Fréttablaðið - 09.08.2022, Síða 6

Stjórnvöld í Taívan
hafa lýst því yfir að þau
undirbúi herinn fyrir
stríð en segjast þó ekki
sækjast eftir stríði.
Það má nýta húsnæðið
sem geymslu en ekki
sem íverustað.
Björn Ingimars-
son sveitarstjóri
Múlaþings
thorgrimur@frettabladid.is
PALESTÍNA Vopnahlé tók gildi milli
Ísraelshers og vígahópsins Íslamsks
jíhads í Palestínu (PIJ) á sunnudags-
kvöld. Meiriháttar átök höfðu hafist
á Gasaströndinni á föstudaginn
þegar Ísraelsher gerði loftárásir á
byggingu í miðborg Gasa. Árásin
var hluti af svokallaðri „dagrenn-
ingaraðgerð“ sem gerð var til að
ráða niðurlögum Taysirs al-Jabari,
liðsforingja í hernaðarvæng PIJ. Auk
hans létust að minnsta kosti átta í
árásunum, þar á meðal fimm ára
gömul stúlka.
Ísraelar héldu áfram árásum á
skotmörk yfir helgina og Palestínu-
menn svöruðu fyrir sig með eld-
f laugaárásum á ísraelskar borgir.
Á sunnudagskvöld gaf heilbrigðis-
ráðuneyti Gasa út að alls hefðu 44
manneskjur látist í átökunum, þar á
meðal 15 börn. Þá hafi rúmlega 300
manns slasast.
Ekki hefur verið tilkynnt um að
neinir Ísraelar hafi látist í gagn-
árásunum. Ísraelski herinn segist
hafa hæft 170 skotmörk tengd PIJ í
aðgerðinni, drepið nokkra háttsetta
leiðtoga í samtökunum og eytt hluta
af vopnabúri þeirra.
Talsmaður hersins, fylkishers-
höfðinginn Ran Kochav, sagðist
hafa fengið upplýsingar um alls 35
dauðsföll í Palestínu. Þar af hefðu
11 óbreyttir borgarar dáið í árásum
Ísraelshers. Hins vegar staðhæfði
Kochav að fleiri palestínskir borg-
arar hefðu látist í gagnárásum Pal-
estínumanna, alls 15. Dauðsföllin
mætti rekja til eldf lauga sem PIJ
hefði skotið en hefðu hrapað inni á
Gasaströndinni án þess að drífa til
Ísraels.
Ísraelar og Palestínumenn þökk-
uðu Egyptum fyrir milligöngu þeirra
við að semja um vopnahléið. n
Vopnahlé á milli Ísraelshers og íslamska jíhads heldur á Gasa
Syrgjandi Palestínumenn bera lík hinna látnu í útfararathöfn í Jabalia-flótta-
mannabúðunum í gær. FRÉTTABLAÐIÐ/GETTY
Heilbrigðisráðu-
neyti Gasa gaf það út
á sunnudagskvöld
að alls hefðu 44 látist
í átökunum, þar af
fimmtán börn.
kristinnhaukur@frettabladid.is
AUSTURLAND Aðeins eitt af hús-
unum fjórum sem Múlaþing og
Ofanf lóðasjóður keyptu af fólki
við Stöðvarlæk eftir skriðuföllin á
Seyðisfirði í desember árið 2020,
verður fært á öruggt svæði. Ekki er
þó enn kominn kaupandi að húsinu.
Þá hefur ekki verið tekin ákvörðun
um hvað verður gert við hin þrjú.
„Það er óvíst hvort hin húsin séu
í ástandi til f lutnings,“ segir Björn
Ingimarsson, sveitarstjóri Múla-
þings. Vinnuhópur var settur í að
meta hvað skyldi gert við húsin og
er færslan nú í undirbúningi.
Heimastjórn Seyðisfjarðar hefur
lýst yfir áhyggjum af því að húsin
standi vannýtt, en Björn segir að
sveitarstjórn muni ræða við heima-
stjórnina um framtíð húsanna, sem
standa við Hafnargötu 40b, 42, 42b
og 44b. Eru þetta eldri hús sem
meðal annars hafa verið löguð með
styrkjum frá Minjastofnun.
