Morgunblaðið - 19.03.2022, Síða 29

29
MORGUNBLAÐIÐ LAUGARDAGUR 19. MARS 2022
Í dag lýkur próf-
kjöri Sjálfstæðis-
flokksins vegna borg-
arstjórnarkosninga,
sem fara fram eftir
réttar átta vikur. Ég
óska eftir 2. sæti í
prófkjörinu.
Í prófkjörsbarátt-
unni hefur sjálfstæð-
isfólk rætt af hrein-
skilni og hispursleysi
um borgarmál og hvað mætti betur
fara. Komið hefur í ljós að meiri
málefnaleg samstaða ríkir meðal
frambjóðenda en ýmsir bjuggust
fyrirfram við. Við getum því verið
bjartsýn á að í prófkjörinu veljist
samstilltur hópur, sem setji fram
skýr stefnumál og fylgi þeim eftir
af krafti.
Í komandi kosningabaráttu ætti
Sjálfstæðisflokkurinn að setja
fram fá en skýr loforð í helstu
málaflokkum. Loforð, sem kjós-
endur gætu treyst að yrðu efnd ef
flokkurinn kæmist í aðstöðu til
þess.
Eftir tólf ára vinstri stjórn væri
tilvalið að Sjálfstæðisflokkurinn
gæfi Reykvíkingum eftirtalin
kosningaloforð í sumargjöf. Hægt
er að efna þau öll á næsta kjör-
tímabili.
Skattar
Ekki kemur til greina að þyngja
skattbyrði Reykvíkinga frekar.
Vinda þarf ofan af hömlulausum
hækkunum á fasteignaskatti, sem
Reykvíkingar hafa fengið yfir sig
vegna mikilla hækkana á fasteigna-
verði. Hafna ber hugmyndum um
nýjan skatt á borgarbúa til að fjár-
magna borgarlínu, verkefni upp á
a.m.k. 100 milljarða kr.
Skipulagsmál
Horfið verði frá lóðaskortstefnu
vinstri manna með stórfelldri
aukningu lóðaframboðs í nýjum
hverfum. Við þróun
eldri hverfa verði
áhersla lögð á sátt við
íbúa.
Öruggar
samgöngur
Ráðist verði í tíma-
bærar samgöngu-
framkvæmdir, t.d.
bætta ljósastýringu og
mislæg gatnamót, sem
stórauka umferðarör-
yggi, draga úr mengun
og greiða fyrir um-
ferð. Ekki verði
þrengt frekar að Reykjavíkur-
flugvelli á meðan ekki finnst annar
góður flugvallarkostur á höfuð-
borgarsvæðinu og ríkið kýs að hafa
þar miðstöð sjúkraflugs, björg-
unarflugs og innanlandsflugs.
Eign fyrir alla
Sem flestum verði gert kleift að
eignast eigið húsnæði. Aukið lóða-
framboð skapar skilyrði fyrir lækk-
un íbúðaverðs.
Sundabraut sem fyrst
Reykjavíkurborg standi við
gerða samninga um Sundabraut og
greiði fyrir lausn verkefnisins í
stað þess að standa í vegi fyrir því
eins og vinstri meirihlutinn gerir.
Fjármál
Stöðva þarf skuldasöfnun borg-
arinnar, stórbæta rekstur með
sparnaði og hagræðingu og búa
þannig í haginn fyrir skatta-
lækkanir. Borgarstjórn beiti sér
fyrir fækkun borgarfulltrúa úr 23 í
15.
Málefni eldri borgara
Auka þarf heimaþjónustu og
gera eldri borgurum kleift að búa á
eigin heimili. Samstarf verði aukið
við byggingarfélög eldri borgara og
þeim úthlutað lóðum eftir þörfum.
Betri skólar
Draga þarf úr miðstýringu og
stuðla að nýsköpun og fjöl-
breytilegra rekstrarformi í skóla-,
íþrótta- og frístundastarfi. Þróa
þarf einkunnakerfi, sem nemendur
og foreldrar skilja.
Umhirða og viðhald
Stórbæta þarf þrif og snjómokst-
ur í borginni sem og viðhald húsa
og lóða, einkum leikskóla, grunn-
skóla og frístundaheimila.
