Morgunblaðið - 18.02.2022, Qupperneq 2

2 FRÉTTIR
Innlent
MORGUNBLAÐIÐ FÖSTUDAGUR 18. FEBRÚAR 2022
FLUG OG GISTING
SÓL Á TENERIFE & KANARÍ
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
FJÖLDIBROTTFARAÍ FEBRÚAR &MARS
22. FEBRÚAR - 01. MARS - 7 DAGAR
SERVATURE WAIKIKI 4*
VERÐ FRÁ89.900 KR
Á MANN M.V. 2 FULLORÐNA OG 2 BÖRN
VERÐ FRÁ 124.500 KR. FYRIR 2 FULLORÐNA
23. FEBRÚAR - 02. MARS - 7 DAGAR
SPRING HOTEL BITACORA 4*
VERÐ FRÁ179.900 KR
Á MANN M.V. 2 FULLORÐN
HÁLFT
FÆÐI
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Lagnaleið Ljósleiðarinn er plægður
meðfram vegum, þar sem hægt er.
Helgi Bjarnason
helgi@mbl.is
Ljósleiðarinn ehf. undirbýr lagn-
ingu ljósleiðarastrengs frá Þorláks-
höfn og út á Landeyjasand. Með
henni munu tengingar sæstrengja
Farice, það er að segja Danice sem
kemur á land á Landeyjasandi og
Íris sem koma mun á land í Þor-
lákshöfn, styrkjast. Plægja á
strenginn undir Þjórsá og Hólsá.
Ljósleiðarinn ehf. (áður Gagna-
veita Reykjavíkur) hefur óskað
mats Skipulagsstofnunar á því
hvort lagning ljósleiðarastrengsins
um árnar þurfi að fara í gegnum
fullt umhverfismat. Raunar telur
fyrirtækið, eins og skipulagsyfir-
völd, að umhverfisáhrif séu lítil
Aukið öryggi
Framkvæmdin er liður í út-
breiðslu ljósleiðaranets Ljósleiðar-
ans ehf. um Suðurnes og Suðurland.
Erling Freyr Guðmundsson fram-
kvæmdastjóri segir að lagt sé rör
sem getur rúmað 1.000 ljósleiðara-
þræði. Hann segir mikilvægt að
hugsa til framtíðar og hafa frekar
stærri strengi en minni. Til sam-
anburðar má geta þess að átta
þræðir eru í NATO-ljósleiðaranum
sem lagður var um landið á sínum
tíma. „Mikilvægt er að hugsa langt
fram í tímann og bjóða öllum sem
vilja að vera með. Það þýðir að
neytendur ættu að fá ódýrari þjón-
ustu í framtíðinni og aukið öryggi,“
segir Erling.
Lágmarksáhrif á lífríki
Hann segir að nokkrir viðskipta-
vinir standi að framkvæmdinni með
Ljósleiðaranum, þar á meðal Far-
ice. Þá muni fjarskiptasamband á
Suðurlandi styrkjast, allt frá Þor-
lákshöfn til Hvolsvallar. Stækkun
ljósleiðaranetsins verði til að fækka
þeim heimilum í landinu sem ekki
hafa aðgang að ljósleiðarasam-
bandi. Leggja á strenginn til Land-
eyja í ár. Hann verður að mestu
lagður meðfram vegum og um Ölf-
usárbrú. Hins vegar verður streng-
urinn plægður undir Þjórsá, um
þriggja kílómetra leið, og Hólsá í
Þykkvabæ, um hálfan kílómetra.
Hann verður plægður niður á um
eins metra dýpi með jarðýtu og fer
grafa á eftir til þess að þjappa jarð-
veg og loka plógsári.
Fyrirhugað er að þvera árnar
þegar rennsli er lítið og áhrif fram-
kvæmdarinnar á lífríki í lágmarki.
Gert er ráð fyrir að það taki aðeins
einn dag að plægja streng yfir
hvort vatnsfallið fyrir sig.
