Morgunblaðið - 11.04.2022, Blaðsíða 6

Góð tilþrif sáust um helgina þegar ungir mat-
og framreiðslumenn æfðu fyrir Norrænu
nemakeppnina í faggreinum sínum. Sú verður
í Menntaskólanum í Kópavogi síðar í þessum
mánuði og þar var æft nú. Þegar að keppni
kemur mæta frá hverju norrænu landi um sig
tveir keppendur í matreiðslu og aðrir tveir í
framreiðslu. Matreiðslunemarnir útbúa meðal
annars fjögurra rétta málsverð og keppa í því
en framreiðslunemarnir í vínfræðum, borð-
skreytingu, pörun matseðla og vína og fleiru
slíku.
Keppendur Íslendinga í matreiðslu nú eru
Klara Lind Óskarsdóttir og Guðmundur Hall-
dór Bender og sjást þau á myndinni hér til
hliðar Í framreiðslu keppa Petra Sif Lárus-
dóttir og Tumi Dagur Haraldsson. Undanfarin
ár hafa íslenskir mat- og framreiðslunemar
raðað sér efstu sætin í norrænu keppninni þar
sem þátttakendur eru alls 20. sbs@mbl.is
Morgunblaðið/Óttar Geirsson
Æfðu meistara-
takta í matreiðslu
6 FRÉTTIR
Innlent
MORGUNBLAÐIÐ MÁNUDAGUR 11. APRÍL 2022
Verið velkomin
í sjónmælingu
Hamraborg 10, Kópavogi, sími 554 3200
Opið: Virka daga 9.30–18, laugardaga 11-14
Helgi Bjarnason
helgi@mbl.is
Starfshópur um orkumál á Vest-
fjörðum telur heppilegt að stefna að
því að raforkukerfi fjórðungsins
verði byggt upp að lágmarki með
einni öflugri virkjun á vestfirskan
mælikvarða, 20-50 megavött að afli.
Einnig verði byggðar fleiri minni
virkjanir. Telur hópurinn að setja
mætti það markmið að búið yrði að
byggja virkjanir með að minnsta
kosti 40 MW afli fyrir árið 2030.
Vestfirðir hafa setið eftir varðandi
afhendingaröryggi raforku og vitnar
starfshópurinn til orkustefnu með að
hann eigi að njóta forgangs um úr-
bætur. Að mati hópsins verður
markmiðið að vera það að ná hið
minnsta sambærilegu afhendingar-
öryggi og stjórnvöld hafa sett sem
viðmið fyrir landið í heild.
Þarf að auka afl innan svæðis
Það er niðurstaða starfshópsins að
til þess að bæta afhendingaröryggi á
Vestfjörðum og tryggja nægilegt afl,
ásamt því að auka kerfisstyrk, sé
nauðsynlegt að vinna að úrbótum og
verkefnum sem snerta nánast alla
hluta raforkukerfisins. Þar er átt við
meginflutningskerfið, svæðisbundna
flutningskerfið, dreifikerfið og síðast
en ekki síst orkuframleiðslu innan
svæðisins, auk jarðhitaleitar.
Verði tillögurnar að veruleika áætl-
ar hópurinn að meiriháttar straum-
leysistilfellum í þéttbýli fækki um allt
að 90% á næstu sex til sjö árum.
Tillögurnar snúa að endurnýjun og
viðbótum við flutningskerfi raforku
inn til landshlutans og innan hans. Til
að útrýma dísilknúnu varaafli verði að
auka orkuvinnslu vatnsaflsvirkjana.
Markmiðum um gott afhendingarör-
yggi verði náð með samspili uppbygg-
ingar á vatnsaflsvirkjunum og styrk-
ingar flutningskerfisins. Sérstaklega
er nefnt að tryggt verði fjármagn til
jarðhitaleitar svo hægt verði að rann-
saka til hlítar möguleika á jarðhita við
rafkyntar hitaveitur.
Tvær stórar virkjanir á vestfirsk-
an mælikvarða eru í undirbúningi í
landshlutanum, Hvalárvirkjun á
Ströndum og Austurgilsvirkjun í
Ísafjarðardjúpi. Hvalárvirkjun er í
nýtingarflokki í núgildandi ramma-
áætlun og Austurgilsvirkjun er í til-
lögum 3. áfanga rammaáætlunar
sem er til umfjöllunar á Alþingi. Þá
er EM orka langt komin með und-
irbúningsvinnu við vindorkuver í
Garpsdal í Gilsfirði. Það er í nýting-
arflokki í drögum verkefnisstjórnar
4. áfanga rammaáætlunar.
Vatnsfjarðarvirkjun í skoðun
Í tillögum starfshópsins er þó lögð
áhersla á Vatnsfjarðarvirkjun sem
Orkubú Vestfjarða hefur verið að
skoða. Til þess að hægt sé að ýta
hugmyndinni inn í umfjöllun í
rammaáætlun þarf að lyfta friðlýs-
ingarskilmálum Friðlandsins í
Vatnsfirði og leggur starfshópurinn
til að umhverfisráðherra skoði það.
Einnig leggur hópurinn til að virkjað
verði í Steingrímsfirði eins og
Orkubúið hefur verið með til athug-
unar.
Kallað eftir stórri virkjun vestra
- Friðlýsingu Vatnsfjarðar verði breytt - Vilja útrýma dísilknúnu varaafli - Undirbúa vindorkustöð
Morgunblaðið/Sigurður Bogi
Patreksfjörður Orkumálin eru í
deiglunni á Vestfjörðum nú.
