Skessuhorn - 06.04.2022, Page 16

MIÐVIKUDAGUR 6. APRÍL 202216
Í byrjun síðustu viku var kynntur
nýr framboðslisti fyrir sveitar-
stjórnarkosningarnar 14. maí í
Borgarbyggð þar sem Samfylking
og Viðreisn stilltu fram sameigin-
legum lista. Listann leiðir Bjarn-
ey Bjarnadóttir kennari við Grunn-
skólann í Borgarnesi. Bjarney er
fædd og uppalin í Breiðholtinu,
nánar tiltekið í bökkunum. Hún
gekk í Breiðholtsskóla og svo í Fjöl-
brautaskólann í Breiðholti. „Ég er
mjög stolt af þessum uppruna mín-
um,“ segir Bjarney brosandi þegar
blaðamaður Skessuhorns kíkti í
heimsókn til hennar fyrir helgi
í fall egu húsi við Berugötu með
útsýni yfir á Hafnarfjallið. Bjarni
Lár, yngsti sonurinn á heimil-
inu, var að klára heimalesturinn á
meðan tveir eldri voru að undir-
búa sig fyrir helgarferð í burtu með
mömmu sinni. Bjarney er gift Sig-
urkarli Gústavssyni lögregluþjóni
og eiga þau samtals fjóra syni, en
Sigurkarl á þrjá syni frá fyrra hjóna-
bandi og búa tveir þeirra hjá þeim
í Borgarnesi. Fjölskyldan flutti í
Borgarnes árið 2019 til að flýja
húsnæðismarkaðinn í Reykjavík og
til að komast í friðsælla og rólegra
umhverfi. Við fengum að kynnast
Bjarneyju aðeins betur og rædd-
um um reynslu hennar af opin-
bera kerfinu, hvernig hún endaði
sem kennari í Borgarnesi og hvern-
ig hennar sýn er á Borgarbyggð til
framtíðar.
Neitaði Orlando
Bloom tvisvar
„Ég var frekar týnd fyrstu árin eftir
framhaldsskóla og vissi ekkert hvað
ég vildi gera. Ég fór að vinna hjá lík-
amsræktarstöðinni Planet Gym 80
hjá Jónínu Benediktsdóttur. Fyrst
var ég í afgreiðslunni en svo varð ég
rekstrarstjóri og fór að læra einka-
þjálfun samhliða því. Ég færði mig
svo yfir í Þrekhúsið eftir að Planet
Gym lokaði og fljótlega fór ég yfir í
Sporthúsið þar sem ég þjálfaði nán-
ast frá opnun og þar til við flutt-
um hingað í Borgarnes, fyrir utan
tvö ár sem ég bjó í Englandi,“ seg-
ir Bjarney sem vann sem einkaþjálf-
ari í um 20 ár. Árið 2010 kynntist
hún breskum manni og flutti með
honum til Englands þar sem hún
vann við þjálfun í tvö ár. „Ég bjó á
stað sem heitir Henley on Thames
og er svona efri-millistéttar svæði.
Einn daginn í vinnunni var hringt
í afgreiðsluna og ég spurð hvort
ég væri laus í þjálfun. Ég var upp-
tekin svo ég neitaði því og fór út
til að sækja spinning dót. Þegar ég
kem til baka fæ ég að vita að það
var Orlando Bloom sem vildi koma
í þjálfun og annar þjálfari væri að
þjálfa hann. Svo nokkru seinna var
hringt í mig seint á laugardags-
kvöldi þar sem ég var að horfa á
barnsföður minn spila rugby. Ég
var spurð hvort ég gæti komið að
þjálfa, sem ég gat ekki. Þegar ég
hafði skellt á sagði ég við vinkonu
mína að ég héldi að þetta hefði
verið Orlando Bloom og að ég
hefði bara sagt nei við hann, aft-
ur! Ég sá svo að rekstrarstjórinn í
ræktinni setti inn á Facebook að
Orlando Bloom og Miranda Kerr
hefðu verið í ræktinni svo þetta
var svo sannarlega hann sem vildi
koma í þjálfun hjá mér. Þarna var
ég því búin að segja nei við að þjálfa
Orlando Bloom tvisvar,“ segir
Bjarney og hlær og bætir svo við að
hún hafi hitt hann í ræktinni daginn
eftir þar sem hann sagði henni að
hann væri að fara út úr bænum en
ætlaði að hafa samband þegar hann
kæmi til baka. Hann fór sem sagt til
Nýja-Sjálands að taka upp Hobbit-
ann en þegar hann kom til baka var
Bjarney flutt aftur heim til Íslands.
