Morgunblaðið - 03.12.2021, Blaðsíða 10

SVIÐSLJÓS
Guðmundur Magnússon
gudmundur@mbl.is
Gagnamagn á farsímanetinu hér á
landi heldur áfram að aukast á milli
ára. Nýjar tölur frá Fjarskiptastofu
sýna tæplega 31% aukningu á fyrri
hluta þessa árs miðað við sama tíma
í fyrra. Aukningin hefur verið jöfn
og þétt frá því að 4G-farsímanetið
var innleitt. Í farsímanetum er hlut-
fallslega meira gagnamagn notað í
símum en í öðrum tækjum sem eru
eingöngu fyrir gagnanotkun, t.d.
spjaldtölvum eða 4G-netbúnaði.
Fjarskiptastofa safnar tvisvar á
ári upplýsingum frá skráðum fjar-
skiptafyrirtækjum hér á landi um
ýmsar stærðir í rekstri og þjónustu
á sviði fjarskipta. Úr þeim tölum
vinnur stofnunin tölfræðiskýrslur
sem sýna helstu stærðir og fyrirtæki
á íslenskum fjarskiptamarkaði.
„Markmiðið er að bæta
upplýsingagjöf og auka gagnsæi á
þessum markaði og eru skýrslur
stofnunarinnar í samræmi við þær
skýrslur sem systurstofnanir
Fjarskiptastofu í nágrannalöndum
okkar gefa út,“ segir á vef stofn-
unarinnar.
Talsíminn á undanhaldi
Gamli talsíminn lætur undan síga
á sama tíma og farsímanotkunin
stóreykst. Fækkar bæði notendum
talsímans og notkun í mínútum talið
á milli ára. Áskrifendum að heima-
síma fækkar um 8,5% og mínútum
fækkar um 14,3%. Síminn og Voda-
fone eru stærstu fyrirtækin á mark-
aði fyrir heimasíma með tæp 90%
hlutdeild um mitt ár 2021.
Heildarfjöldi farsímaáskrifta
eykst lítillega milli ára. Samnings-
bundnum áskriftum fjölgar en fyrir-
fram greiddum áskriftum fækkar á
móti. Fjöldi mínútna úr farsímum
var um 552 millj. á tímabilinu en var
á fyrri hluta ársins 2020 um 558
millj. mínútna og er fækkunin því
um 1% milli ára þrátt fyrir fjölgun
farsímaáskrifta. Fjarskiptastofa tel-
ur að fjarvinna vegna kórónuveir-
unnar sé líkleg skýring og bendir á
að mínútum úr farsíma fjölgaði mjög
mikið á fyrri hluta ársins 2020 vegna
fjarvinnu. Svonefndum M2M-
kortum á farsímaneti hefur fjölgað
mikið milli ára eða úr 58 þús. í tæp
300 þús. kort um mitt ár 2021, en
þetta eru farsímakort þar sem tæki
eru í sjálfvirkum samskiptum við
önnur tæki (á ensku: Machine-to-
Machine eða M2M).
Þá kemur fram að nettengingum
fjölgar lítillega milli ára, en mikil
aukning var í ljósleiðaratengingum
samhliða fækkun í xDSL-teng-
ingum. Um mitt ár 2021 voru ljós-
leiðaratengingar tæp 72% allra net-
tenginga og fór fjöldi ljósleiðara-
tenginga í fyrsta sinn yfir 100.000.
Heildargagnamagn á fastaneti
jókst um tæp 17% milli ára og eru
um 88% gagnamagnsins vegna
niðurhals (sóttra gagna) en 12%
vegna upphals (sendra gagna).
Áskrifendur með sjónvarp yfir IPTV
voru 88.289 um mitt ár 2021, en voru
89.248 árið á undan og hefur því
fækkað um rúm 1% milli ára.
Velta á fjarskiptamarkaði jókst á
fyrri hluta ársins 2021. Tekjur af
heimasíma og fastaneti fóru lækk-
andi en tekjur af farsímarekstri,
gagnaflutningi og internetþjónustu,
sjónvarpsþjónustu og annarri fjöl-
miðlun hafa farið hækkandi. Fjár-
festing á fjarskiptamarkaði er að-
allega í fastaneti, m.a. vegna
lagningar ljósleiðara, og farsíma-
rekstri.
Gagnamagn um farsíma eykst enn
- Enn lætur talsíminn undan síga með færri áskrifendum og minni notkun - Velta á fjarskipta-
markaði jókst á fyrri hluta ársins - Fjárfestingin aðallega í fastaneti - M2M-kortum fjölgar mikið
Morgunblaðið/Eggert
Farsími Alltaf er eitthvað spennandi að sjá og heyra í símanum.
