Fréttablaðið - 26.07.2022, Blaðsíða 28
Árið 2006 kom síðasta myndin út á VHS-spólu. Sextán árum
síðar eru vel valdar VHS-spólur orðnar að sannkölluðum dýr-
gripum, ýmist opnaðar eða óopnaðar. Þannig greiddi safnari
tæpar tíu milljónir íslenskra króna fyrir óopnaða spólu af Back
to the Future. Fréttablaðið tók saman hvaða dýrgripir gætu
mögulega leynst í geymslum Íslendinga.
odduraevar@frettabladid.is
Fjársjóðir sem
gætu leynst uppi
á háaloftinu þínu
Lion King (1994)
68 þúsund krónur
Allir og ömmur þeirra áttu eintak af Konungi
ljónanna á VHS á tíunda áratugnum. Safnarar hafa
greitt þúsundir fyrir eintak af Óskarsverðlauna-
myndinni þar sem Skari stakk Múfasa, Sarabíu,
Simba og Nölu í bakið.
Stella í Orlofi (1986)
? krónur
Edda Björgvins sigraði hug og hjörtu íslensku
þjóðarinnar sem hin skemmtilega Stella. Metn-
aðarfullir safnarar vilja væntanlega alls ekki láta
þessa fram hjá sér fara, hvað þá ef hún fyndist
óopnuð.
Sódóma Reykjavík (1992)
? krónur
Líklega hefur engin mynd stimplað sig eins hressi-
lega inn í íslenska þjóðarsál og grínmyndin um
Axel og leit hans að fjarstýringunni. VHS-spólan
er líklega sú þekktasta á Íslandi, en hvar ætli þær
séu nú?
Skýjahöllin (1994)
? krónur
Hinn átta ára Emil vill ólmur
eignast hundinn Skunda. Líklega
er hér um að ræða íkonískasta
VHS-hulstur allra íslenskra bíó-
mynda og myndin því sjálfkrafa
væntanlega dýrmæt í safn VHS-
braskara nútímans.
Íslenski draumurinn (2000)
? krónur
Sjaldan hefur ein mynd
fangað íslenska tækifæris-
mennsku eins vel í einni per-
sónu eins og helgarpabbanum
og viðskiptajöfrinum Tóta.
Enginn safnari myndi láta
þessa fram hjá sér fara.
Refurinn og hundurinn (1981)
116 þúsund krónur
Saga um ást og vináttu tveggja ólíkra dýra, en þó
skyldra – refs og hunds. Ódauðlegur boðskapur
um vináttu sem gæti reynst ágætis aukapeningur
fyrir þá sem finna hann í geymslunni hjá sér miðað
við upphæð sem myndin hefur selst á á eBay.
Með allt á hreinu (1982)
? krónur
Það er á hreinu að alvöru
VHS-safnari gæti alls ekki verið
hreykinn af safninu sínu ef
hann ætti ekki í hið minnsta
eitt eintak af Með allt á hreinu.
Myndin stimplaði sig rækilega
inn í íslenska þjóðarvitund,
enda Stuðmenn dýrkaðir og
dáðir.
Kill Bill (2004)
1,2 milljónir króna
Yngsta myndin á listanum og
líka ein af þeim dýrari. Meist-
araverk Quentin Tarantino
gæti makað krók þó nokkurra
Íslendinga miðað við verðið
sem VHS-spólan hefur selst á
á eBay.
Mulan (1999)
2,1 milljón króna
Þú hlýtur að eiga þessa uppi í skáp einhvers
staðar! Kínverska hetjan Múlan sló í gegn á sínum
tíma í baráttunni við Húnana og núna gæti VHS-
spólan gert suma að léttum milljónamæringum,
miðað við hæsta söluverð á eBay frá 2019.
Ghostbusters (1984)
1,1 milljón króna
Bill Murray og hinir draugabanarnir eiga þessa
mynd með húð og hári, sem er orðin svo mikil
klassík að safnarar berjast um eintök af henni á
VHS-forminu. Þessi HLÝTUR að vera til uppi á háa-
lofti hjá mörgum.
Aðrir dýrgripir
n Fríða og dýrið (1991)
273 þúsund krónur
n 101 dalmatíuhundur (1992)
497 þúsund krónur
n The Rescuers Down Under
(1990) 1,5 milljónir króna
n The Big Lebowski (1998)
1,6 milljónir króna
20 Lífið 26. júlí 2022 ÞRIÐJUDAGURFRÉTTABLAÐIÐLÍFIÐ FRÉTTABLAÐIÐ 26. júlí 2022 ÞRIÐJUDAGUR