Morgunblaðið - 13.11.2021, Page 10

10 FRÉTTIR
Innlent
MORGUNBLAÐIÐ LAUGARDAGUR 13. NÓVEMBER 2021
Helgi Bjarnason
helgi@mbl.is
Deloitte mun flytja úr Turninum í Kópa-
vogi sem er kenndur við fyrirtækið. Það
mun þó ekki flytja langt því gerður hefur
verið samningur við fasteignafélagið
Íþöku um leigu á tveimur efstu hæðunum í
skrifstofu- og þjónustuhúsi sem reist verð-
ur við Dalveg. Fyrsta skóflustungan að
húsinu var tekin í gær.
Íþaka hyggst reisa þrjár byggingar á
lóð þar sem Gróðrarstöðin Storð var áður
með starfsemi sína. Deloitte-húsið verður
stærst, fimm hæða. Ekki liggur fyrir
hvaða starfsemi verður á neðri hæðunum.
Ekki hefur heldur verið gengið frá samn-
ingum um leigu á hinum tveimur hús-
unum. Ólafur Ingi Ólafsson, þjónustustjóri
Íþöku, segir að þetta sé vinsæll staður og
hafi margir sýnt áhuga á húsnæði.
Fyrirtækið hefur stækkað
Deloitte hefur verið í Turninum í Kópa-
vogi í rúm 13 ár. Þorsteinn Pétur Guð-
jónsson forstjóri bendir á að miklar breyt-
ingar hafi orðið síðan. Starfsemin sé orðin
fjölbreyttari og starfsfólki hafi fjölgað. Þá
hafi þarfir starfsfólksins breyst með
breyttu vinnuumhverfi. Hann bætir því við
að starfsemin og vinnuumhverfið muni
halda áfram að þróast.
„Það er mikil tilhlökkun hjá okkur að
komast í nýtt húsnæði,“ segir Þorsteinn
Pétur.
Deloitte flytur innan hverfisins
- Íþaka fasteignafélag byggir þrjú hús á lóð Gróðrarstöðvarinnar Storðar við Dalveg í Kópavogi
Tölvuteikning/ASK arkitektar
Við Dalveg Fasteignafélagið Íþaka mun reisa þrjú hús á lóðinni þar sem Gróðrarstöðin Storð stóð áður. Hús Deloitte er lengst til vinstri.
Tölvuteikning/ASK arkitektar
Dalvegur 30 Deloitte tekur á leigu tvær efstu hæðirnar í stærsta húsinu á lóðinni.
Ljósmynd/Íþaka
Skóflustunga Endurskoðendur hjá Deloitte með framkvæmdastjóra Íþöku, f.v.: Signý Magn-
úsdóttir, Þorsteinn Pétur Guðjónsson, Gunnar Valur Gíslason, Íþöku, og Pálína Árnadóttir.
Alþjóðadagur sykursjúkra
14. nóvember
diabetes.is