kallað eftir slíkri aðstoð frá ESB,
þ. á m. Pólland og Litháen, sem
segja að stjórnvöld í Hvíta-Rússlandi
séu að senda flóttamenn yfir landa-
mærin í hefndarskyni fyrir refsi-
aðgerðir ESB-ríkjanna. Von der
Leyen sagði að ESB liti á það sem
hálfgerða árás og að brugðist yrði
við með frekari refsiaðgerðum.
EVRÓPUSAMBANDIÐ
Mun ekki veita
fjármagn í girðingar
Ursula
von der Leyen
Stefán Gunnar Sveinsson
sgs@mbl.is
Kínversk stjórnvöld brugðust hart
við í gær eftir að Joe Biden Banda-
ríkjaforseti lýsti því yfir í fyrrinótt
að Bandaríkin myndu verja Taívan
fyrir innrás Kínverja. Kínverjar líta
á Taívan sem hluta af yfirráðasvæði
sínu, og hafa heitið því að ná senn
völdum þar aftur, með hervaldi ef
þörf krefur.
Wang Wenbin, talsmaður kín-
verska utanríkisráðuneytisins, sagði
að Kínverjar myndu ekki þola neinar
málamiðlanir þegar kæmi að grund-
vallarhagsmunum sínum og að ekki
ætti að vanmeta hvað þeir myndu
gera til þess að verja fullveldi sitt.
Biden var í viðtali á CNN ásamt
hópi almennra Bandaríkjamanna
sem gátu spurt hann spurninga. Var
forsetinn spurður hvort Bandaríkin
myndu koma Taívan til varnar og
svaraði hann: „Já, við höfum skuld-
bundið okkur til þess.“
Ummæli Bidens þóttu stangast á
við yfirlýsta stefnu Bandaríkjanna,
sem hafa hjálpað Taívönum að
byggja upp hervarnir sínar, en ekki
sagt hreint út hvort Bandaríkjaher
myndi koma til aðstoðar ef ráðist
yrði á eyjuna.
Er þeirri stefnu ætlað að vekja
næga óvissu til að forða því að Kín-
verjar ráðist á eyjuna, en um leið
letja Taívana frá því að lýsa yfir
sjálfstæði sínu, en talið er að slík
yfirlýsing kynni að valda innrás.
Stefnan enn sögð óbreytt
Talsmenn bæði Hvíta hússins og
bandaríska varnarmálaráðuneytis-
ins sögðu í gær að stjórnin stæði enn
við fyrri stefnu sína í málinu, sem
kennd er við „eitt Kína“.
Lloyd Austin, varnarmálaráð-
herra Bandaríkjanna, sagði að
Bandaríkjaher myndi áfram veita
herafla Taívans stuðning, en neitaði
að svara hvort eyjunni yrði komið til
aðstoðar ef Kínverjar hæfu þar inn-
rás sína.
„Eins og við, og fyrri ríkisstjórnir,
höfum margsinnis gert í gegnum tíð-
ina, þá munum við halda áfram að
veita Taívan þá aðstoð sem landið
þarf til að verjast,“ sagði Austin og
bætti við að hann myndi ekki taka
þátt í vangaveltum um óorðna hluti.
Viðbragð við yfirflugi?
Kínverjar hafa aukið efnahagsleg-
an og hernaðarlegan þrýsting sinn á
Taívan jafnt og þétt frá því að Tsai
Ing-wen tók við forsetaembætti eyj-
unnar árið 2016, en hún styður að
Taívan lýsi yfir sjálfstæði sínu.
Síðustu misserin hafa Kínverjar
sent urmul af herþotum inn fyrir það
svæði sem Taívanar skilgreina sem
loftvarnasvæði sitt, en samkvæmt
talningu AFP-fréttastofunnar hafa
rúmlega 800 flugvélar farið inn fyrir
loftvarnasvæðið síðan í september
2020, þar af 170 nú í októbermánuði.
Muni koma Taívan til varnar
- Ummæli Bidens reita Kínverja til reiði - Segja stefnu Bandaríkjastjórnar um
„eitt Kína“ enn óbreytta - Rúmlega 800 flugvélar flogið yfir síðan í september
AFP
Yfirflug Á þessari mynd frá 2018
sést taívönsk F-16 þota fylgjast með
kínverskri H-6-sprengjuvél.
Leiðtogar Evrópusambandsríkj-
anna stóðu upp og klöppuðu fyrir
Angelu Merkel Þýskalandskanslara
á fundi leiðtogaráðsins í Brussel í
gær, þeim síðasta sem hún mun
sækja á 16 ára ferli sínum sem
kanslari. Charles Michel, forseti
leiðtogaráðsins, sagði að fundir
ráðsins án Merkel myndu vera eins
og Róm án Vatíkansins eða París án
Eiffel-turnsins.
Merkel hefur setið 107 af 214
fundum ráðsins, en hún hefur í
kanslaratíð sinni glímt við alls kyns
úrlausnarefni í málefnum ESB.
Meðal þeirra sem tóku þátt í hyll-
ingunni var Barack Obama, fyrr-
verandi Bandaríkjaforseti, sem
sendi Merkel myndbandskveðju inn
á fundinn. Hrósaði Obama Merkel
sérstaklega fyrir ósérhlífni sína.
Hefur setið á helmingi allra leiðtogafunda Evrópusambandsins
Hylltu Mer-
kel á síðasta
fundinum
AFP
Það geta allir fundið eitthvað
girnilegt við sitt hæfi
Freistaðu
bragðlaukanna
... stærsti uppskriftarvefur landsins!