Áskriftafjöldi og gagnamagn á farsímaneti
H
ei
m
ild
:F
ja
rs
ki
p
ta
st
o
fa
Markaðshlutdeild
fjarskiptafyrirtækja á fyrri
helmingi ársins 2021
Síminn, 177.006 áskriftir
Nova, 160.266 áskriftir
Vodafone, 128.352 áskriftir
Aðrir, 20.044 áskriftir (4,1%)
Alls
485.668
áskriftir
Gagnamagn á farsímaneti
á fyrri helmingi áranna
2019 til 2021
2019 2020 2021
Alls milljónir GB á fyrstu
sex mánuðum ársins
Eingöngu gögn
Tal og gögn
40%
60%
23,8
41%
59%
36,8 39%
61%
48,1 36%
33%
26%
10 FRÉTTIR
Innlent
MORGUNBLAÐIÐ FÖSTUDAGUR 3. DESEMBER 2021
FALLEGUR OG VANDAÐUR
BORÐBÚNAÐUR
www.bakoisberg.is
E L DHÚS A L L RA L ANDSMANNA
Sveitarstjórnir fá heimild til að
leggja á gjald, allt að 40 þús. kr., fyr-
ir notkun negldra hjólbarða á öku-
tækjum, nái frumvarp til breytinga á
umferðarlögum fram að ganga á Al-
þingi. Gjaldskylda væri merkt notk-
un negldra dekka á tilteknum svæð-
um, á ákveðnum tímabilum, en
annars óheimil. Jóhann Páll Jó-
hannsson, þingmaður Samfylkingar,
flytur frumvarpið ásamt fjórum
samflokksmönnum sínum.
Í greinargerð segir að með þessu
skuli unnið gegn notkun nagla-
dekkja, sem fylgi lífshættuleg svif-
ryksmengun. Hún leggst þyngst á
eldra fólk, börn, óléttar konur og
fólk með undirliggjandi sjúkdóma.
Skv. nýlegri skýrslu Umhverfis-
stofnunar Evrópu
megi ætla að á Ís-
landi verði 70
dauðsföll á ári
vegna svifryks-
mengunar.
Enn fremur er
tekið fram í
greinargerð að
Reykjavíkurborg
hafi margsinnis
óskað þess að
heimild til gjaldtöku fyrir nagladekk
verði fest í lög. Miklar framfarir hafa
orðið í gæðum vetrardekkja og slík
dekk ónegld séu engu verri kostur
en negld með tilliti til aksturseigin-
leika, grips, hemlunar og fleiri slíkra
þátta. sbs@mbl.is
Naglagjaldið dragi
úr svifryksmengun
- Vill breytingar á notkun vetrardekkja
Jóhann Páll
Jóhannsson
Helgi Bjarnason
helgi@mbl.is
Minni fiskeldisfyrirtækin á Vest-
fjörðum og ferðaþjónustu- og sjáv-
arútvegsfyrirtæki á Suðureyri hafa
kynnt fyrir bæjarráði Ísafjarðarbæj-
ar sameiginlegar hugmyndir um að
byggja upp laxasláturhús á væntan-
legri uppfyllingu við höfnina á Suð-
ureyri. Ferðaþjónustan Fisherman
hefur fengið heimild bæjaryfirvalda
til að gera uppfyllingu við Brjótinn
og skapa þar aðstöðu fyrir sjávar-
útvegs- og þjónustufyrirtæki.
Verkefnið er kallað Brjóturinn,
klasaverkefni á Suðureyri. Að því
standa Íslensk verðbréf, Hábrún, ÍS
47, Fisherman, Íslandssaga og
Klofningur.
Laxeldisfyrirtækin líta annað
Í kynningu fyrirtækjanna fyrir
bæjarráði Ísafjarðarbæjar er sett
upp dæmi um laxasláturhús með 10
þúsund tonna afkastagetu. Myndi
það skapa mikil umsvif og tekjur á
staðnum. Er þetta svipuð stærð og
laxasláturhús Arnarlax á Bíldudal
sem er að verða of lítið fyrir slátrun
þess fyrirtækis og Arctic Fish. Virð-
ist því gert ráð fyrir að annað af
stóru laxeldisfyrirtækjunum láti
slátra þarna fyrir sig.
Stóru laxeldisfyrirtækin munu
vera á lokastigi ákvörðunar um val á
stað fyrir sameiginlega uppbygg-
ingu laxasláturhúss. Ísafjarðarbær
bauð allar sínar hafnir, þar á meðal
Suðureyri. Flateyri og Patreksfjörð-
ur voru helst talin koma til greina en
möguleikar Flateyrar virðast hafa
minnkað vegna andstöðu hluta af
fyrirtækjunum sem standa að hug-
myndinni á Suðureyri.
Aðstandendur Brjótsins telja að
svæðið gæti orðið tilbúið til upp-
byggingar næsta haust en hafnar-
aðstaðan um mitt ár 2023 nema Ísa-
fjarðarbær hafi tök á að fjármagna
flýti framkvæmda.
Fagna allri uppbyggingu
Bæjarráð fól bæjarstjóra að vinna
málið áfram. Birgir Gunnarsson
bæjarstjóri segir að bærinn fagni öll-
um áformum um atvinnuuppbygg-
ingu í sveitarfélaginu. Þessi áform
séu enn á hugmyndastigi og sjá verði
til með hvert þau leiði.
Bjóða lóð á Suðureyri
undir nýtt laxasláturhús
- Lóðir fyrir atvinnustarfsemi verða á uppfyllingu við höfnina
Morgunblaðið/Golli
Suðureyri Áformað atvinnusvæði verður á uppfyllingu út í sjó við Brjótinn sem er utan við eyrina í Súgandafirði.