Morgunblaðið - 31.12.2021, Qupperneq 52

52 MENNING
MORGUNBLAÐIÐ FÖSTUDAGUR 31. DESEMBER 2021
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
ur til samstarfs og í haust var þar
opnað einkasafnið Pinault Collection
og hafa breytingar arkitektsins verið
dásamaðar, rétt eins og makalaus
gæði safneignarinnar.
Gæðin í hinu nýja
Óhætt er að mæla með ferð til Par-
ísarborgar til að upplifa þessa nýj-
ustu viðbót í menningarlífið þar, enda
er heimsókn í þessa glæstu og vel
mótuðu sali með áhugaverðri sam-
tímalist sannkölluð upplifun. Í sal-
arkynnum Pinaults í Feneyjum hefur
mátt sjá ekki síður áhrifamikil verk
en af nógu er að taka úr safneigninni
og einsetti Pinault sér að meirihluti
verkanna sem sett voru upp á opn-
unarsýningunni í Bourse de Com-
merce hefði ekki sést áður, utan sýn-
inganna þegar þau voru keypt í
galleríum listamannanna.
Í texta sem fylgir opnunarsýning-
unni „Ouverture“ úr hlaði segist Pin-
ault vilja deila ástríðu sinni fyrir sam-
tímalist með fólki. „Ég vil að safnið sé
staður þar sem fólki líður betur þegar
það fer en þegar það kemur,“ segir
hann og bætir við að árum saman hafi
hann dreymt um að sýna safn sitt í
París, borginni sem hann elskar, og
þess vegna sé opnunin í Bourse de
Commerce sér svo mikilvæg og hafi
táknræna merkingu. „París er ekki
aðeins borg ástríðnanna, heldur líka
heimaborg listamanna, sköpunar-
snilli þeirra og trúar.“
Pinault hefur sagt að þegar hann
fékk áhuga á að safna myndlist hafi
helstu gæðaverk fortíðar þegar verið
komin í eigu safna. Því hafi honum
þótt spennandi að upplifa gæðin í
hinu nýja, í samtali bestu listamanna
við samtímann, hér og nú. Í safneign
Pinaults eru því aðeins verk frá síð-
ustu fimmtíu árum og enginn smá-
ræðis fjöldi: hann á meira en 10.000
listaverk eftir um 380 listamenn.
Þegar hann fellur fyrir verkum ein-
hverra á hann til að kaupa fjölmörg
eftir hvern, verk sem spanna allan
ferilinn. Þannig á hann til að mynda
mörg lykilverk listamanna á borð við
Damien Hirst, Marlene Dumas, Jeff
Koons, David Hammons, Roni Horn
og Charles Ray.
Lykilverkið brennur upp
Hringlaga salurinn í miðju Bourse
de Commerce er 35 metra hár og á
loftið voru á sínum tíma málaðar
freskur sem sýna sögu viðskipta.
Salnum má í engu breyta en Ando
hefur með snilldarlegum hætti hann-
að inn í hann hringlaga níu metra há-
an steinsteyptan vegg. Í salnum er
stærsta verk sýningarinnar „Ouver-
ture“, nafnlaus innsetning frá 2011
eftir hin svissneska Urs Fisher (f.
1973). Listamaðurinn endurhannaði
innsetninguna svo hún passaði í
flennistóran salinn en verkið sam-
anstendur af skúlptúrum sem eru all-
ir kerti sem kveikt var á við opn-
unina; fyrir miðju rís endurgerð í
raunstærð af frægum skúlptúr Giam-
bologna frá 16. öld: Brottnám sab-
ínsku kvennanna. Í salnum er líka
eftirmynd listamannsins Rudolfs Sti-
gels, vinar Fischers, sem virðir fyrir
sér sjö ólíka stóla. Verkin munu öll
brenna niður á þeim sex mánuðum
sem sýningin stendur yfir – og voru
sum þegar horfin að mestu þegar
blaðamaður virti þau fyrir sér.
Á sýningunni eru annars verk eftir
um þrjátíu listamenn, og í nær öllum
tilvikum eru sýnd nokkur eftir þá.
