Fréttablaðið - 26.07.2022, Blaðsíða 26

Það eru oft
margar
samfélags-
legar
hugmynd-
ir, ákveðin
norm, sem
er þægilegt
að koma á
framfæri í
einhverju
eins og
glæpasögu.
Það er hitt og þetta fram
undan áður en ég skelli
mér aftur í námið.
arnartomas@frettabladid.is
Leiðsögn um sýninguna Æðarrækt
fer fram í Norræna húsinu á fimmtu­
daginn klukkan 17. Þar mun annar
af sýningarstjórum sýningarinnar,
Rúna Thors, og listamaðurinn Eygló
Harðardóttir leiða gesti um sýning­
una.
„Þetta byrjaði í rauninni 2018
þegar Æðarræktarfélagið leitaði til
mín um að vinna verkefni í kringum
afmæli félagsins,“ segir Rúna, sem
hófst handa ásamt Tinnu Gunnars­
dóttur og Hildi Steinþórsdóttur. „Á
sýningunni eru verk eftir listafólk
frá Íslandi, Danmörku og Noregi
að vinna út frá þessum heimi æðar­
ræktar.“
Rúna segir að í tengslum við sýn­
inguna hafi þau heimsótt æðarvarp
og æðarbændur til að kynna sér
hefðina.
„Á Íslandi erum við að tína og
hreinsa 75 prósent æðardúns í heim­
inum í dag. Það sem við heilluðumst
öll svo mikið af var þetta samband
á milli æðarfuglsins og bóndans,“
segir hún. „Þetta er mjög náið sam­
band þar sem bóndinn ver fuglinn
gegn vargi og fær að launum dúninn.
Það er enginn sem meiðir fuglinn
sem missir dúninn þegar hann
liggur á eggjum til þess að hitinn frá
bringunni komist að eggjunum.“
Sýningin hófst í Norræna húsinu
í maí og stendur yfir til 31. júlí en
flytur svo austur á land og verður
sett upp á Svavarssafni á Höfn í
Hornafirði 16. september. n
Fallegt samlífi fugls og bónda
Sýningunni lýkur í Norræna húsinu
31. júlí en hún flytur austur í haust.
arnartomas@frettabladid.is
Sumardagskrá Jazzklúbbsins Múl­
ans heldur áfram annað kvöld þar
sem djassarinn Bjarni Már Ingólfs­
son stígur á svið ásamt vel mönn­
uðum kvartetti sínum.
„Þetta verður prógramm sem er
blanda af mínum eigin lögum og
svo lítt þekktari standarda og tón­
smíðar sem ég hef verið að grúska
í frá tónskáldum djassins,“ segir
Bjarni Már.
Að undanförnu hefur Bjarni Már
samið tónlist sem hann spilar með
hinum ýmsum sveitum, bæði heima
fyrir og í Svíþjóð þar sem hann er
búsettur. „Ég á alveg fullt af frum­
sömdu efni sem við tökum fyrir á
tónleikum,“ segir hann.
Áður en Bjarni Már snýr aftur til
Stokkhólms í meistaranám ætlar
hann þó að fá aðeins meiri djass­
útrás.
„Í ágúst verður djasshátíð þar sem
ég verð með tríó­tónleika þar sem
ég stefni á að spila bara frumsamið
efni. Ég verð svo með einhverja fleiri
tónleika, þar á meðal dúó­tónleika
með trompetleikaranum Tuma
Torfasyni. Það er hitt og þetta fram
undan áður en ég skelli mér aftur í
námið.“
Tónleikarnir annað kvöld hefjast
klukkan 20. Með Bjarna Má verða
Birgir Steinn Theódórsson á bassa,
Einar Scheving á trommur og Phil
Doyle á saxófón. n
Bjarni Már treður upp á Múlanum
Bjarni Már snýr aftur til Svíþjóðar í meistaranám í haust. FRÉTTABLAÐIÐ/VALLI
Jón Atli Jónasson hefur gefið
út hljóðbókina Andnauð hjá
Storytel en um er að ræða
fyrstu glæpasögu hans. Jón
Atli ætti að vera lesendum vel
kunnur en hann hefur um ára­
raðir verið talinn einn okkar
fremsti handritshöfundur og
leikskáld og er þekktur fyrir
titla á borð við Djúpið, Góðir
Íslendingar og Strákarnir
okkar.
Fyrsta glæpasaga Jóns, Andnauð,
fjallar um lögreglukonuna Láru sem
þarf að takast á við mál sem teygir
anga sína vítt um íslenskt samfélag.
