Fréttablaðið - 05.03.2022, Qupperneq 82

Íslenskir bíleigendur hafa
löngum verið hrifnir af fjór­
hjóladrifsbílum og þá er ekki
sama hvað keypt er.
njall@frettabladid.is
Sænska bílatímaritið Vi Bilagare hélt
á dögunum árlegt vetrarpróf á raf­
bílum þar í landi. Meðal þeirra bíla
sem þar voru prófaðir var nýr MG
Marvel R sem er auglýstur þar í landi
sem fjórhjóladrifsbíll (4WD). Komust
blaðamenn Vi Bilagare hins vega að
því í prófunum sínum að fjórhjóla­
drifið er aðeins virkt þegar bíllinn
fer áfram, en ekki þegar bíllinn er í
bakkgír. Einnig dettur fjórhjóladrifið
út þegar staða rafhlöðu er lág og ekur
bíllinn þá bara á afturdrifinu.
Í MG Marvel R er bíllinn búinn
þremur rafmóturum, tveimur að
aftan og einum að framan. Marvel
R er með svokallaðri einstefnu­
kúplingu, sem er mun léttari en tví­
stefnukúpling. Einstefnukúplingin
tryggir að framdrifið sé tengt þegar
aukakrafts er þörf, en það þýðir
að framdrifið er stundum aftengt.
Getur bíllinn því átt í vandræðum
með að bakka upp brekku afturábak
í hálku. MG í Svíþjóð hefur brugðist
við þessari uppgötvun Vi Bilagare
með því að setja upplýsingar á
heimasíðu umboðsins um að fjór­
hjóladrif bílsins virki aðeins þegar
ekið er áfram.
„Okkur var ekki kunnugt um
nákvæmlega þessa virkni fjórhjóla­
drifsins þegar ekið er afturábak fyrr
en við sáum umfjöllun Bilagare"
sagði Hlynur Hjartarson, vöru­
merkjastjóri MG á Íslandi í samtali
við Fréttablaðið. „Við höfum hafið
vinnu við að koma viðeigandi upp­
lýsingum um virknina á framfæri
við neytendur í öllu kynningarefni
okkar um bílinn, bæði á heimasíðu
og í verðlistum auk þess sem við
munum uppfæra rafrænar eigenda­
handbækur með viðeigandi upplýs­
ingum um þetta atriði,“ sagði Hlynur
ennfremur. ■
MG Marvel R aðeins með
afturdrif í afturábak
Eins og sjá má á myndinni spólar bíllinn í afturábak upp litla brekku í snjó.
MYND/VI BILAGARE
njall@frettabladid.is
Það er stutt síðan fimmta kynslóð
Range Rover kom á markað og í
framhaldinu kemur Range Rover
Sport í lok þessa árs í sýningarsali.
Sá bíll mun koma á MLA undir­
vagninum, en hann býður upp
á tvinnútfærslur, tengiltvinn­
útfærslur og hreina rafútfærslu.
Eins og sjá má af njósnamyndum
af bílnum eru útlitsbreytingar í
mildari kantinum. Búast má við
hönnun í stíl við stóra bróður, eins
og innfelld hurðahandföng og nýja
ljósahönnun sem teygir sig aftur á
frambrettin. Skögun út fyrir hjól
er minni en á fyrri kynslóð en
spurningin er hvort hjólhafið sé
það sama.
Rafútgáfa bílsins er þó ekki vænt­
anleg fyrr en 2024 en búast má við
að hún bæti við sölu bílsins, sem er
einn sá vinsælasti hjá Land Rover,
en það seljast tveir Range Rover
Sport á móti einum Range Rover. ■
Range Rover Sport fær rafútgáfu
Eins og sést vel er prófunarbíllinn án
pústkerfis sem bendir til þess að hér
sé hreinn rafbíll á ferðinni.
njall@frettabladid.is
Breski mótorhjólaframleiðandinn
Triumph hefur frumsýnt fyrsta ein­
tak rafdrifins mótorhjóls sem kallast
TE­1. Hjólið er samstarfsverkefni Tri­
umph, Williams Advanced Engineer­
ing (WAE), Intergral Powertrains og
háskólans í Warwick. Um tilbúið hjól
er að ræða sem prófað verður á næstu
mánuðum á brautum og á þjóð­
vegum. Hjólið er hannað í kringum
rafhlöðuna, sem er eins neðarlega
og fyrir miðju hjólsins eins og hægt
er. Kemur rafhlaðan og rafmótorinn
frá WAE ásamt straumbreyti, kæli­
kerfi og hleðslukerfi hjólsins. Að
sögn Triumph setur hjólið ný við­
mið í afli, drægi og hleðslutíma raf­
drfinna mótorhjóla. Hámarksaf l
rafhlöðunnar er 228 hestöfl en jafnt
átak hennar er 121 hestafl, en raf­
hlaðan er 15 kWst. Hámarksafl hjóls­
ins er því 174 hestöfl í götuna en jafnt
átak 107 hestöfl. Rafkerfið er 360 volt
og leyfir hleðslutíma í 80% á undir 20
mínútum. ■
Triumph frumsýnir rafmótorhjól
Nýja Triumph
rafhjólið verður
nú prófað án
hlífa en næsta
útgáfa þess fær
meiri hlífar.
njall@frettabladid.is
Tilkynnt var á mánudag hvaða bíll
hlyti titilinn Bíll ársins í Evrópu
þetta árið. Var það raf bíllinn Kia
EV6 sem hlaut titilinn að þessu sinni
en tilkynnt var um valið í Palexpo
sýningahöllinni í Genf þar sem Bíla­
sýningin í Genf fer venjulega fram,
en henni var frestað þriðja árið í röð
í ár.
EV6 er fyrsti bíll Kia til að hljóta
þessi virtu verðlaun og þriðji raf­
bíllinn frá upphafi. Kia EV6 hlaut
alls 279 stig en hann keppti við sex
aðra bíla um titilinn í úrslitavalinu.
Keppnin um þrú efstu sætin var
hörð en í öðru sæti varð hinn nýi
Renault Megane E­Tech með 265
stig, en þriðji var systurbíll EV6,
Hyundai Ioniq 5 með 261 stig. Hinir
fjórir voru talsvert neðar í stigum en
fjórði var Peugeot 308 með 191 stig,
Skoda Enyaq með 185 stig, Ford
Mustang Mach­E með 150 stig og
loks Cupra Born með 144 stig. Alls
taka 59 blaðamenn frá 22 löndum í
Evrópu þátt í valinu. Venjulega hafa
löndin verið 23 en Rússland var úti­
lokað frá valinu að þessu sinni. ■
Kia EV6 bíll ársins í Evrópu 2022
EV6 er þriðji rafbíllinn til að hljóta
þessi verðlaun en áður höfðu Nissan
Leaf og Jagúar I-Pace hlotið titilinn.
MYND/BERNHARD KRISTINN
Hafnarstræti 1–3 > fjallkona.isfjallkonan.rvk fjallkonan
FJALLKONAN FAGNAR ÞÉR!
SALATTÍMI
Í MARS
Fjórar tegundir af geggjuðu salati
í hádeginu mánudaga–föstudaga
Kjúklingasalat
Tígrisrækjusalat
Confit kalkúnasalat
Nautasteikarsalat
Hummusturn fylgir með!
>1.900 kr.
EITT SALAT + HUMMUSTURN
BÍLAR FRÉTTABLAÐIÐ 5. mars 2022 LAUGARDAGUR