Morgunblaðið - 11.04.2022, Síða 2

2 FRÉTTIR
Innlent
MORGUNBLAÐIÐ MÁNUDAGUR 11. APRÍL 2022
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
ALICANTE GOLF RESORT
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 GOLF@UU.IS
ÆFÐU SVEIFLUNA Á ALICANTE
INNIFALIÐ Í VERÐI:
ÓTAKMARKAÐ GOLF
INNRITUÐ TASKA 20 KG OG HANDFARANGUR
GOLFBÍLL INNIFALINN
FLUTNINGUR Á GOLFSETTI
VAL UM MORGUNVERÐ EÐA HÁLFT FÆÐI
ÍSLENSK FARARSTJÓRN
AKSTUR TIL OG FRÁ FLUGVELLI
19. - 25. APRÍL VERÐ FRÁ 199.900 KR.
Á MANN M.V. 2 FULLORÐNA
20. - 25. APRÍL VERÐ FRÁ 179.900 KR.
Á MANN M.V. 2 FULLORÐNA
20. - 28. APRÍL VERÐ FRÁ 254.900 KR.
Á MANN M.V. 2 FULLORÐNA
24. - 28. APRÍL VERÐ FRÁ 159.900 KR.
Á MANN M.V. 2 FULLORÐNA
24. APRÍL - 03. MAÍ VERÐ FRÁ 269.500 KR.
Á MANN M.V. 2 FULLORÐNA
Komdu með til Alicante, hitaðu upp fyrir sumarið á
Spáni. Í þessum ferðum til Alicante Golf Resort getur
þú ráðið lengdinni á þinni ferð.
Ari Páll Karlsson
ari@mbl.is
Kauptilboð hefur verið samþykkt í
varðskipin Tý og Ægi og fara þau því
úr eigu ríkisins á næstunni. Bæði
skipin verða seld einum kaupanda,
sem er íslenskur. Þetta staðfestir
Helena Rós Sigmarsdóttir, lögfræð-
ingur hjá Ríkiskaupum, í samtali við
Morgunblaðið. Kauptilboðið er bind-
andi og vænta má að drög að kaup-
samningi séu komin langt á veg.
Kaupverðið hefur ekki enn verið gef-
ið upp, en verður gefið upp þegar
endanlegir samningar liggja fyrir.
Tvö tilboð bárust
Í byrjun febrúar sl., þá eftir aug-
lýsingafrest, greindi Morgunblaðið
frá því að hæsta tilboð væri 125 millj.
kr. Tvö tilboð hefðu borist. Hið lægra
hefði verið upp á tæpar 18 millj. kr.
„Verið er að leggja mat á áframhald-
andi samningsgrundvöll við hæst-
bjóðanda,“ sagði í svari Ríkiskaupa í
febrúar síðastliðnum. Helena segir
aðspurð að fleiri tilboð hafi ekki bor-
ist eftir auglýsingafrestinn. „Við
þurftum því ekki að taka afstöðu til
þess hvort við ættum að hleypa öðru
tilboði að. Það hefði væntanlega verið
tekið til skoðunar ef það hefði verið
þess eðlis.“ Helena tekur fram að um-
rædd auglýsing hafi ekki verið bind-
andi. „Þetta var í sjálfu sér markaðs-
könnun til að sjá hvert mögulegt
markaðsverð fyrir varðskipin væri.“
Bæði lengi í flotanum
Varðskipið Týr kom í fyrsta sinn til
Reykjavíkur 24. mars 1975 og var þá
fullkomnasta skip Íslendinga og jafn-
framt það dýrasta. Varðskipið fór
sína fyrstu ferð til björgunar- og
landhelgisgæslustarfa frá Reykjavík
fáeinum dögum eftir komuna til
landsins og átti eftir að duga vel og
lengi, meðal annars í 200 mílna
þorskastríðinu. Hinn 15. nóvember á
síðasta ári fór skipið í sína síðustu eft-
irlitsferð og varðskipið Freyja tók
formlega við hlutverki þess í kjölfar-
ið.
Varðskipið Ægir hefur verið til
sölu frá því í nóvember 2020. Skipið
var smíðað í Álaborg í Danmörku
1968. Það kom til landsins sama ár og
leysti af samnefnt skip sem þá hafði
verið í flotanum í tæp 40 ár.
Morgunblaðið/G.Rúnar
Skip Varðskipin sem nú á að selja, Týr og Ægir, þegar þau voru bæði í höfn, sem þá þótti fremur óvanalegt.
Kauptilboð samþykkt í Tý og Ægi
- Varðskipin Ægir og Týr seld íslenskum kaupanda - Kaupsamningur í vinnslu fram yfir páska - Til-
boðið er bindandi - Hæsta tilboð nam 125 milljónum króna - Skipin hafa verið í útgerð frá 1968 og 1975
Veronika Steinunn Magnúsdóttir
veronika@mbl.is
Framkvæmdastjóri og formaður
Samtaka fyrirtækja í velferðar-
þjónustu telja nýja samninga
Sjúkratrygginga Íslands, samtak-
anna og Sambands íslenskra sveit-
arfélaga ánægjulega og mikið afrek
enda marki þeir framtíðarsýn og
tryggi aukið fjármagn til hjúkr-
unarheimila. Um 130 milljarðar
króna eru tryggðir til reksturs og
þjónustu 45 hjúkrunarheimila á
vegum Sambands íslenskra sveit-
arfélaga og Samtaka fyrirtækja í
velferðarþjónustu, eftir að samn-
ingar þess efnis til þriggja ára voru
undirritaðir og kynntir á föstudag-
inn.