Hljóðbókin er lesin upp af Vigdísi
Hrefnu Pálsdóttur og Haraldi Ara
Stefánssyni.
Jón Atli segir að hann geri sér grein
fyrir því að gríðarlega sterk hefð sé
fyrir glæpasögum á Norðurlönd­
unum og segir að Ísland sé þar engin
undantekning.
„Maður er mögulega með mjög
kröfuharða lesendur. En það sem
mér fannst mjög áhugavert við hljóð­
bókarformið er að þetta er fyrst og
fremst eitthvað sem fólk hlustar á.
Ég treysti mér kannski aðeins betur
í það heldur en að fara að gefa út ein­
hverja glæpasögu fyrir jólin,“ segir
Jón en hann telur að við hljóðbóka­
gerð þurfi að hafa ákveðna hluti í
huga. „Það er kannski einhver að
hlusta á þetta sem er að vaska upp og
sá þarf að vita hver mælir,“ segir Jón
og tekur fram að umgjörð Storytel
hvað þetta varðar sé frábær.
„Þau hjá Storytel eru með mjög
gott teymi sem er ofboðslega með­
vitað um þetta. Þannig færðu hina
hefðbundnu ritstjórnarvinnu en
svo kemur þetta inn aukalega og
þá er verið að hugsa um hluti eins
og hvaða tónlist á við hverju sinni
og hver hentar í hvaða hlutverk og
þetta er eitthvað sem þau liggja yfir
og skiptir máli.“
Reynsla úr sjónvarpsframleiðslu
Reynsla Jóns Atla kemur aðallega
úr leikhúsi og handritavinnslu fyrir
sjónvarp en hann hefur um áraraðir
starfað á þeim grundvelli.
„Það eru að verða einhver 10 ár
síðan ég fór að vinna í sjónvarpsserí­
um og það geri ég enn þá en meira
á erlendum vettvangi,“ segir Jón og
bætir við: „Oftar en ekki eru þetta
aðlaganir á glæpasögum sem breyta
Jón Atli mun halda lesendum í andnauð
Andnauð kom
út hjá Storytel
hinn 13. júlí á
þessu ári.
Jón Atli Jónas-
son hefur unnið
mikið með
glæpasögur í
handritagerð
fyrir sjónvarp
en þetta er
fyrsta glæpa-
sagan sem hann
skrifar sjálfur.
Jón Atli hefur
einnig reynslu af
gerð útvarps-
leikrita sem
hann segir að
hafi hjálpað við
gerð hljóð-
bókarinnar.
FRÉTTABLAÐIÐ/
ERNIR
Ragnar Jón
Hrólfsson
ragnarjon
@frettabladid.is
á í sjónvarpsseríur svo að þannig datt
ég inn í þetta.“
Jón Atli segir að vinna hans við
glæpaseríur hafi gefið honum
reynslu sem hjálpaði við skrifin.
„Maður lærir handverkin sem
þurfa að vera á tæru. Mikið af þessu
er söguþráður og persónur. En bæði
frá þessu og leikhúsinu þá hafði ég
það bakland að geta skrifað samtöl
og skapa karaktera. Svo það var ekki
eins og ég kæmi alveg ósnortinn
að þessu,“ segir Jón Atli, sem úti­
lokar ekki að verkið gæti verið kvik­
myndað í framtíðinni.
„Já, já, ég held að þar sem ég hef
verið svo lengi að vinna með mynd­
rænan texta svo jú, það yrði eflaust
frekar auðvelt að kvikmynda þetta,“
segir Jón, sem segir að glæpasagan
sem form bjóði upp á margvísleg
tækifæri til að varpa ljósi á mismun­
andi þætti í samfélaginu.
„Það eru oft margar samfélags­
legar hugmyndir, ákveðin norm,
sem er þægilegt að koma á framfæri
í einhverju eins og glæpasögu. Svo er
önnur krafa, sem ég þekki vel eftir
öll þessi ár þar sem ég var að vinna
í alls konar hlutverkum í handriti
og þróun í sjónvarpsseríum, þá er
þetta þannig að fólk verður að nenna
að lesa þetta. Þetta verður að vera
skemmtilegt.“ n
18 Menning 26. júlí 2022 ÞRIÐJUDAGURFRÉTTABLAÐIÐMENNING FRÉTTABLAÐIÐ 26. júlí 2022 ÞRIÐJUDAGUR