Nánari upplýsingar um stefnu-
mál mín eru á www.kjartan.is
Eftir Kjartan
Magnússon
» Sem flestum verði
gert kleift að eignast
eigið húsnæði. Aukið
lóðaframboð skapar
skilyrði fyrir lækkun
íbúðaverðs. Stöðva þarf
skuldasöfnun borg-
arinnar, stórbæta rekst-
ur með sparnaði og hag-
ræðingu.
Kjartan
Magnússon
Höfundur óskar eftir 2. sæti í
prófkjöri Sjálfstæðisflokksins
18.-19. mars.
Um þetta verður
kosið í vor
Í dag er seinni próf-
kjörsdagur okkar þar
sem við veljum okkur
fulltrúa á framboðslista
Sjálfstæðisflokksins í
Reykjavík fyrir borg-
arstjórnarkosningarnar
í vor. Ég bið um stuðn-
ing ykkar í 2. sætið á
listanum. Ég hef verið
borgarfulltrúi frá 2017,
hef setið í borgarráði,
sit í skipulagsráði og er varaforseti
borgarstjórnar. Ég býð fram krafta
mína og reynslu til þess að stefna
Sjálfstæðisflokksins verði aftur leið-
andi stjórnmálaafl í Reykjavík. Oft
var þörf. Nú er nauðsyn!
Meginpólitísk markmið
mín eru eftirfarandi
1. Ég vil aðhald í rekstri borg-
arinnar og virðingu fyrir framlagi
skattborgara. Snúa
verður frá óheyrilegri
skuldasöfnun, sem er að
sliga rekstur borgar-
innar, og sem kemur
m.a. fram í vanrækslu á
viðhaldi skóla og leik-
skóla, skertri þjónustu
og hærri sköttum og
gjöldum.
2. Ég vil heildstæða
samgöngustefnu fyrir
alla ferðamáta. Góðar
samgöngur auka lífs-
gæði allra, stytta ferða-
tíma, auðvelda verslun og þjónustu,
stytta viðbragðstíma neyðarþjónustu,
og eru mikilvægur öryggisþáttur ef
náttúruvá ber að höndum. Núverandi
samgöngustefna hefur þann ásetning
að hægja á umferð, auka mengun og
draga úr umferðaröryggi. Snúum af
þeirri braut með nýjustu tækni í
ljósastýringum, mislægum gatnamót-
um og Sundabraut í forgang.
3. Ég vil raunhæfar lausnir í al-
menningssamgöngum. Hægt er að
stórbæta þær á höfuðborgarsvæðinu
með heildstæðum skipulagsbreyting-
um á Strætó fyrir brot af þeim kostn-
aði sem Borgarlína mun kosta. Al-
menningssamgöngur eiga að auka
skilvirkni í umferð, ekki hægja á öðr-
um samgöngukostum. Núverandi
hugmyndir um Borgarlínu eru afar
óljósar og umdeildar og það eru
margir aðrir, nærtækari kostir sem
koma til álita. Borgarlína verður afar
kostnaðarsöm og hún er í raun tíma-
skekkja í þeirri samgöngubyltingu
sem nú er í deiglunni.
4. Ég vil skipulagsstefnu í sátt við
borgarbúa. Borgarskipulag á að
sinna óskum borgarbúa. Þéttingu í
eldri hverfum þarf að vinna í góðri
sátt við íbúa í stað þess að kveikja
ófriðarbál um alla borg.
5. Reykjavíkurflugvöllur er ein
meginstoð í samgöngukerfi landsins
og gegnir veigamiklu öryggishlut-
verki.
Ég vil að hann verði látinn í friði
enda er ekkert annað flugvallarstæði
svo mikið sem í augsýn og ekkert fé
tiltækt til flugvallargerðar.
6. Ég mun standa vörð um opin
græn svæði, ósnortnar fjörur og nátt-
úruperlur innan borgarinnar. Opin
græn svæði eru lungu þéttbýlis.
7. Ég vil nægt framboð lóða á hag-
kvæmu verði. Reykjavíkurborg hefur
ekki mætt þörfum markaðarins í
þeim efnum. Þetta endurspeglast í
háu fasteigna- og leiguverði og hækk-
un fasteignaskatta. Tryggja þarf
nægt framboð byggingalóða í nýjum
hverfum á hagkvæmu verði fyrir fjöl-
breytta íbúðabyggð og stöðva þannig
flótta fólks og fyrirtækja úr borginni.
8. Ég vil nútímamenntastefnu.
