Fréttablaðið - 22.04.2022, Síða 6

42 prósent lands-
manna spila tölvuleiki
á netinu.
Vélin var notuð á
heimstúr sveitarinnar
árið 2016.
Um langt skeið sóttu örfáar
konur sér menntun í iðn­
greinum. Nú er öldin önnur
og konur sækja sér í auknum
mæli menntun í iðngreinum.
benediktboas@frettabladid.is
MENNTAMÁL „Aðsókn kvenna í iðn­
nám hefur aukist mjög undanfarin
þrjú ár og í sumum greinum hefur
fjöldi þeirra jafnvel tvöfaldast, svo
sem í pípulögnum, húsasmíði, raf­
virkjun og dúklögn,“ segir Margrét
Halldóra Arnarsdóttir, kennari í
rafvirkjun í Tækniskólanum og for­
maður Félags fagkvenna.
Margrét segir skýringuna líkast til
að finna í því að konur hafi eignast
fyrirmyndir í greinunum auk þess
sem iðngreinar voru í auknum mæli
kynntar fyrir stúlkum og drengjum
í skólum, svo sem í gegnum Félag
fagkvenna. Hún segir félagið leggja
áherslu á að kynna iðnnám fyrir
öllum kynjum og eyða staðal­
ímyndum um bæði iðnaðarmenn
og iðnnám.
Félagið sé ætlað konum í karl­
lægum greinum hvort sem þær hafi
lokið sveinsprófi, séu í námi eða
bara að íhuga að fara í nám. Starfið
hafi, eins og svo margt annað, verið
með óhefðbundnu sniði á tímum
Covid en nú sé Húsasmiðjan orðin
bakhjarl félagsins og blásið verði
til sóknar. Í félaginu séu nú um 75
fagkonur. Flestar komi þær úr bygg­
ingargreinum en lúmskt margar úr
bíliðngreinum auk þess sem svo
megi þar finna fagkonur úr raf­
virkjun, rafeindavirkjun, skrúð­
garðyrkju og vélstjórn svo eitthvað
sé nefnt.
Húsasmiðurinn Melkorka María
Guðmundsdóttir segir að sér þyki
það eitt það besta við starf sitt að
fá að sjá afrakstur vinnu sinnar
eftir hvern dag. Hún hafi oft lent í
því að ókunnugir spyrji hana hvort
hún sé dóttir smiðsins. „Það kemur
svo fyrir að spurningar sem ætlaðar
eru mér rata fyrst til strákanna á
vinnustaðnum, en það má alveg
hlæja að því,“ segir hún.
Melkorka tekur fram að hún eigi
góða reynslu af samstarfsmönnum
sínum en þar sem hún hafi aldrei
unnið með annarri konu sé félags­
skapurinn innan Félags fagkvenna
henni sérlega mikilvægur og gott
sé að geta leitað til annarra kvenna
innan fagsins.
Margrét tekur undir þessi orð og
segir starfið mikilvægt til að breyta
staðalímyndum, vekja áhuga á iðn­
greinum, mynda ný tækifæri og
auðvitað sé það líka svo skemmti­
legt og gott að byggja upp meiri fag­
kvennsku í iðngreinum landsins. n
Iðnnám nýtur aukinna
vinsælda meðal kvenna
Melkorka María Guðmundsdóttir að störfum. Hún segir að eitt það besta við starfið sitt sé að fá að sjá afrakstur
vinnu sinnar við dagslok. Melkorka er meðlimur í Félagi fagkvenna sem hún segir gott að geta leitað til MYND/AÐSEND
Það kemur svo fyrir að
spurningar sem ætl-
aðar eru mér rata fyrst
til strákanna á vinnu-
staðnum, en það má
alveg hlæja að því.
Melkorka María Guðmunds-
dóttir, húsasmiður
kristinnpall@frettabladid.is
AKUREYRI Tillaga um að byggja sjö­
tíu íbúðir  í miðbæ Akureyrar var
lögð fyrir skipulagsráð bæjarfélags­
ins í vikunni. Samkvæmt henni yrðu
íbúðirnar í sex hæða húsum með
verslunum og þjónustu á fyrstu hæð.
Við hlið húsanna yrði bílastæðahús
með lyftu fyrir bifreiðar líkt og þekk­
ist víða í erlendis en hefur, eftir því
sem Fréttablaðið kemst næst, aldrei
verið reist á Íslandi.
Hugmyndin var lögð fram af
hálfu BB bygginga sem er eigandi
landsvæðisins og H.S.Á. teikni­
stofu. Skipulagsráð tók vel í hug­
myndirnar og lagði fyrir skipulags­
fulltrúa að halda áfram að vinna að
málinu. Ef af framkvæmdunum yrði
yrðu húsin sem hýstu Borgarbíó og
Sjallann rifin.
