Morgunblaðið - 06.05.2022, Blaðsíða 4

4 FRÉTTIR
Innlent
MORGUNBLAÐIÐ FÖSTUDAGUR 6. MAÍ 2022
Smiðjuvegi 34 • gul gata Kópavogi • biljofur@biljofur.is
Viðgerðir // Bilanagreining // Varahlutir // Smurþjónusta
Sérhæfð þjónusta fyrir
Rótgróið fyrirtæki, starfrækt frá 1992
544 5151
tímapantanir
Íbúum Mosfellsbæjar mun fjölga um
70% með uppbyggingu á Blikastaða-
landi, en samningur milli bæjarins og
landeiganda var undirritaður í gær.
Eigandi landsins er dótturfélag Arion
banka.
Samningurinn er að sögn bæjar-
stjórans stærsti uppbyggingar-
samningur sem sveitarfélag hefur
gert við landeiganda frá upphafi. Með
honum er grunnurinn lagður að upp-
byggingu hátt í 3.700 íbúða sem er
áætlað að muni hýsa níu þúsund íbúa.
Í dag búa um 13.000 manns í Mos-
fellsbæ. Fram undan er skipulags-
vinna á svæðinu sem felur í sér und-
irbúning breytinga á aðalskipulagi og
í kjölfar þess gerð deiliskipulags.
Blikastaðaland er á sveitarfélaga-
mörkum við Reykjavík og afmarkast
af golfvelli Golfklúbbs Mosfellsbæjar
í norðri, Korpúlfsstaðavegi og Vest-
urlandsvegi í suðri, núverandi byggð í
Mosfellsbæ í austri og Úlfarsá í
vestri.
Alls er svæðið um 87 hektarar, en
þar af er gert ráð fyrir að nýtanlegt
land til uppbyggingar nýs íbúða- og
atvinnusvæðis sé um 80 hektarar.
Nú hefst skipulagsvinna og verður
verkið svo boðið út í þremur til fimm
áföngum. Búist er við að fram-
kvæmdir hefjist árið 2024 þannig að
fyrstu íbúar flytji inn árið 2026.
Uppbyggingin kallar á talsverða
eflingu í innviðum, en í Blikastaða-
landi er áætlað að tveir grunnskólar
muni rísa auk íþróttamannvirkis. Í
dag mun Mosfellsbær skrifa undir
samning við Reiti um uppbyggingu
89 þúsund fermetra svæðis undir at-
vinnuhúsnæði sunnan við Korpúlfs-
staðaveginn.
Gert ráð fyrir 9.000
manns í 3.700 íbúðum
Undirritun Þorgerður Arna Ein-
arsdóttir og Haraldur Sverrisson
skrifuðu undir samninginn.
- Samið um
uppbyggingu á
Blikastaðalandi
Guðni Einarsson
gudni@mbl.is
„Þetta eru skemmtilegar nið-
urstöður og skýra margt,“ segir
Þorvaldur Þórðarson, prófessor í
eldfjallafræði við
Háskóla Íslands,
um fræðigrein
Ólafs G. Flóvenz
og fleiri sem
greint var frá í
Morgunblaðinu í
gær. Þar kom
m.a. fram að lík-
lega hafi háþrýst
kvikugas valdið
landrisi þrívegis í
Svartsengi og einu sinni í Krýsuvík
2020 og það verið fyrirboði eldgoss-
ins í Geldingadölum.
Þorvaldur segir gasið sem olli
landrisinu 2020 hafa losnað úr kvik-
unni á 10-14 km dýpi, jafnvel dýpra,
sem sýnir að kvikan var þá þegar
komin undir Fagradalsfjall.
„Þegar skjálftahrinan fer af stað
2021 opnast efri hluti jarðskorp-
unnar og kvikan finnur sér leið upp,“
segir Þorvaldur. „Þegar við skoðum
hvernig afgösun var í eldgosinu þá
var koltvísýringurinn alltaf stöðugur
og kom alltaf óháð því hvernig gosið
hagaði sér. Brennisteinninn kom
hins vegar út í hrinunum. Það er
eins og þessi tvö gös hafi ekki komið
frá sama stað. Brennisteinninn
fylgdi kvikunni en koltvísýringurinn
var eins og jafnara bakgrunnsflæði.“
Stór kvikutankur
Þorvaldur telur að áætlun um 2-9
km3 af kviku djúpt undir Fagradals-
fjalli út frá losun koltvísýrings sé
síst ofáætlun. „Mér finnst þetta vera
mjög hógvært mat á stærð kviku-
tanksins. Ég mundi halda að þetta
séu lágmarkstölur og að kvika hafi
safnast víða undir Reykjanesinu í
tanka sem gætu verið af þessari
stærðargráðu,“ segir Þorvaldur.
