Fréttablaðið - 21.04.2022, Síða 17

KYNN INGARBLAÐ
ALLT
FIMMTUDAGUR 21. apríl 2022
Marilyn í hvíta, fræga sumarkjólnum.
FRÉTTABLAÐIÐ/GETTY
thordisg@frettabladid.is
Sumarið kom í dag og það er
hreina satt að hvítir kjólar eru
sígildir í fögrum sumarblæ.
Einum frægasta hvíta kjól
veraldar klæddist kynbomban
Marilyn Monroe í kvikmyndinni
The Seven Year Itch árið 1955.
Kjólinn hannaði William Travilla,
samkvæmt nýjustu tísku sjötta
áratugarins, með flegnu hálsmáli
og plíseruðu pilsi niður á kálfa.
Eiginmaður Monroe var á
þessum tíma hafnaboltahetjan
Joe DiMaggio, sem sagður er hafa
hatað hvíta kjólinn sem Marilyn
hlaut svo mikla athygli fyrir. Í
myndinni koma þau mótleikari
hennar, Tom Ewell, út úr kvik­
myndahúsi á Manhattan þegar
Marilyn stígur á loftrist fyrir ofan
neðanjarðarlestarstöð og segir:
„Ó, finnurðu goluna frá lestinni?“.
Á sama tíma fýkur pilsið upp og
sýnir fagra fótleggi Marilyn. Til
að fá næði var atriðið tekið upp að
nóttu til, en nærvera Monroe dró
að hundruð aðdáenda og neydd­
ist leikstjórinn Billy Wilder til að
endurtaka atriðið í kvikmynda­
stúdíói 20th Century Fox.
Eftir dauða Monroe 1962 og allt
fram í andlátið 1990 geymdi Trav­
illa hvíta kjólinn og fleiri f líkur
sem hann hannaði á leikkonuna.
Seinna bættist safn hans við Holly­
wood Motion Picture Museum í
eigu Debbie Reynolds, sem sagði
Opruh Winfrey að kjóllinn væri þá
gulnaður af elli. Hann var metinn
á tvær milljónir dala árið 2011, en
seldist þó á rúmar 5,6 milljónir. n
Finnurðu goluna?
BIG BANG tónlistarhátíðin fer fram í Hörpu í dag og þar verður boðið upp á fjölda viðburða. Á myndinni sjást skipuleggjendurnir, starfsfólk Barnamenningar
og erindrekarnir sem hafa tekið þátt í skipulagi hátíðarinnar síðan 2020. FRÉTTABLAÐIÐ/ERNIR
Fjölbreytt og mögnuð
tónlistarupplifun fyrir börn
Í dag fer BIG BANG tónlistarhátíðin fram í Hörpu í Reykjavík. Hátíðin snýst um að auka
aðgengi barna að tónlist og þar geta ungir áheyrendur fengið að upplifa fjölbreytta dagskrá
sem samanstendur af tónleikum og alls kyns tónlistartengdum upplifunum. 2
ALOE VERA
MELTING & BÓLGUR
85%VIRKTCURCUMIN
www.celsus.is