Einn viðamesti hlutinn er úrval um
þrjátíu verka eftir hinn bandaríska
David Hammons (f. 1943), sem er
hálfgerður huldumaður í listheim-
inum og vinnur áhrifarík verk úr
fundnum hlutum. Þá eru í mörgum
sölum ólík en tilkomumikil málverk
eftir samtímalistamenn úr ýmsum
löndum, eins og Kerry James Mar-
shall, Marlene Dumas, Rudolf Stin-
gel og Lynette Yiadom-Boakye.
Gagnrýnendur mikilsvirtra fjöl-
miðla hafa ausið opnunarsýninguna
og salarkynnin lofi, og telja opnunina
meðal helstu viðburða hins alþjóðlega
myndlistarlífs á þessu veiruári.
Óhætt er að hvetja alla sem áhuga-
samir eru um túlkun ýmissa mark-
verðra samtímalistamanna á lífi sínu
og samtímanum að koma við í Bourse
de Commerce í París – þar nýtist
auður eins manns vel við að lyfta
anda okkar hinna.
Málverk Sýnd eru þrjú flennistór portrett eftir Rudolf Stingel, þar á meðal þetta sem sýnir
gallerista hans í New York, Paulu Cooper. Sýndur er fjöldi málverka ólíkra listamanna.
Portrett Í þeim hluta sýningarinnar í Bourse de Commerce þar sem áhersla er lögð á málverk
eru líka skúlptúrar úr bronsi eftir Thomas Schutte. Fyrir aftan málverk eftir Kippenberger.
Tilkomumikið safn samtímalistar
- Auðkýfingurinn Pinault sýnir hluta
verka sinna í Bourse de Commerce
Morgunblaðið/Einar Falur
Kertaverk Stjörnuarkitektinn Tadao Ando hannaði níu metra háan hringlaga vegg inn í friðaðan salinn í hjarta
byggingarinnar. Þar brennur nú niður innsetning Urs Fischers með endurgerð skúlptúrs frá 16. öld fyrir miðju.
Tilfallandi Alls eru sýnd um þrjátíu fjölbreytileg verk eftir David Hammons
en eitt meginþemað hverfist um að vera svartur maður í Bandaríkjunum.
Karfa Eitt verka Davids Hammons
á sýningunni er karfa á spjaldi.
AF MYNDLIST
Einar Falur Ingólfsson
efi@mbl.is
Fyrir um tveimur áratugum ákvað
franski auðkýfingurinn og listaverka-
safnarinn François-Henri Pinault að
opna í heimaborg sinni, París, safn
utan um sívaxandi úrval samtíma-
myndlistar sem hann sankaði að sér
af miklum metnaði. Hann fékk jap-
anska stjörnuarkitektinn Tadao
Ando fyrst til að hanna fyrir sig safn-
byggingu á eyju sem hann fékk út-
hlutaða í Signu þar sem áður höfðu
verið bílaverksmiðjur en vegna mót-
mæla var hætt við þau áform. Þá
beindi Pinault sjónum til Feneyja og
opnaði sýningarsali í tveimur róm-
uðum byggingum í hjarta borg-
arinnar, Palazzo Grasso árið 2006 og
Punta della Dogana árið 2009. Hann-
aði Ando breytingarnar. Sívaxandi
auður Pinaults byggist á lúxusvörum
af ýmsum toga en hann á Kering
Group – undir þeim hatti eru tísku-
hús Gucci og Yves Saint Laurent og á
hann einnig Christie’s-uppboðshúsið.
Eiginkona hans er leikkonan kunna
Salma Hayek.
Þrátt fyrir að vera farinn að sýna
úrval verka úr sinni eigu í safnbygg-
ingunum í Feneyjum dreymdi hinn
82 ára gamla Pinault enn um að setja
mark sitt á menningarlífið í París.
Þegar bruninn mikli olli miklum
skemmdum á Notre Dame-
dómkirkjunni gaf hann hundrað
milljónir evra til endurbygging-
arinnar og var þá einnig búinn að
leigja til 50 ára sögufræga byggingu í
hjarta borgarinnar, Bourse de Com-
merce, sem hýsti áður kornkauphöll-
ina og er friðuð. Fékk hann Ando aft-