Flutti aftur til Íslands
Eftir að út var komið sýndi barns-
faðir Bjarneyjar á sér nýjar hliðar og
eftir mjög stormasamt ár sem ein-
kenndist af andlegu ofbeldi fór hún
frá honum. Mánuði síðar komst
Bjarney að því að hún væri ófrísk og
ákvað því að flytja heim til Íslands
aftur. „Ég var hætt með barnsföð-
ur mínum og ekki með neitt stuðn-
ingsnet þarna úti svo það var eigin-
lega ekkert annað í stöðunni en að
flytja aftur heim, sem mér þótti
ótrúlega erfitt og var lengi að
sætta mig við,“ segir hún. Bjarney
og Bjarni Lár bjuggu fyrsta árið á
Íslandi hjá foreldrum Bjarneyjar og
segist hún mjög þakklát í dag fyr-
ir að hafa komið heim því þrem-
ur árum seinna dó mamma henn-
ar nokkuð óvænt úr brjóstakrabba-
meini. „Þetta var ótrúlega dýrmæt-
ur tími sem ég fékk með henni,
sem ég er ótrúlega þakklát fyr-
ir.“ Eftir að mamma Bjarneyjar
fékk brjóstakrabbamein kom í ljós
að hún var BRCA arfberi. „Í kjöl-
farið kom svo í ljós að ég væri það
líka og systir mín og bróðir, sam-
tals þrjú af fjórum systkinum. Þarna
kviknaði eiginlega fyrst áhugi minn
á stjórnmálum því ég fékk smá
innsýn inn í kerfið og sá að þar
var margt sem mátti bæta,“ segir
Bjarney. Hún ákvað að fara í fyrir-
byggjandi brjóstnám hálfu ári eftir
að móðir hennar lést og var heim-
ildarmyndin Þegar vitlaust er gef-
ið – um BRCA og brjóstakrabba-
mein á vegum Íslenskrar erfða-
greiningar gerð í kringum það ferli.
„Ég fór svo í stjórn BRCA samtak-
anna og tók þátt í réttindabaráttu
þar. Ég hef alltaf verið „rebel“ en á
góðan hátt þar sem ég vil bæta kerf-
ið okkar. Ég vil vita af hverju kerf-
ið er eins og það er og hvort það
væri betra að hafa það öðruvísi og
þá hvernig,“ segir Bjarney. „En í
þessu BRCA ferli öllu kviknaði ein-
hver neisti hjá mér að vilja breyta
og hafa áhrif til góðs, ekki bíða eftir
að einhver annar geri það.“
Fæddi barn eftir 18
vikna meðgöngu
Bjarni Lár, sem er núna níu ára
gamall, greindist snemma með
alvarlega málþroskaröskun sem
fylgir honum enn í dag. Núna í
vetur var hann svo greindur með
ADHD og á einhverfurófinu eft-
ir tveggja ára bið eftir greiningu.
„Þetta er eitt af því sem þarf að laga
í kerfinu okkar, þessi langa bið eftir
greiningu fyrir börn og hvernig við
komum svo til móts við þau í sam-
félaginu,“ segir Bjarney. Fyrir ári
síðan missti hún barn eftir 18 vikna
meðgöngu og þurfti að fæða barnið
látið. Þá fékk hún enn einu sinni
innsýn í kerfið og sá ýmsa galla.