Stefnt er að því að starfsemi fjögurra
ríkisstofnana sem eru með starfsemi
á Akranesi verði síðar á þessu ári flutt
undir eitt þak að
Smiðjuvöllum 28
þar í bæ. Þetta
eru starfsstöðvar
Vinnueftirlitsins,
Vinnumálastofn-
unar og Sýslu-
mannsins á Vest-
urlandi – og svo
Landmælinga Ís-
lands en höfuð-
stöðvar þeirra eru
sem kunnugt er á
Skaganum. Þá hefur bæjarráð Akra-
ness samþykkt að leigja pláss í um-
ræddu húsi fyrir starfsemi Fjöliðj-
unnar, vinnustaðar fyrir fatlaða.
Landmælingar Íslands (LMÍ) hafa
verið til húsa í Stillholti 16-18 á Akra-
nesi allt frá flutningi stofnunarinnar á
Akranes árið 1999. Fyrir nokkru
komu rakaskemmdir í þeirri bygg-
ingu í ljós og var starfsemi bæjar-
skrifstofanna á Akranesi og eins af-
greiðsla Skattsins, sem einnig voru í
húsinu, flutt annað. Starfsemi Land-
mælinga er enn í byggingunni, en
þrengt hefur verið að 24 starfsmönn-
um, og nokkrir sinna verkum sínum
að mestu frá heimilum sínum nú. Gert
er ráð fyrir að stofnunin verði komin á
nýjan stað við Smiðjuvelli undir lok
ársins.
Gunnar H. Kristinsson er um þess-
ar mundir settur forstjóri Landmæl-
inga Íslands. Hann tók við starfinu 1.
janúar sl. og gegnir því þetta árið, eða
á sama tíma og Eydís Líndal Finn-
bogadóttir, skipaður forstjóri, stýrir
starfsemi Náttúrufræðistofnunar Ís-
lands.
Stofnun á tímamótum
„Í raun er starfsemi Landmælinga
Íslands í dag á tímamótum,“ segir
Gunnar. Í því sambandi getur hann
þess að forsvarmenn LMÍ hafi síðasta
áratuginn eða svo óskað eftir því að
stofnunin verði sameinuð stærri ein-
ingu eða stækkuð með tilfærslu verk-
efna. Augljóst hagræði sé að slíku og
nú sé svo komið að smæð torveldi um
margt starfsemi LMÍ. Miklar og vax-
andi kröfur séu gerðar til opinberra
stofnana hvað varðar skýrslugjöf og
skyldur ýmiss konar, óháð stærð
þeirra. Mikill tími fari í þessa vinnu,
sem væri hin sama eða svipuð í stærri
stofnun. Megi í því sambandi benda á
að LMÍ og Náttúrufræðistofnun Ís-
lands vinni að ýmsum sambærilegum
verkefnum en einnig megi benda á að
í flestum löndum sem við berum okk-
ur við séu korta- og fasteignastofn-
anir sameinaðar. Bylting í fjarfunda-
tækni geri það svo að verkum að
öflugur vinnustaður geti áfram dafn-
að á Akranesi þó að hann tilheyri
stærri einingu.
Fjórar undir sama þak
Morgunblaðið/Árni Sæberg
Akranes Uppstokkun í rekstri opinberra stofnana í bænum er fram undan.
Gunnar H.
Kristinsson
- Ríkisstofnanir á Akranesi fara á Smiðjuvelli - Landmæl-
ingar Íslands á tímamótum - Stjórnendur vilja sameiningu
Tvö mál sem bæði snúa að ríkinu hafa aukið óvissu við þann undirbúning
að byggingu Hvalárvirkjunar sem staðið hefur í mörg ár. Það eru annars
vegar nýjar kröfur óbyggðanefndar um að stór hluti Ófeigsfjarðarheiðar
og þar með vatnsréttindi virkjunarinnar verði þjóðlenda og hins vegar
áform umhverfisráðuneytisins um friðun fossa í ánum.
Ásbjörn Blöndal, formaður stjórnar VesturVerks, skýrði frá þessum
áskorunum sem bæst hefðu við aðrar hefðbundnari, þegar hann kynnti
stöðu undirbúnings á orkuráðstefnu á Ísafirði. Benti hann á að fyrirtækið
hefði unnið að undirbúningi og varið um 700 milljónum króna í virkjunar-
kost sem Alþingi hefði talið henta betur en aðra kosti sem verkefnis-
stjórn rammaáætlunar mat. Með kröfu um friðun fossa væru opinberar
stofnanir að reyna að koma í veg fyrir nýtingaráform Hvalárvirkjunar sem
hann sagði sérkennilegt í ljósi afgreiðslu Alþingis.
Stofnanir vinna gegn Alþingi
HVALÁRVIRKJUN
Í hart gæti farið í Hvalfirði í dag þangað sem fólk úr Samtök hernaðar-
andstæðinga ætlar að koma og huga að kræklingi í fjörum, á sama tíma og
bandarískir hermenn á æfingunni Norðurvíkingi hyggjast æfa þar land-
göngu. Í tilkynningu frá hernaðarandstæðingum segir að vonandi þvælist
hermenn ekki fyrir þeim. Raunar beina þeir til skipuleggjenda Norðurvík-
ings þeirri ósk að breyta áherslum sínum og snúa sér frekar að því að tína
sjávarfang en stunda stríðsleik – eins og þeir kalla æfinguna.
Í ljósi þess að Matvælastofnun hefur varað við neyslu kræklings úr Hval-
firði vegna eiturefna segja Samtök hernaðarandstæðinga að svo geti farið
að sjávarfangið verði ekki tínt. Verði því í staðinn kannað með sölvafjörur
á svæðinu og skarfakál.
Kanna kræklingafjörur á heræfingu