„Það má nýta húsnæðið sem
geymslu en ekki sem íverustað,“
segir Björn en sveitarstjórn bannaði
búsetu eftir frumathugunarskýrslu
Veðurstofunnar snemma árs 2021.
Húsin fjögur voru keypt af ein-
staklingum og annað hvort notuð
sem heimili, sumarhús eða sem
gistirými á Airbnb. Björn segir að
hlutur Múlaþings hafi verið hærri
en Ofanflóðasjóðs þar sem sveitar-
félagið hafi ekki viljað greiða undir
fasteignamati fyrir húsin en Ofan-
flóðasjóður markaðsverð, sem hafi
verið lægra. n
Borgar sig ekki að færa þrjú af fjórum
húsum á Seyðisfirði í skriðuhættu
kristinnhaukur@frettabladid.is
FÉLAGSMÁL Ev rópusambandið
hyggst taka upp samræmd skírteini
fyrir fatlað fólk, til að einstaklingar
geti nýtt sér fríðindi milli landa.
Hér á Íslandi eru engin innlend
skírteini lengur, sem eru forsenda
þess að hægt sé að gerast aðili að
samstarfinu.
„Ávinningurinn af þessum sam-
evrópsku skírteinum er fyrst og
fremst fólginn í auknu aðgengi
fatlaðs fólks á ferðalögum,“ segir
Þuríður Harpa Sigurðardóttir, for-
maður Öryrkjabandagsins. Þar sem
aðgangur að þjónustu eða sérstök-
um kjörum, til dæmis í almenn-
ingssamgöngur eða af þreyingu, er
í boði fyrir heimamenn, væri hann
einnig í boði fyrir Íslendinga.
Skírteinið hefur verið í prufu-
keyrslu í átta ríkjum og hefur gefið
góða raun. Verður það tekið upp í
öllum löndum í lok næsta árs.
Öryrkjabandalagið hefur ekki
upplýsingar um hvort EES-ríki geti
verið aðilar að skírteinunum, en
eins og staðan er núna er það úti-
lokað fyrir Ísland. Forsenda þess að
Íslendingar geti fengið skírteini er
að innlend skírteini séu til staðar
en svo er ekki. „Tryggingastofnun
hætti útgáfu þeirra fyrir nokkrum
árum og við höfum þrýst á að þau
verði gefin út á ný. Það er ekki ein-
göngu vegna þessa máls, heldur er
það líka mikið réttindamál fyrir fatl-
að fólk svo það hafi aðgang að þeim
sérkjörum sem stofnanir og fyrirtæki
hafa ákveðið að bjóða okkar fólki,“
segir Þuríður. n
Ísland ekki aðili að samevrópsku
skírteini sem eykur réttindi fatlaðs fólks
Hernaðaræfingar Kínverja við
strendur Taívan virðast engan
enda ætla að taka. Í gær hélt
kínverski herinn hernaðar-
æfingum sínum áfram og í
þetta skipti eru æfingarnar
ekki skipulagðar fyrir fram,
heldur hefur ríkisstjórn Kína
ekkert gefið upp um hvenær
æfingunum muni ljúka.
sigurjon@frettabladid.is
KÍNA Fjögurra daga hernaðar-
æfingar kínverska hersins hófust við
strendur Taívan á fimmtudeginum í
síðustu viku, kínverska ríkisútvarpið
sagði æfinguna vera „mikilvæga
hernaðarlega.“ Að sögn yfirmanna
í kínverska hernum eru æfingarnar
svar við heimsókn Nancyar Pelosi,
forseta fulltrúadeildar Bandaríkja-
þings, til Taívan í upphafi síðustu
viku. Kínverjar höfðu hótað til-
heyrandi viðbrögðum ef hún myndi
heimsækja ríkið.