„Ég fæði barnið mitt eftir 18 vikur
upp á dag og fékk því tvo mánuði
í fæðingarorlof en ef ég hefði fætt
einum degi fyrr hefði ég ekkert
fengið. Ég skil að það þurfi að vera
mörk en af hverju er það ekki bara
þannig að ef þú þarft að fæða barnið
þá færð þú orlof? Það skiptir ekki
máli hvort þú ert gengin 14 vikur
eða 18, missirinn er alltaf sá sami,
sorgin sú sama og reynslan líka því
þetta er vissulega fæðing þó barnið
sé mjög lítið. Ég missti auk þess
töluvert mikið blóð í fæðingunni
sjálfri og tveimur mánuðum eft-
ir fæðinguna þurfti ég svo að fara
í aðgerð því það var fastur fylgju-
biti. Allt sem fylgir öðrum fæðing-
um, þar sem börn fæðast lifandi eft-
ir fulla meðgöngu, getur líka fylgt
svona fæðingum, svo af hverju er
verið að hengja sig í nákvæmum
dagafjölda, af hverju er ekki frekar
miðað við að ef meðgangan er það
langt komin við fósturlát að það
þarf að fæða barnið að viðkomandi
eigi rétt á fæðingarorlofi? Þegar ég
lá á fæðingardeildinni talaði ljós-
móðir við félagsráðgjafa sem fór
að efast eitthvað um að ég væri í
raun gengin 18 vikur. Mér fannst
það svo smásmugulegt. Hvað ef ég
hefði bara verið gengin 17 vikur og
sex daga, ætti ég þá bara ekki rétt á
neinu, hver hefði grætt á því,“ spyr
Bjarney og bætir við að svona kerfi,
sem á að vera fyrir fólkið, sé í raun
frekar farið að flækjast fyrir fólki.
Góð innsýn í kerfið
Bjarney kláraði nám í íþróttafræði
við Háskólann í Reykjavík og fór í
kjölfarið að kenna. Fyrst kenndi hún
íþróttir við Flensborg í eitt ár áður
en hún flutti til Englands. „Þegar
ég kom svo heim aftur árið 2013
sá ég auglýst starf enskukennara í
Rimaskóla og sótti um. Það æxlað-
ist svo þannig að ég varð umsjónar-
kennari og gekk bara mjög vel í því
starfi. Mér fannst starfið gefandi og
skemmtilegt og ég náði vel til barn-
anna,“ segir Bjarney og bætir við
að hún hafi kennt á öllum stigum
í grunnskóla og er í dag íslensku-
kennari í Grunnskólanum í Borgar-
nesi. „Ég hef verið að kenna í tíu
ár og fengið að sjá það hversu van-
máttugir kennarar eru í raun. Við
náum ekki að grípa öll börnin sem
standa höllum fæti og kerfið er bara
mjög vanmáttugt. Ég hef reynslu af
kerfinu sem notandi með barn sem
þarf aukna aðstoð og sem veitandi
í kerfinu og hef því góða sýn á all-
ar hliðar. Við kennarar erum allir af
vilja gerðir að gera það besta fyrir
börnin og ég held að við séum að
standa okkur ágætlega í flestum til-
vikum, en það þarf aðkomu fleiri
fagaðila í skólakerfið. Við höfum
ekki þá þekkingu sem þarf oft á tíð-
um til að geta komið til móts við
börn með mjög margvísleg vanda-
mál, hvort sem það eru námsörðug-
leikar, hegðunarerfiðleikar eða til-
finningavandamál. Það er mjög
slítandi fyrir kennara að vinna við
slíkar aðstæður og því hætt við því
að þeir brenni upp í starfi. Á sama
„Ég brenn fyrir velferðarmálunum og vil búa
í samfélagi án aðgreiningar“
segir Bjarney Bjarnadóttir oddviti Samfylkingar og Viðreisnar í Borgarbyggð
Bjarney Bjarnadóttir oddviti Samfylkingar og Viðreisnar í Borgarbyggð og hundurinn Rökkvi.