Leikskólar án biðlista eru lífskjara-
og jafnréttismál og því forgangsverk-
efni. Sinna þarf sómasamlegu við-
haldi skólabygginga og brúa bilið
milli fæðingarorlofs og leikskóla
þannig að öllum börnum, 12 mánaða
og eldri, verði tryggð leikskólavist.
Enn fremur þurfum við að auka
sveigjanleika í skólastarfi og stuðla
að sjálfstæði skóla.
9. Ég vil afnema sívaxandi fast-
eignaskatt sem lagður er á eldri borg-
ara og gerum fólki kleift að búa sem
lengst þar sem það hefur komið sér
upp heimili. Þjónusta við eldri borg-
ara þarf að sinna einstaklingsmiðuð-
um þörfum og uppfylla nútímakröfur
um öryggi og lífsgæði.
Tryggjum samhentan lista sjálf-
stæðisstefnunnar í vor.
Fram til sigurs!
Eftir Mörtu
Guðjónsdóttur »Ég býð fram krafta
mína og reynslu til
þess að stefna Sjálf-
stæðisflokksins verði
aftur leiðandi stjórn-
málaafl í Reykjavík.
Marta Guðjónsdóttir
Höfundur er borgarfulltrúi
Sjálfstæðisflokksins.
Góðir sjálfstæðismenn í Reykjavík
„Hvað vilt þú upp á
dekk?“ sagði einn gam-
all í hettunni við mig
þegar ég tilkynnti hon-
um að ég ætlaði að
bjóða mig fram til að
leiða Sjálfstæðisflokk-
inn í Reykjavík. Ein-
faldasta svarið er
sennilega: allt. Í námi
sérhæfði ég mig í
rekstri þjónustustofn-
ana eins og Reykjavíkurborgar, ég
hef margra ára reynslu af því að taka
virkan þátt í flokksstarfinu og ég er
alin upp í flokknum með foreldri og
fjölskyldumeðlimi á þingi. Ég veit því
mætavel hvað ég er að bjóða mig
fram í og hvað flokksmenn kalla eftir
í leiðtoga. Það þarf kjark og þor til að
standa í lappirnar, en flokksmenn
vilja líka einhvern sem kann að spila í
liði, því ef þú ætlar að leiða lið þarftu
að vera marktækur liðsfélagi.
Fyrirliðinn þarf að gefa skýr skila-
boð um markmið og leiðir, hvetja
liðsfélaga sína áfram og leggja sjálf-
ur harðast að sér. Það er líka mikil-
vægt að muna í stjórnmálastarfi að
fólk ætlast ekki til þess að allir séu
sammála, þvert á móti. Það sem límir
fólk úr ólíklegustu áttum saman er
traust á því að jafnvel þegar fólk er
ósammála sé hægt að
komast niður á sameig-
inlega línu sem allir
fylgja, til að passa upp á
hagsmuni heildarinnar
og samstarfsins. Slíkt
traust er jafnframt for-
senda þess að forsvars-
menn annarra flokka
treysti þér í meirihluta-
samstarf. Sömuleiðis
má aldrei gleymast að
þegar maður er í for-
svari fyrir flokk þarf
maður að vera til fyr-
irmyndar. Það er fyrsti
og mikilvægasti samningurinn sem
við stjórnmálamenn gerum við okkar
kjósendur. Sá næsti er að standa
með stefnumálum okkar sem við lof-
uðum kjósendum og líta á sig sem
þjón almennings jafnt og leiðtoga.
Því hefur verið fleygt að hinir
frambjóðendur flokksins verði að
passa sig á því að tala sig ekki út í
horn því ellegar gæti sú staða komið
upp að aðrir flokkar vilji ekki mynda
meirihluta með okkur. Þessu vísa ég
á bug.
Sjálfstæðisflokkurinn verður aldr-
ei stærsti flokkurinn í borginni með
því að beygja sig undir stefnumál
annarra flokka í kosningabaráttu.
Það er ekki leiðandi stjórnmálaafl
sem lætur stjórnmálamenn annarra
flokka móta sín stefnumál. Af hverju
ættu kjósendur að kjósa einn flokk
umfram annan ef allir tala eins? Það
er skylda okkar sem viljum vera í
forsvari fyrir Sjálfstæðisflokkinn að
vera trú okkar kjósendum, tala
þeirra máli og berjast fyrir þeirra
stefnumálum. Enginn verður góður
foringi nema standa með eigin mál-
stað.