Hann segir að niðurstaða rann-
sóknarinnar, sem greinin fjallar um,
hjálpi mönnum að skilja hvernig
kvikan fer þaðan sem hún myndast
við hlutbráðnun úr möttlinum, kem-
ur sér fyrir á ákveðnu dýpi og þróast
þar til hún finnur sér leið til yfir-
borðs.
„Ef þetta er rétt þá getur gaspúls
sem veldur afmyndun á yfirborði eða
óeðlilega mikið útstreymi koltvísýr-
ings verið nokkuð sterkur fyrirboði
eldgoss,“ segir Þorvaldur.
Taka verður tillit til eldvirkni
- En hvaða lærdóm má draga af
þessu varðandi uppbyggingu innviða
og byggðaþróun á Reykjanesskaga?
„Það verður að taka tillit til mögu-
legrar eldvirkni þegar við skipu-
leggjum byggð og innviði. Það er
ekki nóg að byggja bara einn góðan
veg. Við þurfum að leggja tvo góða
vegi þannig að ólíklegt sé að báðir
fari í einu. Sama gildir um raflínur,
lagnir fyrir heitt og kalt vatn. Það
þurfa að vera varaleiðir.
Það er ekki heldur nóg að vera
með bara einn alþjóðaflugvöll. Þeir
þurfa að vera tveir og nógu langt á
milli þeirra svo hægt sé að tryggja
öruggar flugsamgöngur þótt annar
teppist. Ég nefni til dæmis Suður-
landsundirlendið eða Egilsstaði sem
staðsetningu hins flugvallarins. Það
er ekki nóg að hugsa þessa hluti ein-
ungis út frá byggðasjónarmiðum eða
umhverfissjónarmiðum. Það þarf
líka að taka tillit til mögulegrar nátt-
úruvár við uppbyggingu byggðar og
innviða. Það vantar opna umræðu
um þetta,“ segir Þorvaldur.
Kvika mögu-
lega víða undir
Reykjanesi
- Taka þarf tillit til hættu á náttúrvá
við skipulagningu byggðar og innviða
Morgunblaðið/Einar Falur
Fagradalsfjall Mikið útstreymi
koltvísýrings getur boðað eldgos.
Þorvaldur
Þórðarson
Höskuldur Daði Magnússon
hdm@mbl.is
„Það lítur allt mjög vel út fyrir sum-
arið. Það er víðast hvar orðið meira
og minna uppselt hjá okkur yfir há-
önnina,“ segir Davíð Torfi Ólafsson,
framkvæmdastjóri Íslandshótela,
sem reka 17 hótel um allt land.
Útlit er fyrir mikið annríki í ferða-
þjónustunni í sumar. Viðmælendur
Morgunblaðsins segjast margir
finna lykt af þeirri stemningu sem
var á árunum fyrir Covid þótt aug-
ljóst sé að um aðeins vægari útgáfu
sé að ræða en var þegar mest lét.
Davíð segir að sama hvert er litið
sé bókunarstaðan góð. „Auðvitað er
það þannig að heitustu svæðin á
landinu eru komin lengra. Það er
svolítið síðan þau voru orðin vel full
en yfir hásumarið er þetta orðið
rosalega þétt á öðrum stöðum líka.