Ljósleiðari plægður undir Þjórsá
- Ljósleiðarinn ehf. leggur streng á milli landtökustaða Farice-sæstrengjanna á Suðurlandi
- Rörin rúma 1.000 ljósleiðarastrengi - Fjarskiptasamband á Suðurlandi styrkist verulega
Meðalhiti í Reykjavík fyrstu 15 dagana í febrúar er -2,1 til -2,5
gráðum undir meðallagi þessara daga á sl. 30 árum og -3,3
undir meðaltali síðasta áratugar. Þetta kemur fram í yfirliti
sem Trausti Jónsson veðurfræðingur birti í gær á vefsíðu
sinni, Hungurdiskum. Í Reykjavík er hitinn í næstneðsta sæti
hvað varðar kulda, en metið þar er frá 2002. Á Akureyri er
meðalhiti nú -4,3 stig, -3,4 stig neðan meðallags 1991 til 2020
og -4,4 stigum neðan meðatals sl. 10 ára.
Á Vestfjörðum, Austfjörðum, Suðausturlandi og Suður-
landi eru dagarnir nú í febrúar þeir köldustu á 21. öldinni
hingað til, en næstkaldastir á öðrum spásvæðum. Kaldast að
tiltölu hefur verið í Möðrudal, þar er hiti -5,5 stigum neðan
meðallags síðustu tíu ára. Minnst er hitavikið miðað við síð-
ustu tíu ár á Reykjanesbraut, -2,6 stig.
Tvö lágmarksmet hafa verið sett að undanförnu, hinn 13.
og 14. í Möðrudal á Fjöllum. Þau slá út eldri met sem líka voru
sett á þeim stað, annað 1988 og hitt 1888. Frost í Möðrudal fór
niður í -26,8 stig 14. febrúar sl. sbs@mbl.is
Febrúarmánuður óvenjulega kaldur og met hafa fallið
Morgunblaðið/Eggert
Gaddhestar Hross á hjarnbreiðu í Vestur-Landeyjum nú í vikunni. Þar er hvítt yfir að líta svo langt sem augað eygir og þegar komið er upp til landsins er snjór meiri en sést hefur um langt árabil.
Háskóli Íslands getur ekki staðið
að rekstri sínum öðruvísi en að
taka tillit til nýjustu rannsókna
um áhrif spilakassa á tiltekna
hópa samfélagsins. Sömuleiðis
þarf hann að taka upp allar
mögulegar aðgerðir sem geta
stuðlað að ábyrgri spilun og lág-
markað neikvæðar afleiðingar
fyrir einstaklinga og samfélagið í
heild.
Þetta er niðurstaða starfshóps
á vegum rektors HÍ sem ætlað
var að meta siðferðileg og önnur
álitaefni tengd tekjuöflun Happ-
drættis Háskóla Íslands (HHÍ).
Skýrslu hópsins var skilað til há-
skólans 28. júní 2021 en ekki birt
almenningi fyrr en í gær.
,,Út frá fyrirliggjandi gögnum
er ljóst að tekjur frá HHÍ eru
mikilvægar fyrir uppbyggingu
innviða HÍ. Hins vegar er einnig
ljóst að viðhorf almennings til
spilakassa er neikvætt og ætla
má að gagnrýnisraddir verði sí-
fellt háværari. Niðurstöður inn-
lendra og erlendra rannsókna
sýna einnig fram á skýr tengsl
milli spilavanda og notkunar
spilakassa,“ segir í skýrslunni.
,,Háskóla Íslands ber því að
leggja áherslu á skaðaminnkandi
aðgerðir í tengslum við rekstur
spilakassa með því að hvetja HHÍ
til að taka sem fyrst nauðsynleg
skref til innleiðingar spilakorta.
Slíkar einhliða ákvarðanir HHÍ
munu óhjákvæmilega leiða til
tekjuhruns sem aftur mun koma
verulega niður á innviðauppbygg-
ingu HÍ. Með hliðsjón af framan-
sögðu er nauðsynlegt að horfa á
málið heildstætt og leita allra
leiða til að bregðast við væntum
tekjumissi.“
HÍ taki ábyrgð á
spilakössum HHÍ
- Gagnrýnisraddir verði háværari
Fíkn Hópurinn segir að viðhorf al-
mennings til spilakassa sé neikvætt.