Morgunblaðið - 29.01.2022, Side 4

4 FRÉTTIR
Innlent
MORGUNBLAÐIÐ LAUGARDAGUR 29. JANÚAR 2022
WWW.ASWEGROW.ISUMHVERFISVÆN ÍSLENSK HÖNNUN
Freyr Bjarnason
Jóhann Ólafsson
Ómar Friðriksson
Fyrsta skrefið í afléttingu opinberra
sóttvarnaaðgerða var stigið á mið-
nætti í nótt þegar breytingar sem
stjórnvöld kynntu í gær tóku gildi.
Almennar fjöldatakmarkanir fara
nú úr tíu í 50 manns, nándarregla
verður einn metri í stað tveggja,
opna má krár og skemmtistaði að
nýju og hefur afgreiðslutími þeirra
og annarra veitingastaða verið
lengdur. Er þeim nú heimilt að
hleypa inn viðskiptavinum til kl. 23
en gestir þurfa að yfirgefa staðina á
miðnætti.
Meðal annarra breytinga sem
samþykktar voru á fundi ríkisstjórn-
arinnar í gærmorgun, þar sem drög
að afléttingaáætlun til næstu sex
vikna var rædd, er að nú er heimilt
að halda sitjandi viðburði fyrir 500
manns að uppfylltum ákveðnum skil-
yrðum, áhorfendum er heimilt að
mæta á íþróttakeppnir og sund- og
baðstöðum, líkamsræktarstöðvum
og skíðasvæðum er heimilt að hafa
opið með 75% afköstum.
Ákvarðanir um afléttingar verða
teknar í skrefum en Þórólfur Guðna-
son sóttvarnalæknir telur skynsam-
legt að miða við að 14. mars verði
unnt að aflétta öllum takmörkunum
ef ekkert óvænt kemur upp á.
Willum Þór Þórsson heilbrigðis-
ráðherra sagði í samtali við mbl.is í
gær að ef faraldurinn þróaðist með
jákvæðum hætti næstu vikur og allt
gengi að óskum, þá væri hægt að af-
létta fyrr en áætlun gerir ráð fyrir.
Breytingarnar sem kynntar voru
á blaðamannafundi laust fyrir hádegi
í gær eru í meginatriðum í samræmi
við minnisblað Þórólfs en þó ekki að
öllu leyti. Þórólfur lagði til að þessar
breytingar tækju ekki gildi fyrr en 3.
febrúar og að veitingastöðum yrði í
þessu fyrsta skrefi heimilt að hafa
opið til kl. 22 en ekki kl. 23 eins og
ákveðið var að gera með reglugerð-
inni sem tók gildi á miðnætti.
Már Kristjánsson, yfirlæknir
smitsjúkdómadeildar Landspítal-
ans, kvaðst í gær vonast til þess að
viðfangsefni spítalans verði honum
ekki ofviða nú þegar farið verður að
aflétta samkomutakmörkunum
vegna kórónuveirufaraldursins í
hægum skrefum. Hann býst við
auknum fjölda smita samfara tilslök-
unum.
„Ég held að það blasi alveg við að
sjúklingum heldur áfram að fjölga
eftir því sem tilslakanir eru meiri og
það er bara eðlilegt,“ segir Már.
Öllum sóttvarnaaðgerðum verður
aflétt í Danmörku á þriðjudag en
Már telur það betra að haga málum
eins og gert verður hér á landi. „Ég
held að það sé alltaf betra ef maður
er að fara út í eitthvað sem maður
veit ekki nákvæmlega hvernig
þróast að fara varlega. Mér finnst
það skynsamlegra,“ sagði Már en
hann kveðst vonast til þess að veiran
gangi yfir á nokkrum vikum án mik-
illa skakkafalla.
„Við erum að taka varfærið skref
en samt mjög ákveðið. Við erum með
til hliðsjónar þessa tillögu sóttvarna-
læknis um áætlun afléttinga fram í
miðjan mars. Ef vel gengur er það
frábært en við erum búin að kynna
afléttingaáætlanir áður og þess
vegna kjósum við að taka ákvörðun
um hvert skref í einu,“ sagði Katrín
Jakobsdóttir forsætisráðherra í gær
og sagði hún að samhljómur hefði
verið innan ríkisstjórnarinnar.
Spurð út í samanburðinn við hin
norrænu löndin varðandi afléttingar
segir hún töluverðan mun þar á milli.
Danir hafi boðað fulla afléttingu 1.
febrúar og Færeyingar 28. febrúar,
á meðan aðrar Norðurlandaþjóðir
séu með aðrar ráðstafanir og Finnar
líkast til með þær ströngustu. „Við
höfum verið svolítið á pari við Norð-
menn,“ sagði hún.
Þórólfur segir í minnisblaðinu að
stjórnvöld þurfi að haga afléttingum
með skynsamlegum hætti svo út-
breiðsla veirunnar fari ekki úr bönd-
unum með tilheyrandi fjölgun á veik-
indum í samfélaginu og alvarlegum
veikindum. Því þurfi stjórnvöld að
vera tilbúin til að breyta sínum áætl-
unum ef þróun faraldursins fer á
verri veg en búist er við.
Afléttingar innanlandstakmarkana
Breytingar tóku gildi á miðnætti og gilda til 24. febrúar
Veitingastaðir, þ.m.t. krár og skemmtistaðir, mega
nú hleypa nýjum viðskiptavinum inn til kl. 23.00 en
gestum verði gert að yfirgefa staðina kl. 00.00
Skemmtistöðum og
krám er heimilt að
opna á ný
500 Hámarks-
fjöldi í versl-
unum getur nú mest
orðið 500 manns.
ÓBREYTT
GRÍMU-
SKYLDA
Sem tekur þó
almennt mið af
nándarreglu
50
Almennar fjöldatak-
markanir eru nú
50 manns í stað 10 1
Nándarregla er
nú einn metri
í stað tveggja
75% Sund-,
baðstöðum,
líkamsræktarstöðvum og
skíðasvæðum er heimilt
að hafa opið með
75% afköstum
500 Á sitjandi viðburðum er heimilt að taka
á móti allt að 500 gestum í hverju hólfi,
viðhalda skuli 1 metra nándarreglu milli óskyldra aðila
auk grímuskyldu en ekki lengur þörf á hraðprófum
50 Íþróttakeppnir eru áfram heimilar
með 50 þátttakendum og
áhorfendur eru leyfðir á ný
Í skólum eru óbreyttar takmarkanir, þó þannig
að þær verða aðlagaðar þessum tilslökunum
eftir því sem við á
H
ei
m
ild
:S
tjó
rn
ar
rá
ði
ð
Afléttingar í varfærnum skrefum
- Fjöldatakmörk rýmkuð í 50 manns - Stefnt á að öllum innanlandsaðgerðum verði hætt 14. mars
- Takmörkunum aflétt fyrr ef allt gengur að óskum - Vonast til að veiran gangi yfir á nokkrum vikum
Morgunblaðið/Eggert
Ráðherrar og þríeykið Breytingarnar voru kynntar í Safnahúsinu.