Ég er klassískur sjálfstæðis-
maður. Frjálslyndur íhalds- og
frjálshyggjumaður með vænum
skammti af jafnaðarmanni. Ég veit
hvaðan ég kem og hvert ég vil stefna.
Ég gaf kost á mér til að leiða lista
Sjálfstæðisflokksins vegna þess að
ég veit að ég á samleið með stærstum
hluta Reykvíkinga og er tilbúin til að
þjóna þeim. Ég heiti ykkur því að
standa með okkar góðu gildum fyrir
fólkið í borginni. Það er kominn tími
á Öldu breytinga og þess vegna óska
ég eftir ykkar stuðningi í fyrsta sætið
í prófkjöri Sjálfstæðisflokksins í
Reykjavík sem fram fer í dag og á
morgun.
Fyrirliði, liðsfélagi
og þjónn fólksins
Eftir Ragnhildi
Öldu Maríu
Vilhjálmsdóttur
»Ég veit að ég á sam-
leið með stærstum
hluta Reykvíkinga og er
tilbúin til að þjóna þeim.
Ragnhildur Alda María
Vilhjálmsdóttir
Höfundur býður sig fram í 1. sæti í
prófkjöri sjálfstæðismanna í Reykja-
vík. ragnhildur.alda.vilhjalmsdott-
ir@reykjavik.is
Eftir tæpa tvo mán-
uði munu Reykvíking-
ar ganga til kosninga
og ákveða hverjir
munu halda um stjórn-
artaumana í höfuð-
borginni næstu fjögur
árin. Allir sjá að
grunnþjónusta borgar-
innar er farin að láta
verulega á sjá, sem er
vegna síaukinnar
skuldabyrði borgarsjóðs. Sá meiri-
hluti sem hefur verið við völd í einni
eða annarri mynd síðastliðin 20 ár
hefur misst sjónar á heildarmynd-
inni, misst tökin á fjármálum borg-
arinnar og misst marks við útfærslu
eigin kosningaloforða.
Hart hefur verið tekist á um fram-
tíðarskipan samgöngumála innan
Sjálfstæðisflokksins á undanförnum
árum og andstæðingar flokksins
hafa nýtt sér það. Í samgöngusátt-
mála höfuðborgar-
svæðisins, sem undir-
ritaður var árið 2019,
segir efst á blaði að
uppbyggingu allra
samgöngumáta verði
sinnt jafnt. Meirihlut-
inn í borginni hefur
hins vegar ekki staðið
við sitt í þeim efnum og
lagt alla áherslu á einn
samgöngumáta um-
fram annan.
Uppbygging allra
samgöngumáta er
nauðsynleg í Reykjavík. Bættar al-
menningssamgöngur, en líka tafar-
laus lagning Sundabrautar, upp-
færsla gatnamóta Bústaðavegar og
Reykjanesbrautar og fleira.
Sjálfstæðismenn eiga að láta
kosningarnar snúast um bætt þjón-
ustustig, sem getur aðeins komið í
kjölfar meira aðhalds í rekstri, og
stöðvun útþenslu borgarkerfisins.
Mikilvægt er að flokksmenn gangi
í takt í aðdraganda kosninga. Próf-
kjöri í Reykjavík lýkur í dag. Mikill
fjöldi frambærilegra frambjóðenda
gaf kost á sér. Leita þarf langt aftur
í tímann, sennilega tæpa tvo áratugi,
til að finna aðra eins stemningu og
áhuga í kringum prófkjör flokksins í
Reykjavík. Aðeins tveir mánuðir eru
til kosninga og flokksstarfið mun
þegar hafa náð kjörhitastigi að próf-
kjörinu loknu. Höldum áfram á
sömu braut og fylkjum liði til sigurs í
kosningunum 14. maí.
Fylkjum liði í vor
Eftir Þórð
Gunnarsson
Þórður Gunnarsson
» Sjálfstæðismenn
eiga að láta kosning-
arnar snúast um bætt
þjónustustig, sem getur
aðeins komið í kjölfar
meira aðhalds í rekstri
borgarinnar.
Höfundur er hagfræðingur og óskar
eftir stuðningi í 4. sæti í prófkjöri
Sjálfstæðisflokksins í Reykjavík.
gunnarsson@thordur.is