Hjúkrunarheimili hafa kvartað
sáran að undanförnu undan erfiðu
rekstrarumhverfi sem rekja má með-
al annars til vanfjármögnunar rík-
isins.
Þar ber einna hæst að fé mun
fylgja íbúum hjúkrunarheimilanna
betur og greiðsluþak vegna hjúkr-
unarþyngdar er afnumið en einnig
hafa verið skipaðir starfshópar til
þess að rýna í atriði á borð við mönn-
un svo dæmi sé tekið.
„Það er verið að semja á jákvæðari
fjárhagslegum grunni en áður og það
er verið að setja meiri pening í hjúkr-
unarheimilin,“ segir Sigurjón Nor-
berg Kjærnested, framkvæmdastjóri
Samtaka fyrirtækja í velferðarþjón-
ustu. Hann segir að með samning-
unum hafi loks verið sett fram eins-
konar framtíðarsýn í málaflokknum.
Í samningunum eru fjárveitingar bet-
ur tengdar við hjúkrun og umönnun
og fjármagn til umönnunar aukið sér-
staklega. Í gömlu samningunum var
sett 2% þak á það hve mikið greiðslur
til hjúkrunarheimila mættu hækka
vegna aukinnar hjúkrunarþyngdar.
„Hið opinbera er að segja að
greiðslur eigi að fylgja ástandi heim-
ilisfólksins. Faglega séð munu þessir
samningar gera hjúkrunarheim-
ilunum fært að veita heimilisfólkinu
betri umönnun,“ segir hann.
Aukin framlög verða veitt til þeirra
sem þurfa sérstaka umönnun, í gegn-
um Útlagasjóð. „Sá sjóður fékk 13
milljónir árlega samkvæmt síðustu
samningum en í þessum nálgast þeir
66 milljónir á þessu ári og hækka síð-
an upp í 96 milljónir,“ segir hann. Þá
lýsti ráðherra því yfir að hann vildi
setja í gang vinnu við að hanna úr-
ræði fyrir þá sem þurfa sérstaklega
mikla umönnun eða þá sem passa
ekki í núverandi mynstur á hjúkr-
unarheimilunum.
Fyrri samningar, frá 2016, voru
endurnýjaðir í tvígang, síðast fram í
mars eftir að þeir runnu út um ára-
mótin. Samningaviðræður hófust
stuttu eftir að Willum Þór Þórsson
tók við embætti heilbrigðisráðherra.
Björn Bjarki Þorsteinsson, for-
maður Samtaka fyrirtækja í velferð-
arþjónustu, segir ánægjulegt að
samningar hafi náðst og sér í lagi að
samið hafi verið um viðbótarframlög.
Greiðslur fylgi ástandi íbúa hjúkrunarheimila
- Framtíðarsýn lögð fram með samningi um rekstur hjúkrunarheimila - Samið til þriggja ára
Morgunblaðið/Kristinn Magnússon
Fjármagn Hjúkrunarheimilin fá auk-
in fjárframlög með samningunum.
Diljá Mist Einarsdóttir, ásamt fjór-
um öðrum þingmönnum Sjálfstæð-
isflokksins, hefur lagt fram frum-
varp á Alþingi sem felur í sér
nokkrar breyt-
ingar á ákvæðum
laga um réttindi
og skyldur
starfsmanna rík-
isins. Á meðal
þeirra er niður-
felling á skyldu
forstöðumanna
að áminna starfs-
menn með form-
legum hætti
vegna brots á
skyldum starfsmanna eða þegar
þeir hafa ekki staðið undir þeim
kröfum sem leiðir af starfi þeirra.
Vilja einfalda reglur
Segir í greinargerð að það sé mat
flutningsmanna tillögunnar að auka
þurfi sveigjanleika í opinberu
starfsmannahaldi og einfalda beri
reglurum starfslok ríkisstarfs-
manna.
„Eftir sem áður verður það al-
menn krafa að málefnaleg sjónar-
mið liggi til grundvallar starfslokum
og lausn frá embætti, enda tryggja
stjórnsýslulög ríkisstarfsmönnum
fullnægjandi réttarvernd í starfi,“
segir í greinargerðinni. Diljá Mist
segir í samtali við Morgunblaðið að
aðstæður á vinnumarkaði séu allt
aðrar í dag en þær voru þegar lögin
voru upphaflega samþykkt.
„Hugsunin er að bregðast við
breyttum aðstæðum og forsendum
á vinnumarkaðnum þar sem rétt-
arstaða opinberra starfsmanna hef-
ur verið styrkt, en á sama tíma hafa
kjör þeirra batnað og þeim fjölgað
mikið á undanförnum árum,“ segir
Diljá Mist.
„Réttarstaða opinberra starfs-
manna ætti því að færast nokkuð í
átt að réttarstöðu starfsmanna
einkafyrirtækja,“ bætir hún við.
Í frumvarpinu er sömuleiðis lögð
til breyting á lögunum til áréttingar
á því að skipulagsbreytingar og aðr-
ar sambærilegar aðstæður geti ver-
ið grundvöllur fyrir setningu stjórn-
enda í nýja stöðu til sex mánaða í
senn. Vísað er til setningar ráðu-
neytisstjóra í nýtt háskóla-, iðnað-
ar- og nýsköpunarráðuneyti. Um-
boðsmaður Alþingis gerði
athugasemd við setningu Ásdísar
Höllu Bragadóttur í stöðu ráðuneyt-
isstjóra í vetur og sagði að und-
anþágu frá auglýsingaskyldu bæri
að túlka þröngt.
Vill fella niður skil-
yrði um áminningu
- Auka sveigjanleika í starfsmannahaldi
Diljá Mist
Einarsdóttir