Það getur orðið erfitt að finna hótel-
herbergi í júlí og ágúst, alveg sama
hvar þú kemur niður á landinu. Bók-
unarstaðan er góð inn í veturinn
líka.“
Davíð segir enn fremur að 90%
bókana séu frá erlendum ferða-
mönnum. Sökum góðrar bókunar-
stöðu gefst ekkert svigrúm til að
bjóða upp á tilboðspakka fyrir Ís-
lendinga á faraldsfæti líkt og gert
hefur verið tvö síðustu sumur.“
Góðir ferðamenn frá Evrópu
Unnur Svavarsdóttir, fram-
kvæmdastjóri ferðaskrifstofunnar
GoNorth, sem sérhæfir sig í pakka-
ferðum fyrir útlendinga, segir að
sumarið verði það stærsta í sögu
fyrirtækisins sem stofnað var árið
2010. „Það er allt að verða fullbókað.
Gisting á mörgum svæðum er alveg
búin í júní, júlí og ágúst og það er
verulegur skortur á bílaleigubílum
frá því í maí og fram til ágústloka,“
segir Unnur sem nefnir að erfitt sé
orðið að fá gistingu allt frá Vík aust-
ur í Höfn, í kringum Egilsstaði, Mý-
vatn, á Vestfjörðum og vestur á
Snæfellsnesi.
„Við eigum von á miklum fjölda
ferðamanna í sumar og þótt heild-
arfarþegafjöldi til Íslands verði
kannski ekki eins mikill og hann var
mestur verður þetta mjög stórt sum-
ar. Asíumarkaður er ekki að koma
hingað í ár. Ég finn ekki sjálf fyrir
því en ég hugsa að þegar við skoðum
tölfræðina eftir sumarið út frá ferða-
mönnum frá Mið-Evrópu verði árið
áreiðanlega jafn stórt og 2016, ef
ekki stærra. Ferðamenn þaðan
horfa til þess að Ísland er öruggt,
hér er ekki stríð og heilbrigðiskerfið
er sterkt út frá Covid-sjónarmiðum.
Þessir ferðamenn sem við fáum eru
góðir. Þeir stoppa lengi, þeir borða
vel og drekka vín á veitingastöðum.
Það verður mikið álag á ferðaþjón-
ustuna í sumar.“
Unnur segir að í ljósi stöðunnar sé
starfsfólk GoNorth farið að horfa
fram á veginn. „Í sölunni erum við
farin að leggja áherslu á næsta vetur
og farin að selja næsta sumar, 2023.“
Bóka með stuttum fyrirvara
„Við miðum okkur mjög mikið við
árið 2019 og ég get sagt að við erum
komin með töluvert fleiri bókanir nú
en þá,“ segir Sigfús B. Sigfússon,
forstjóri bílaleigunnar Hertz.
„Það sem við erum líka að sjá er
að leigulengdin er að aukast. Fólk
ætlar greinilega að stoppa lengur en
áður, sem er gott. Helsta gleðiefnið
er svo að sjá hversu mikið er bókað
inn í haustið, í september og októ-
ber.“
Hildur Ómarsdóttir, aðstoðar-
framkvæmdastjóri Icelandairhótela,
segir að nú standi yfir undirbúning-
ur fyrir annasamt sumar, verið sé að
ráða inn starfsfólk og koma öllu í
stand. „Heilt yfir landið er vel bókað
alls staðar þar sem við erum í
rekstri. Bókunarmynstur hafa
breyst og fólk bókar með styttri
fyrirvara en áður var. Við teljum að
það sé komið til að vera, um sinn alla
vega.“
Tækifæri til að byggja
upp, ekki bara mjólka
Hildur segir að af samskiptum við
erlenda aðila að dæma séu bókanir
ekki komnar á sama skrið annars
staðar og þær eru hér á landi.
„Þetta lítur bara svakalega vel út.
En nú er mikilvægt að við göngum
hægt um gleðinnar dyr og tökum
ekkert sem sjálfsagðan hlut eða að
það sé komið til að vera. Nú ríður á
að vanda sig því þessi mikla aukning
er fyrst og fremst mikið og jákvætt
markaðsafl. Þetta er risastórt skref í
markaðssetningu á Íslandi eftir erf-
iða tíma og þar með tækifæri til að
byggja hér upp, ekki bara mjólka.
Við þurfum að veita framúrskarandi
þjónustu,“ segir Hildur.
Morgunblaðið/Eggert
Ísland Erlendir ferðamenn munu streyma til landsins í sumar.
Erfitt orðið að finna
hótelherbergi í sumar
- Annríki í ferðaþjónustu - Tækifæri til markaðssetningar