„Þetta fyrirkomulag með bíla­
stæðalyftum hefur verið til staðar
erlendis í langan tíma en ég er ekki
viss um að þetta hafi verið reynt
á Íslandi,“ segir Haraldur Sigmar
Árnason hjá H.S.Á. teiknistofu,
aðspurður hvort hann viti til þess að
slík lyfta hafi verið tekin í notkun
á Íslandi.
„Með því að byggja ramp upp á
milli hæða ertu að fórna 30 bíla­
stæðum sem er allt of mikið. Þessar
lyftur eru ekki dýrar í sjálfu sér, því
þetta eru bara tvær hæðir, þannig
að þú þarft ekki hraðskreiða lyftu.
Ætli þetta kosti ekki um 12­13 millj­
ónir,“ segir Haraldur, spurður um
kostnaðinn við slíka lyftu. n
Leggja til sjötíu íbúða
hús með bílastæðalyftu
Sjallinn, frægasti skemmtistaður Akureyrar, myndi víkja fyrir nýbyggingunum.
FRÉTTABLAÐIÐ/BJARNI
kristinnhaukur@frettabladid.is
SAMGÖNGUR Íslenska fraktf lug­
félagið Air Atlanta hefur tekið
Boeing 747­400 vélina TF­AAK
úr loftinu og komið henni fyrir í
geymslu. Vélin er betur þekkt sem
Ed Force One og flaug með þunga­
rokkssveitina Iron Maiden um allan
heim fyrir nokkrum árum.
Aðdáendur hljómsveitarinnar
fylgjast enn þá grannt með ferðum
vélarinnar, sem notuð var á Book of
Souls túrnum árið 2016. En Bruce
Dickinson, söngvari sveitarinnar,
er sjálfur f lugmaður og f laug fyrir
f lugfélagið Iceland Express fyrir
rúmum áratug. Þessi vél Atlanta
var merkt í bak og fyrir með merki
hljómsveitarinnar og hinu fræga
lukkudýri hennar, Ed, á stélinu en
þessar merkingar hafa síðan verið
fjarlægðar.
Atlanta leigði Ed Force One
til arabíska f lugfélagsins Saudi
Arabian Airlines árin 2016 til 2020.
Félagið hefur notað hana síðan,
meðal annars til að ferja aðdáend­
ur íslenska landsliðsins í fótbolta
til Ungverjalands. Síðast var hún
notuð til að f ljúga milli Hollands
og Bandaríkjanna. Samfélag Iron
Maiden­aðdáenda fylgdist alltaf
með henni og margir mættu til að
sjá hana taka á loft eða lenda.
Samkvæmt flugeftirlitssíðum var
Ed Force One tekin úr notkun þann
15. apríl og fjórum dögum seinna
sett í geymslu í bænum Kimble í
vesturhluta Bretlands. n
Air Atlanta setur Iron Maiden-flugvélina frægu í geymslu
TF-AAK vakti mikla athygli. MYND/JÓN KALDAL
kristinnhaukur@frettabladid.is
TÆKNI Íslendingar eru með þeim
Evrópuþjóðum sem nota netið hvað
mest samkvæmt tölum Evrópusam­
bandsins. 96 prósent landsmanna, á
aldrinum 15 til 74 ára, hafa netfang
og nota netið til að senda og taka
við tölvupósti. Aðeins Norðmenn
eru með hærra hlutfall en meðaltal
álfunnar er ekki nema 76 prósent.
76 prósent Íslendinga nota netið
til þess að spjalla við aðra, annað
hvort með hljóði eða mynd. Þetta
hefur aukist mjög í faraldrinum en
árið 2019 var hlutfallið 64 prósent,
12 prósentum lægra.
Fleiri nota netið líka til þess að
sækja sér upplýsingar um heilsu
sína, til dæmis með heilsuveru.is.
Árið 2019 nýttu 65 prósent Íslend­
inga sér þetta en 71 prósent í dag.
Lítil breyting hefur verið á því
hversu margir lesa fréttir á netinu.
Þar er hlutfallið 95 prósent, það
hæsta í álfunni og hefur verið í
nokkur ár. Sama hlutfall er með
netbanka og notar hann til þess að
millifæra og greiða reikninga.
42 prósent landsmanna spila
tölvuleiki á netinu, 84 prósent
hlusta á tónlist og 90 prósent horfa
á sjónvarpsþætti eða kvikmyndir á
streymisveitum. n
Fjögur prósent hafa
ekkert tölvupóstfang
6 Fréttir 22. apríl 2022 FÖSTUDAGURFRÉTTABLAÐIÐ