Morgunblaðið - 13.11.2021, Síða 4

4 FRÉTTIR
Innlent
MORGUNBLAÐIÐ LAUGARDAGUR 13. NÓVEMBER 2021
Höskuldur Daði Magnússon
hdm@mbl.is
„Ég held að eina leiðin sé að menn
setjist niður og leysi þetta. Það getur
enginn hugsað sér að búa við þetta,“
segir Bryndís Fanney Harðardóttir,
landeigandi í Mýrdal.
Greint var frá því í Morgunblaðinu
í gær að andstaða hluta landeigenda
í Reynisfjöru í Mýrdal réði því að þar
hefði ekki verið settur upp öryggis-
búnaður eins og áformað var fyrir
nokkru. Banaslys varð í Reynisfjöru
í vikunni.
Bryndís segir að andstaðan sé að
mestu bundin við einn aðila og telur
að unnt sé að leysa málið. Hún ræddi
í gær við Jónas Guðmundsson, verk-
efnastjóra hjá Slysavarnafélaginu
Landsbjörg, og lagði til að boðað
yrði til fundar með Veðurstofunni,
almannavörnum, Landsbjörg og
landeigendum svo hægt verði að
koma öryggismálum í réttan farveg.
„Jónasi leist vel á hugmyndina og
ætlar að bera hana undir sitt fólk,“
segir Bryndís sem er einn af nokkr-
um eigendum Reynishóla og Teiga-
gerðis.
Býður fram nettengingu
Hún segir ástandið óviðunandi.
„Það er ekki hægt að búa í samfélagi
þar sem fólk deyr með þessum hætti.
Sonur minn er í björgunarsveitinni
og fyrsta útkall hans var að sækja lík
úr sjónum þarna. Við getum ekki
boðið börnunum okkar upp á þetta.“
Ragnar Sigurður Indriðason,
bóndi á Görðum, segir að ekki hafi
nokkur maður spurt sig um uppsetn-
ingu öryggisbúnaðar. „Og það þó við
eigum heima ofan í Reynisfjörunni.
Við hefðum aldrei sett okkur upp á
móti því, hvað svo sem hefði þurft að
gera. Ég hef meira að segja komið
þeim skilaboðum áleiðis að þeim
væri velkomið að tengjast netinu í
þessum fimm smáhýsum sem við er-
um með ef á þarf að halda fyrir þenn-
an búnað,“ segir Ragnar.
Vilja ekki búa við óbreytt ástand
- Landeigendur við Reynisfjöru í Mýrdal óska eftir fundi um uppsetningu öryggisbúnaðar á svæðinu
Morgunblaðið/Hallur Már
Reynisfjara Kona lést af slysförum
í vikunni og öryggisbúnað skortir.
Nýstárleg orlofshús skammt frá Hellu, við Heklurætur, hafa
slegið í gegn. Fyrirtækið Panorama Glass Lodge rekur þar
fjögur hús, þar sem svefnherbergið er í glerskála og hægt að
njóta þar norðurljósa á stjörnubjörtum himni. Nóttin kostar
um 65 þúsund krónur og eru húsin fullbókuð langt fram á
næsta ár. Heitur pottur er við húsin, grill og hengirúm.
Morgunblaðið/Árni Sæberg
Orlofshús með glerskála uppbókuð langt fram á næsta ár
Valgerður Ólafsdóttir,
þroskasálfræðingur og
framkvæmdastjóri Vel-
ferðarsjóðs barna, lést á
Landspítalanum 11.
nóvember sl., 70 ára að
aldri.
Valgerður fæddist 4.
október 1951. Foreldrar
hennar voru Ólafur
Ólafsson, f. 20 júní 1925,
d. 10. maí 2011, og
Svanhildur Marta
Björnsdóttir, f. 10.
ágúst 1924, d. 17. mars
2015. Stjúpfaðir hennar
var Kristján Davíðsson myndlistar-
maður, f. 28. júlí 1917, d. 28. maí 2013.
Bræður Valgerðar eru Einar Sebast-
ian, f. 22. maí 1962, og Kjartan, f. 17.
júlí 1967. Bróðir hennar sammæðra
og sonur Kristjáns Davíðssonar er
Björn Davíð, f. 30. mars 1961.
Eftirlifandi eiginmaður Valgerðar
er Kári Stefánsson, læknir og for-
stjóri Íslenskrar erfða-
greiningar, f. 6. apríl
1949.
Börn Valgerðar og
Kára eru Ari, f. 13.
október 1971, Svanhild-
ur, f. 18. desember
1976, og Sólveig, f. 12.
maí 1984.
Börn Ara og eigin-
konu hans, Kristínar
Bjarkar Jónasdóttur, f.
7. febrúar 1974, eru
Katrín, f. 24. nóvember
2004, Ísól, f. 15. desem-
ber 2007, og Katla, f.
12. apríl 2010. Börn Svanhildar og
eiginmanns hennar, Davids Roberts
Merriams, f. 9. október 1975, eru
Markús Kári, f. 8. ágúst 2006, Alex-
ander Róbert, f. 3. desember 2009, og
Leó Kristján, f. 26. desember 2014.
Sambýlismaður Sólveigar er David
Lea, f. 22. september 1971.
Útförin verður auglýst síðar.
Andlát
Valgerður Ólafsdóttir
Best Sabinal Hotel ****
Roquetas de Mar
ALMERÍA
06. - 16. júní
Flug og gisting á góðu hóteli
staðsettu alveg við ströndina í
Roquetas de Mar.
Hálft fæði
innifalið í
verði
Hálft fæðiinnifalið íverði
www.sumarferdir.is
info@sumarferdir.is | 514 1400
Mediterraneo Bay Hotel ****
TENERIFE
hóteli staðsettu við ströndina.
verð frá 99.900kr.
á mann miðað við 2 fullorðna og 2 börn
06. - 16. júní
verð frá 124.900kr.
á mann miðað við 2 fullorðna og 2 börn
Roquetas de Mar
ÞÚ FINNUR ALLT Á FINNA.IS
VANTAR ÞIG PÍPARA?