Fréttablaðið - 18.02.2022, Qupperneq 38

Var málinu vísað til
lögreglu í ljósi ríkari
heimilda hennar til að
rannsaka slík mál,
þegar sönnunarstaða
getur verið erfið.
Úr svari Samgöngustofu
Við vanmetum gjarnan
heimafjöllin okkar af
því að við verum vön
að ganga á þau við
góðar aðstæður.
Jónas Guðmundsson, verkefnis-
stjóri slysavarna hjá Slysavarna-
félaginu Landsbjörg
Birna Hafstein, for­
maður Félags íslenskra
listamanna í sviðslist­
um og kvikmyndum,
og Þor kell Sig ur laugs­
son athafnamaður gefa
kost á sér í 2.­3. sæti.
arib@frettabladid.is
REYKJAVÍK Hátt í tuttugu manns
hafa þegar gefið kost á sér í próf-
kjöri Sjálfstæðisflokksins í Reykja-
vík f y rir borgarstjórnarkosn-
ingarnar í vor. Framboðsfrestur
rennur út 28. febrúar næstkomandi
og fer próf kjörið fram 18. og 19.
mars.
Hildur Björnsdóttir borgarfull-
trúi og Ragnhildur Alda María Vil-
hjálmsdóttir varaborgarfulltrúi
sækjast eftir því að leiða listann.
Marta Guðjónsdóttir borgarfull-
trúi og Kjartan Magnússon, fyrr-
verandi borgarfulltrúi, gefa kost á
sér í annað sætið.
Töluvert af nýjum nöfnum er
komið á lista. Þorkell Sigurlaugs-
son athafnamaður og Birna Haf-
stein, formaður Félags íslenskra
listamanna í sviðslistum og kvik-
myndum, gefa kost á sér í 2.-3. sæti.
Borgarfulltrúarnir Björn Gísla-
son og Valgerður Sigurðardóttir
gefa kost á sér í þriðja sætið. Heiða
Þórðardóttir athafnakona sækist
eftir 3.-4. sæti. Jórunn Pála Jónas-
dóttir borgarfulltrúi og Þórður
Gunnarsson hagfræðingur sækjast
eftir 4. sætinu.
Borgarfulltrúinn Baldur Borg-
þórsson, sem fór nýverið yfir í Sjálf-
stæðisf lokkinn úr Miðf lokknum,
sækist eftir 5. sæti, það gera líka
Helga Margrét Marzellíusardóttir
tónlistarkona og Helgi Áss Grétars-
son lögfræðingur.
Þá eru f leiri sterklega orðaðir
við framboð, þar á meðal útvarps-
maðurinn Frosti Logason. ■
Mörg ný nöfn í prófkjöri Sjálfstæðismanna
Ákvörðun lögreglu um að
hætta rannsókn á meintu
óleyfilegu atvinnuflugi á
einkavélinni TF-ABB var af
hálfu Samgöngustofu kærð
til ríkissaksóknara sem fyrir
sitt leyti vísaði kærunni frá
nokkrum mánuðum síðar.
gar@frettabladid.is
FLUGMÁL Samgöngustofa vildi ekki
una ákvörðun lögreglunnar um að
fella niður rannsókn á umsvifum í
tengslum við flugvélina TF-ABB og
kærði hana til ríkissaksóknara sem
vísaði síðan málinu frá í október.
Um er að ræða flugvélina sem fórst
í Þingvallavatni 3. febrúar.
Samgöngustofa bendir á að heim-
ilt sé að f lugmaður í einkaflugi og
farþegar hans skipti með sér kostn-
aði af fluginu.
„Vísaði Samgöngustofa málinu
til lögreglu vegna framkominna
ábendinga um að viðkomandi flug-
maður stundaði atvinnuflug með
farþega án þess að hafa til þess til-
skilin leyfi. Var málinu vísað til lög-
reglu í ljósi ríkari heimilda hennar
til að rannsaka slík mál, þegar sönn-
unarstaða getur verið erfið vegna
framangreindra heimilda um deil-
ingu kostnaðar,“ segir í svari Sam-
göngustofu til Fréttablaðsins.
„Lögregla tilkynnti í júní síðast-
liðnum ákvörðun um að hætta
rannsókn málsins þar sem ekki
var talinn grundvöllur til að halda
henni áfram. Samgöngustofa kærði
þá ákvörðun til embættis ríkissak-
sóknara sem vísaði málinu frá í
október síðastliðnum,“ segir áfram
í svari Samgöngustofu.
„Frávísun málsins hjá embætti
ríkissaksóknara markaði lok þess
hjá Samgöngustofu að því er varðar
þann hluta sem leiddi til lögreglu-
kæru, það er þær ábendingar sem
lágu til grundvallar ákvörðun um
að vísa málinu til lögreglu,“ svarar
Samgöngustofa þeirri spurningu
hvort málinu sé þar með lokið.
