Fréttablaðið - 26.07.2022, Blaðsíða 30

arnartomas@frettabladid.is
HRingurinn hefur fyrir þó nokkru
fest sig í sessi sem stærsta árlega
tölvuleikjamót Íslands þar sem
tugir keppnisliða keppa sín á milli
í fjölda tölvuleikja. Í ár verða þó
ákveðin tímamót þar sem engin
lið hafa skráð sig til keppni í League
of Legends sem var einu sinni vin-
sælasti keppnisleikur landsins.
„Ég held að almennilega senan
sé dauð. Jafnvel þótt það gætu
sprottið upp eitt og eitt lítið mót
þá held ég að það verði aldrei nein
deild aftur,“ segir Hafliði Örn Ólafs-
son, best þekktur sem Flati innan
senunnar.
Flati hefur staðið að skipulagn-
ingu á League of Legends keppnis-
viðburða frá árinu 2012 þegar
senan var í blóma.
„Árin 2012-2013 voru 32 lið skráð.
Síðan fór þetta hægt og rólega niður
á við þar til það voru venjulega 8 til
10 lið skráð og svo yfir í ekki eitt
einasta,“ segir hann.
Hvert fóru allir spilararnir? Yfir
í einhvern annan leik eða bara á
vinnumarkaðinn?
„Ég held þeir hafi bara eignast
börn og hætt að spila,“ segir Flati,
sem mun berja dauða hestinn sem
League of Legends er enn um sinn.
„Maður getur barið hann allavega
í smátíma í viðbót en svo fer ég að
skoða hvað kemur næst eða hvort ég
sé bara orðinn of gamall sjálfur.“ n
AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is, ALMENNAR AUGLÝSINGAR: SÍMI 550 5050:
Andrés Bertelsen andres@frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/
SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir
ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is,
TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Ég held að þeir hafi
bara eignast börn og
hætt að spila.
Hafliði Örn
„Flati“ Ólafsson
Hefur lært að elska örið sitt
Ísabella segist
elska örið sitt
meira með
hverjum deg-
inum sem líður.
MYNDA/AÐSEND
Flati leiðir League-fylgd HRingsins
Ísabella Þorvaldsdóttir var
þriggja ára gömul þegar hún
gekkst undir nýrnaskipta-
aðgerð og fékk nýra frá pabba
sínum. Hún hefur lært að elska
örið eftir aðgerð og tekur nú
þátt í Miss Universe Iceland.
odduraevar@frettabladid.is
Ísabella Þorvaldsdóttir er meðal
þátttakenda í Miss Universe Iceland
sem fram fer í Gamla bíói þann 24.
ágúst. Hún segir undirbúninginn
hafa hjálpað sér við að gera upp for-
tíðina en þegar Ísabella var þriggja
ára gekkst hún undir nýrnaskipti
og gaf faðir hennar, Þorvaldur
Örlygsson fyrrverandi landsliðs-
maður í knattspyrnu, henni nýra.
„Ég hef ekki sagt mörgum þetta,
heldur einmitt frekar leynt þessari
sögu og líka örinu á maganum eftir
aðgerðina,“ segir Ísabella. Það hafi
hins vegar verið erfitt strax frá upp-
hafi í Miss Universe Iceland.
„Fyrsta æfingin snerist um að fara
í sundföt og að ganga. Ég hugsaði
fyrst bara, „ó nei, nú mun örið mitt
sjást,“ en svo gafst bara enginn tími
til að hugsa um það hvernig maður
lítur út og ég dembdi mér bara í
þetta.“
Ísabella segist þakklát Manuelu
Ósk Harðardóttur, skipuleggjanda
keppninnar, fyrir ómetanlegan
stuðning. „Hún og þátttakan í
keppninni hefur hjálpað mér að
elska sjálfa mig. Ég er farin að elska
örið mitt meira og meira á hverjum
einasta degi.“
Tekur einn dag í einu
Ísabella fæddist með blöðrur
á nýra og fór þriggja ára
gömul í nýrnaskipti. „Ég
man bara að ég var mjög
reið og pirruð út í alla
læknana og hjúkrun-
arfræðingana, sem
maður auðvitað er
ekkert eðlilega þakk-
látur fyrir í dag,“ segir
Ísabella hlæjandi.
Ísabella hefur síðan tekið
lyf vegna aðgerðarinnar og átt
miserfiða daga. „Þegar ég var 13
ára var til dæmis eitthvert vesen
með lyfin og ég fékk magasár og
svo stundum hafa komið upp nýir
hlutir tengdir þessu,“ útskýrir Ísa-
bella, sem bætir við að hugarfarið
skipti þess vegna öllu máli.
„Ég hef stundum tekið bara einn
dag í einu og tamið mér ákveðið
hugarfar,“ segir Ísabella sem er
þakklát foreldrum sínum. „Þau
hafa aldrei látið mér líða eins og ég
sé sjúklingur og alltaf ýtt mér út í að
gera allt sem ég vil.“
Kennir krökkunum hugarfarið
Ísabella hefur um fjögurra ára skeið
kennt ungum krökkum ballett. „Ég
hef lagt áherslu á að kenna krökk-
unum þetta hugarfar. Að ef þau
gangi í gegnum eitthvað, þá muni
þau komast í gegnum þetta,“ segir
Ísabella.
„Þetta er í raun það skemmtileg-
asta sem ég geri, að kenna og hjálpa
litlu nemendum mínum í þessu. Ég
elskaði þetta sjálf og æfði dansinn
í sjö ár en varð svo að hætta bæði
vegna veikindanna en líka bara
vegna lífsins,“ segir hún.
Ísabella tekur fram að hún hafi
aldrei látið þetta stoppa sig en hún
er á leið á síðasta árið í lögfræði.
„Það er æðislegt að það eru allir líf-
færagjafar á Íslandi nema annað sé
tekið fram.“
Ísabella segist ekki geta beðið
eftir því að komast á svið í Miss
Universe Iceland. „Því þetta er líka
boðskapurinn sem ég vil koma á
framfæri. Það eru allir fallegir,
sama hvað þeir hafa gengið
í gegnum eða hvað þeir eru
með á líkamanum.“ n
Það eru allir fallegir,
sama hvað þeir hafa
gengið í gegnum eða
hvað þeir eru með á
líkamanum.
Ísabella Þorvaldsdóttir
www.husgagnahollin.is
Sími: 558 1100
PÓSTLISTASKRÁNING
Viltu skrá þig á póstlista?
Skannaðu QR kóðann.
NÝJUM
30-50%
AFSLÁTTUR
RÝMUM FYRIR
LÝKUR Í DAG
VÖRUM
CLEVELAND
Hornsófi, hægri eða vinstri. Dökkgrátt eða ljósgrátt áklæði.
308 x 203 x 81 cm. 139.993 kr. 199.990 kr.
RICHMOND
Borðstofuborð. Olíuborin eik. Ø120 cm. 49.995 kr. 99.990 kr.
30%
50%
AF VÖLDUM SÝNINGARVÖRUM OG
SÍÐUSTU EINTÖKUM AF LAGER
Verð og vöruupplýsingar í auglýsingunni eru birtar með fyrirvara um prentvillur.
Yfirstrikað verð sýnir fullt verð vöru.
22 Lífið 26. júlí 2022 ÞRIÐJUDAGURFRÉTTABLAÐIÐ