Morgunblaðið - 29.01.2022, Blaðsíða 40

Steinþór Guðbjartsson
steinthor@mbl.is
Samsýning 29 listamanna víðs vegar
að úr heiminum er í listasafninu Ga-
lería Azur í Madríd á Spáni og verð-
ur til 13. febrúar. Þrjú verk eftir
Skagamanninn Guðmund Þ. Sig-
urðsson eru á sýningunni auk þess
sem safnið sýnir níu verk eftir hann
á síðu þess (Gudmundur Thorir Sig-
urdsson – GALERIA AZUR MA-
DRID). „Það er mikill heiður að hafa
fengið boð um að sýna verkin og í
kjölfarið hef ég meðal annars fengið
fyrirspurnir um sýningar í Berlín,
Mílanó og París,“ segir íslenski frí-
stundamálarinn.
Vegna vinnu sinnar sem fram-
leiðslustjóri á fiskiskipum víða um
heim hefur Guðmundur gjarnan
unnið í tvo mánuði og átt síðan jafn
langt frí. „Vegna Covid hefur vinnan
verið óregluleg, ég hef lengi verið
heima og líka fastur úti á sjó í 170
daga,“ segir hann. „Eftir langa
vinnutörn er gott að snúa ofan af sér
með því að mála. Það hefur verið
helsta áhugamál mitt í mörg ár, ég
hef sýnt olíuverkin á Instagram og
Facebook og þar vöktu þau áhuga
sýningarhaldara í Madríd.“
Sköpun eins og í tónlist
Guðmundur var lengi í tónlist,
hefur meðal annars gefið út sóló-
plötu og spilað í hljómsveitum, til
dæmis með Bleeding Volcano og
bandinu 13. Hann segist þrífast á því
að skapa eitthvað og hafi um árabil
hugsað um að vinna með olíuliti áður
en hann hafi byrjað á því. „Sama
sköpunin er í tónlistinni og í því að
mála nema hvað ekkert hljóð er í
málverkinu. Þar er hins vegar meira
frjálsræði.“
Eitt verk hans á sýningunni nefn-
ist „The Harbor“. „Það er einhver
ólýsanleg tilfinning að sigla út úr
höfn snemma morguns á leið til
veiða,“ segir hann um myndina.
„Léttirinn er mikill, hvort sem það
er eftir löndun eða viðgerðarstopp,
og miklar væntingar og von um
veiði, spenna sem og tilhlökkun.“
Um „The Invisible Landscape“
segir hann: „Þegar ég horfi yfir
landslag, hvort sem það er náttúra,
byggingar, fólk, borgir eða bæir,
hugsa ég stundum hvernig útsýnið
væri ef maður gæti einnig séð vonir
og væntingar, ást, hatur, fortíð eða
framtíðaplön, ekki bara steypu og
járn. Ef maður gæti séð þögn.“
Guðmundur er með stýrimanns-
réttindi og meistaragráðu í alþjóða-
viðskiptum frá Háskólanum á Bif-
röst. Undanfarin 15 ár hefur hann
búið með eiginkonu sinni og þremur
börnum í Guelph í Ontario í Kanada
en hann á einn son á Íslandi. Hann
fór vestur sem skiptinemi frá Land-
búnaðarháskólanum á Hvanneyri og
ætlaði sér að vera í tvö ár en annað
kom á daginn. „Ég hef alltaf verið
sjómaður en tók mér frí frá sjó-
mennskunni og fór í háskólann,“ út-
skýrir hann. „En ég ólst upp á Akra-
nesi, pabbi var yfirvélstjóri á Víkingi
AK, ég byrjaði snemma að vinna í
fiski og sjómennskan hefur alltaf
togað í mig.“
Safnið í Madríd er glæsilegt, að
sögn Guðmundar. „Það er mjög
gaman og spennandi að hafa fengið
þetta tækifæri og ég skoða næstu
skref þegar þessari sýningu lýkur.“
Verkin vekja athygli
- Guðmundur með sýningu í Madríd og hefur fengið boð víða
Ljósmynd/Sigurður Páll Pálsson
Í Reykjavík Guðmundur Sigurðsson skoðar skip í slippnum.
The Harbour Guðmundur: „Ólýs-
anleg tilfinning að sigla út úr höfn“.
The Invisible Landscape Guð-
mundur: „Ef maður gæti séð þögn.“
LAUGARDAGUR 29. JANÚAR 29. DAGUR ÁRSINS 2022
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Svíþjóð og Spánn mætast í úrslitaleik Evrópumóts
karla í handbolta á sunnudag eftir sigra í undan-
úrslitum í Búdapest í gær. Sömu lið mættust í úrslitum
á Evrópumótinu í Króatíu árið 2018 og vann Spánn þá
öruggan 29:23-sigur.
Spánverjar freista þess að vinna þrjú Evrópumót í
röð, en Svíum tókst það einmitt frá 1998 til 2002.
Spænska liðið hafði betur gegn heimsmeisturum Dan-
merkur í fyrri leik undanúrslitanna í gær, 29:25, og Sví-
þjóð vann nauman 34:33-sigur á Frakklandi. »32
Svíþjóð og Spánn í úrslitaleikinn
ÍÞRÓTTIR MENNING
Bók Halldórs Guðmundssonar, Sagnalandið, hlýtur
verðlaun ITB-ferðamessunnar í Berlín í flokknum „bók-
menntalegar ferðabækur“. Ferðakaupstefnan ITB er sú
stærsta í heimi og er haldin árlega í mars. Hafa sýn-
endur verið allt að 11 þúsund frá 180 löndum, þar til
faraldurinn gerði tímabundið strik í reikninginn, eins
og segir í tilkynningu. ITB hefur lengi vel veitt verð-
launin ITB Book Awards fyrir bestu ferðabækurnar sem
komið hafa út á þýskumælandi markaði árið áður og
eru þau veitt í mismunandi flokkum
fyrir frumsamdar og þýddar bækur
sem þykja hafa skarað fram úr.
Óháð dómnefnd á vegum ITB og fé-
lags þýskra bókaútgefenda velur
verðlaunahafa. Bók Halldórs er
prýdd ljósmyndum Dags
Gunnarssonar og kom út á
þýsku í fyrra hjá forlaginu
Verlagshaus Römerweg.
Mál og menning gaf
bókina út á íslensku og
ensku í fyrra.
Sagnalandið hlýtur verðlaun ITB