Stjórnvöld í Taívan hafa lýst því
yfir að þau undirbúi herinn fyrir
stríð en þau segjast þó ekki sækjast
eftir stríði, enda er kínverski her-
inn margfalt stærri en sá taívanski.
Um tvær milljónir manna eru í kín-
verska hernum, samanborið við um
hundrað og sjötíu þúsund manns í
taívanska hernum.
Með heimsókn sinni varð Nancy
Pelosi æðsti embættismaður til þess
að heimsækja Taívan í tuttugu og
fimm ár, en forseti fulltrúadeildar
Bandaríkjaþings er þriðja valda-
mesta manneskjan í bandaríska
valdapýramídanum.
Árið 1949 flúðu þjóðernissinnar
frá Kína til eyjunnar Taívan eftir
ósigur í borgarastyrjöld gegn kín-
verska kommúnistaflokknum, sem
hefur verið við völd síðan þá. Stjórn-
völd í Taívan telja sig stjórna hinu
eina sanna Kína, enda er formlegt
heiti ríkisins Lýðveldið Kína, nafnið
Taívan er þó oftast notað til þess að
vísa til ríkisins en „Kína“ er notað til
þess að vísa til Alþýðulýðveldisins
Kína á meginlandinu.
Fá ríki viðurkenna sjálfstæði
Taívan, einungis þrettán ríki gera
það. Vatíkanið er eina Evrópuríkið
sem viðurkennir sjálfstæði þess og
Bandaríkin gera það heldur ekki
formlega, þrátt fyrir mikinn stuðn-
ing í gegnum tíðina, þá einna helst
hernaðarlegan stuðning.
Taívan er tæplega tvö hundruð
kílómetra frá ströndum meginlands
Kína og opinber stefna stjórnvalda í
Kína er sú að Taívan skuli lúta stjórn
Kínverja fyrir árið 2049, friðsamlega
eða með afli. Taívan er hernaðarlega
mikilvægt fyrir Kína, þrátt fyrir þær
yfirlýsingar stjórnvalda að sam-
eining Kína og Taívan sé einungis
friðsamleg.
Forseti Taívan, Tsai Ing-wen, kall-
aði eftir því að alþjóðasamfélagið
myndi „styðja lýðræðislegt Taívan.
G7-hópurinn, hópur sjö helstu iðn-
ríkja heims, hefur fordæmt æfingar
kínverska hersins, en það leiddi til
þess að kínversk stjórnvöld aflýstu
fundi sem utanríkisráðherrar Kína
og Japans stefndu á að halda í lok
síðustu viku. Stjórnvöld í Kína hafa
einnig tilkynnt viðskiptaþvinganir
gegn Pelosi, ekki hefur enn verið til-
kynnt hvers eðlis þær eru en slíkar
þvinganir eru oftar en ekki tákn-
rænar.
Þá hafa Kínverjar einnig dregið sig
út úr samstarfi við Bandaríkin um
loftslagsmál, en ríkin eru tvö mest
mengandi ríki á jörðinni. Árið 2014
komust þau að samkomulagi um að
draga úr mengun, en sá samningur
var talinn vera einn mikilvægasti
samningur í sögu loftslagsmála.
Stjórnvöld í Kína og her þeirra
hafa hunsað áköll eftir því að
minnka spennuna á svæðinu og
hafa ekki gefið neinar yfirlýsingar
um hvernig framhaldið verður, hvort
þau muni halda áfram hernaðar-
æfingum eða ekki. n
Hernaðaræfingar Kínverja
halda áfram við Taívan
Ávinningurinn af
þessum skírteinum er
fyrst og fremst fólginn í
auknu aðgengi fatlaðs
fólks á ferðalögum.
Þuríður Harpa
Sigurðardóttir,
formaður ÖBÍ
Taívanski herinn undirbýr sig undir stríð en segist þó ekki sækjast eftir því. FRÉTTABLAÐIÐ/GETTY
6 Fréttir 9. ágúst 2022 ÞRIÐJUDAGURFRÉTTABLAÐIÐ