Morgunblaðið - 13.01.2022, Blaðsíða 12

12 DAGLEGT LÍF
MORGUNBLAÐIÐ FIMMTUDAGUR 13. JANÚAR 2022
Mosfellsbær www.mos.is
Mosfellsbær í samstarfi við Miðstöð hönnunar
og arkitektúrs efnir til opinnar hugmynda-
samkeppni um nýjan miðbæjargarð, upplifunar-
og áningarstað í miðbæ Mosfellsbæjar.
Tilgangurinn er að skapa spennandi svæði
í miðbænum sem íbúar og gestir eiga greiðan
aðgang að. Hugmyndafræði hans miðast út
frá framtíðarsýn bæjarins sem fjölskylduvænt,
heilsueflandi og framsækið bæjarfélag sem
setur umhverfið í öndvegi og hefur þarfir og
velferð íbúa að leiðarljósi.
Skilafrestur til og með 21. mars 2022
Samkeppnin er opin öllum, fagfólki, hönnuðum
og arkitektum í samstarfi við aðra fræði- og
faghópa og er sérstaklega hvatt til þverfag-
legrar nálgunar.
Nánari upplýsingar um samkeppnina má
finna á heimasíðu Miðstöðvar hönnunar og
arkitektúrs: www.honnunarmidstod.is
Hugmynda-
samkeppni
um nýjan
Miðbæjargarð
í Mosfellsbæ
Á milli jóla og nýárs fór fram rafræn
kosning um hver ætti að hljóta titil-
inn Hafnfirðingur ársins 2021, og nið-
urstaðan er sú að flestir kusu leik-
arann Tryggva Rafnsson. Í einlægu
hlaðvarpsviðtali á vefsíðunni hafnfir-
dingur.is segir Tryggvi frá þunglyndi
sem hefur hrjáð hann meira og minna
frá unglingsaldri. Í tilkynningu kem-
ur fram að Tryggvi hafi orðið fyrir
óvæntum missi fyrir tæpum 10 árum
sem hafði mikil áhrif á tilveru hans.
,,Hamingjan óx svo smám saman með
dyggum stuðningi unnustu hans
Þóru og þegar hann varð fjöl-
skyldumaður. Grímur hans voru þó
áfram margar og bak við þær þjáning
sem á verstu stundum bitnaði á hans
nánustu, en engir aðrir tóku eftir. Á
tímum Covid og í kjölfar óvæntrar
erfiðrar reynslu, sem átti sér stað
nokkrum dögum eftir að ljósgeislinn
og dóttir hans fæddist, hrundi loks
heimur Tryggva. Hann hringdi al-
gjörlega bugaður í föður sinn, Rafn
Svan Oddsson, sem þurfti af hörku og
festu að standa með syni sínum. Fað-
ir Tryggva reyndist hárrétti mað-
urinn sem Tryggvi hringdi í þegar
hann var kominn á sinn versta stað
og gat ekki meira,“ segir á hafnfir-
dingur.is Þar kemur líka fram að allt
það fólk sem tilnefnt var séu fyr-
irmyndar Hafnfirðingar.
Ljósmynd/Olga Björt Þórðardóttir
Stoltur Tryggvi Rafnsson leikari var að vonum ánægður með titilinn.
Hafnfirðingur
ársins er Tryggvi
Bak við grímur Tryggva Rafnssonar leikara var falin
þjáning sem fáir tóku eftir. Tryggvi var kosinn Hafn-
firðingur ársins 2021 og segir frá lífi sínu í hlaðvarpi.
Kristín Heiða Kristinsdóttir
khk@mbl.is
H
in árlega Prjónagleði
verður haldin á Blöndu-
ósi í sumar þann 10. - 12.
júní og að venju er nú
blásið til hönnunar- og prjóna-
samkeppni af því tilefni. Í tilkynn-
ingu kemur fram að í þetta skiptið
gangi samkeppnin út á að hanna og
prjóna lambhúshettu á fullorðinn.
Þema keppninnar er huldufólk sam-
tímans og ber að hafa það í huga við
hönnunina, sem á að vera hand-
prjónuð úr íslenskri ull. Óskað er
eftir því að sagan á bak við hugmynd
og hönnun fylgi með þegar verkinu
er skilað inn í keppnina. Í reglum
keppninnar kemur fram að hönnun
húfunnar skuli vera ný og að óheim-
ilt sé að nota áður útgefin prjóna-
mynstur eða uppskriftir. Nú er lag
að sleppa hugmyndafluginu lausu og
virkja sinn sköpunarkraft. Síðasti
skiladagur er 1. maí 2022. Dómnefnd
velur þrjú efstu sætin og verða úrslit
kynnt á Prjónagleðinni í sumar, þar
sem verðlaun verða afhent. Styrkt-
araðilar keppninnar gefa glæsileg
verðlaun, en það eru Ístex, Tundra,
VatnsnesYarn og Rúnalist. Lamb-
húshetturnar sem taka þátt í keppn-
inni verða til sýnis meðan á hátíðinni
stendur í sumar. Markmið Prjóna-
gleðinnar er að sameina prjónafólk
og skapa því vettvang til þess að
hittast og miðla prjónasögum, nýj-
um hugmyndum og aðferðum, göml-
um hefðum og síðast en ekki síst
prjónagleðinni í öllum sínum fjöl-
breytileika. Í fyrrasumar var mikið
um dýrðir á Prjónagleðinni á
Blönduósi og þar var meðal annars
boðið upp á prjónagöngu og prjóna-
messu, sem er ný nálgun á því að
fara til kirkju. Gestir gátu þá hlýtt á
messu séra Úrsúlu Árnadóttur með
prjóna í höndum og vakti það mikla
lukku. Nánari upplýsingar um hönn-
unar- og prjónasamkeppnina á vef-
síðunni www.textilmidstod.is.
Keppt um lambhúshettu
Opnað hefur verið fyrir
hönnunar- og prjóna-
samkeppni Prjónagleð-
innar 2022 sem haldin
verður á Blönduósi í
sumar. Samkeppnin í
þetta sinn gengur út að
að hanna og prjóna
lambhúshettu á fullorð-
inn. Þema keppninnar er
huldufólk samtímans.
Gleði Hún leynir sér ekki gleðin
sem fylgir hátíðinni Prjónagleðinni.
Séra með prjóna Úrsúla Árnadótt-
ir prestur prjónaði sultuslök.
Prjónamessa Þessar konur prjónuðu
á meðan þær hlustuðu á messuna.