„Að því er varðar spurningu um
heimildir yfirvalda til að rannsaka
mál til hlítar sem tengjast meintri
atvinnustarfsemi í einkaflugi eða
hvort það uppfylli reglur um skipt-
ingu kostnaðar þá hefur Samgöngu-
stofa margvíslegar heimildir til að
sinna eftirliti og rannsaka mál,“
svarar Samgöngustofa enn fremur
og vísar í lög um loftferðir annars
vegar og lög um Samgöngustofu
hins vegar. „Ef þörf er á aðkomu
annarra stjórnvalda, svo sem lög-
reglu, í einstaka málum er hægt að
vísa þeim þangað.“
Þá segir Samgöngustofa að ábend-
ingar um meint atvinnuflug berist
reglulega þangað. „Er brugðist við
þeim með því að hafa samband við
viðkomandi flugmann og/eða fram-
kvæma skoðanir,“ segir stofnunin
og vísar eins og áður kemur fram í
reglugerð þar sem heimild er til þess
að f lugmaður í einkaf lugi og far-
þegar hans skipti með sér kostnaði
af fluginu. ■
Kærðu niðurfellingu rannsóknar
lögreglu á TF-ABB til ríkissaksóknara
Flugmaður og
þrír farþegar
hans í útsýnis-
flugi létu lífið
er TF-ABB fórst
í Þingvallavatni
fyrir tveimur
vikum.
FRÉTTABLAÐIÐ/
ERNIR
ser@frettabladid.is
FERÐALÖG Búist er við að fjöldi
landsmanna verði á faraldsfæti um
komandi helgi, einkum og sér í lagi
vegna vetrarleyfa í grunnskólum
landsins og af því tilefni gjalda for-
kólfar björgunarsveitanna á landinu
varhug við ferðum fólks í fjalllendi.
„Við vanmetum gjarnan heima-
fjöllin okkar af því að við erum vön
að ganga á þau við góðar aðstæður.
En sömu fjöllin geta verið miklu
viðsjálli að vetri til en við getum
gert okkur í hugarlund,“ segir Jónas
Guðmundsson, verkefnisstjóri
slysavarna hjá Slysavarnafélaginu
Landsbjörg, sem nefnir Esjuna sem
dæmi, bæjarfjall Reykvíkinga, en
ekkert annað fjall hafi tekið jafn
mörg mannslíf að vetri og einmitt
sá fjallabálkur.
Samkvæmt upplýsingum Veður-
stofu Íslands er töluverð snjóflóða-
hætta í Esjunni og öðrum álíka
fjöllum í grennd við Reykjavík,
sömuleiðis á Vestfjörðum og Aust-
fjörðum og þá er snjóflóðahættan
ofan Akureyrar og yst á Tröllaskaga
metin nokkur.
„Spáin er góð og gert ráð fyrir hæg-
lætisveðri um helgina,“ segir Jónas,
„og það má búast við margmenni
í jeppa- og vélsleðaferðum upp um
heiðar og fjöll og þá hefur líka fjölgað
verulega í hópi göngu- og fjallaskíða-
fólks á þessum árstíma.“
Jónas brýnir fyrir göngufólki sem
hyggst nýta gott veður til útivistar að
halda sig við merktar gönguleiðir og
hafa með í för snjóflóðaýli, skóflu og
stöng ef leiðin liggi um opin svæði. ■
Varar við snjóflóðahættu og vísar göngufólki á merktar leiðir
Esjan er varhugaverð að vetrarlagi.
FRÉTTABLAÐIÐ/ERNIR
mhj@frettabladid.is
BRASILÍA Yfir 100 manns hafa látið
lífið í brasilísku borginni Petrópolis
vegna aurskriða og skyndiflóða á
síðustu dögum. Borgin er í fjöllun-
um norður af Rio de Janeiro. Petró-
polis er um 300.000 manna borg og
er afar vinsæll ferðastaður. Slökkvi-
liðsmenn og björgunarsveitir sögðu
í fyrradag að búið væri að bjarga 24
úr rústunum en búast má við því að
dánartölur hækki á næstu dögum. ■
Yfir 100 látnir í
aurskriðum 
Slökkviliðsmenn í Brasilíu
gar@frettabladid.is
ÚKRAÍNA Jens Stoltenberg, fram-
kvæmdastjóri NATO, segir banda-
lagið ekki vera ógn við Rússa. Þetta
kom fram í viðtali Danmarks Radio
við Stoltenberg í gærkvöldi þar sem
staðan í Úkraínudeilunni var rædd.
„Við erum í mjög hættulegri
stöðu,“ sagði Stoltenberg sem kvað
orðræðu Rússa vera ógnandi. „Við
vitum að Rússland hefur áður beitt
Úkraínu hervaldi. Það gerir ástand-
ið hættulegt.“ ■
Segir NATO ekki
ógn við Rússa
Jens Stoltenberg, framkvæmda-
stjóri NATO. FRÉTTABLAÐIÐ/GETTY
 mhj@frettabladid.is
HOLLAND Mark Rutte, forsætisráð-
herra Hollands, hefur beðist form-
lega afsökunar fyrir hönd þjóðar-
innar eftir að rannsókn leiddi í ljós
að Hollendingar pyntuðu og tóku
menn af lífi án dóms og laga í sjálf-
stæðisstríði Indónesíu 1945 til 1949.
Rannsóknin sýnir að hegðun hol-
lenskra hermanna var samþykkt af
æðstu yfirvöldum. Rutte sagði Hol-
lendinga mundu horfast í augu við
fortíð sína. ■
Forsætisráðherra
biðst afsökunar
6 Fréttir 18. febrúar 2022 FÖSTUDAGURFRÉTTABLAÐIÐ