Fréttablaðið - 22.04.2022, Síða 10

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Stjórn
Eflingar
hefur ræki-
lega tekist
að gjald-
fella verka-
lýðsbarátt-
una.
Við viljum
hækka
frístunda-
styrk í 75
þúsund
með hverju
barni.
Kolbrún
Bergþórsdóttir
kolbrunb
@frettabladid.is
Baráttudagur verkalýðsins, 1. maí,
nálgast. Þann dag er forystufólk í
verkalýðshreyfingunni afar mál-
glatt og leggur ríka áherslu á sam-
stöðu hinna vinnandi stétta um leið
og það þylur upp hinar ýmsu misgjörðir vondu
kapítalistanna í garð vinnandi fólks. Púðri er
síðan eytt í að sannfæra alþýðu manna um að
forystumenn verkalýðshreyfingarinnar beri
sanna umhyggju fyrir líðan og kjörum verka-
lýðsins.
Einmitt þennan dag á þessu ári er ómögu-
legt fyrir verkalýðsforystuna að tala á þessum
nótum, nema hún vilji verða að athlægi
frammi fyrir alþjóð. Þegar stjórn Eflingar,
undir forystu Sólveigar Önnu Jónsdóttur,
sagði upp öllu starfsfólki á skrifstofu stéttar-
félagsins þá opinberaðist um leið djúp mann-
fyrirlitning. Sólveig Anna og félagar kunna
að skreyta sig með marxískum frösum og
þykjast vera afskaplega hugsjónarík en þarna
er einungis um að ræða innihaldslausan páfa-
gaukalærdóm. Ef þetta fólk hefði raunveru-
legan áhuga á vellíðan vinnandi fólks þá hefði
það horft sér nær og lagt sitt af mörkum til
að skapa aðlaðandi andrúmsloft á skrifstofu
Eflingar.
Hluti verkalýðsforystunnar hefur hagað sér
nákvæmlega eins og „vondu kapítalistarnir“
sem hún er stöðugt að vara við. Hver á fram-
vegis að geta tekið mark á þessu fólki? Stjórn
Eflingar hefur rækilega tekist að gjaldfella
verkalýðsbaráttuna.
Sólveigu Önnu er fyrirmunað að koma auga
á eigin sök. Gagnrýni á uppsagnirnar og frá-
sagnir starfsfólks af eigin vanlíðan flokkar
hún blygðunarlaust sem vanstillta umræðu.
Meðvirkni ýmissa verkalýðsforkólfa er síðan
beinlínis aumkunarverð, ef ekki fyrirlitleg. 
Ragnar Þór Ingólfsson, formaður VR, sem
vanalega forðast ekki sviðsljósið, fór í felur og
þegar loks náðist í hann gat hann ekki tekið
afstöðu með fólki sem beitt var rangindum.
Viðbrögð Vilhjálms Birgissonar, formanns
Verkalýðsfélags Akraness, voru einnig snautleg
en það tók hann ansi marga daga að stynja því
út úr sér að stjórn Eflingar hefði gert mistök en
um leið tók hann fram að hann bæri traust til
Sólveigar Önnu.
Staðreyndin er sú að Sólveig Anna og vitorðs-
menn hennar hafa stórskaðað launabaráttu
verkafólks. Sú barátta grundvallast á réttlætis-
kröfu og stendur á siðferðilegum grunni. Þessi
framganga, gerð í nafni Sólveigar Önnu, er
siðlaus og brýtur gegn réttlætiskennd heiðar-
legs fólks. Hún mun ekki gleymast á verkalýðs-
daginn. n
Siðleysi
Sigurður K. Kolbeinsson ræðir við
ýmsa þekkta og óþekkta Íslendinga
um lífið og tilveruna og sagðar eru
skemmtilega sögur og frásagnir aftur
í tímann sem mörgum kunna að þykja
skemmilegar.
Laugardaga kl. 10.00
www.hotelbokanir.is/lifid-er-lag-hladvarp og á Spotify
Margrét Dórothea Sigfúsdóttir er
næsti gestur hlaðvarpsins.
Reykjavíkurborg hefur tekið ótvíræða forystu í
menntamálum síðustu ár og ber þar hæst mennta-
stefnu borgarinnar sem vakið hefur athygli fyrir
áherslu á námsárangur og læsi en jafnframt þætti sem
auka velferð og bæta líðan barna, s.s. heilbrigði, félags-
færni, sjálfseflingu og sköpun.
Reykjavík hefur verið leiðandi í að bæta starfsum-
hverfi í leikskólum, grunnskólum og frístundastarfi
og varið til þess yfir 5 milljörðum króna. Samfylk-
ingin mun áfram leggja áherslu á bætt starfsumhverfi
varðandi laun, starfskjör, húsnæði og annan aðbúnað
enda er það forsenda þess að skólarnir í borginni séu
eftirsóknarverðir vinnustaðir.
Frístundastyrkur hækki í 75 þúsund
Á nýju kjörtímabili skiptir mestu máli að jafna
aðstöðu barna og styrkja sérstaklega stöðu barna
sem eru í viðkvæmri stöðu. Við viljum hækka frí-
stundastyrk í 75 þúsund með hverju barni og auka til
viðbótar stuðning við börn fjölskyldna með þröngan
efnahag. Við viljum auka fjármagn til skóla þar sem
félagsleg og efnahagsleg staða foreldra er þrengri, auka
stuðning við börn og tryggja að hann miðist við þarfir
þeirra fremur en greiningar. Stuðninginn á að veita
sem mest í nærumhverfi barna strax í leikskóla og
á yngsta stigi grunnskóla í þéttu samstarfi skóla- og
velferðarsviða úti í hverfum borgarinnar. Við höfum
opnað 2 nýja leikskóla á þessu ári og opnum 6 til við-
bótar á árinu til að geta boðið börnum frá 12 mánaða
aldri í leikskóla, samhliða því að vinna með ríki og
háskólum að því að fjölga kennaranemum og greiða
leið starfsfólks til meiri menntunar.
Samfylkingin setur í forgang að efla geðrækt og
heilbrigði barna og ungmenna og mun leita eftir
samstarfi við Heilsugæslu höfuðborgarsvæðisins,
Geðhjálp og heilbrigðisyfirvöld um virkar forvarnir
og stuðning við börn sem finna fyrir kvíða, vanlíðan
og þunglyndi. Markvissar aðgerðir strax í æsku til að
efla geðrækt og andlegt heilbrigði munu spara háar
fjárhæðir síðar meir og stuðla að góðu samfélagi fyrir
okkur öll. n
Betri borg fyrir börn
Skúli Helgason
borgarfulltrúi
Samfylkingar-
innar og formaður
skóla- og
frístundaráðs
ser@frettabladid.is
Annar í sumri
Alveg eru Íslendingar sér á báti
í því að skera í sundur vinnu-
vikuna með stöku frídögum á
borð við sumardaginn fyrsta,
sem samkvæmt íslenskum
þráa og einþykkni getur alls
ekki borið upp á annan dag en
fimmtudag. Og þannig skal það
vera um aldir alda, enda hefur
sumarið einmitt alltaf komið
hér á norðurhjaranum á fyrsta
fimmtudegi eftir 18. apríl – og
ekki deginum seinna, enda héti
það að gera lítið úr árstíðinni
ef sumarbyrjunina bæri upp
á föstudaginn þar á eftir. Það
myndi enda stytta íslenska
sumarið um einn dag – og
munar um minna.
Annar í öllu
En Íslendingar eru líka svo til
eina þjóðin á þessari heims-
kringlu sem er með annan í öllu,
annan í jólum, annan í páskum
og annan í hvítasunnu, en svo,
eins og það sé nú ekki til að æra
almanakið, var í árdaga ákveðið
að sleppa öðrum í sumri og
öðrum í uppstigningardegi. Það
kom aldrei til greina, enda sama
goðgáin og að færa þessa daga til
í vikunni eins og flestar þjóðir
gera með því að lengja helgina
um einn dag. Nei, ekki á Íslandi.
En gæti lausnin þá einmitt verið
að búa til annan í sumri, eða
er það kannski til að gera út af
við íhaldssemina? En sem sagt,
gleðilegan annan í sumri! n
SKOÐUN FRÉTTABLAÐIÐ 22. apríl 2022 FÖSTUDAGUR