Morgunblaðið - 06.05.2022, Blaðsíða 32

Dúettinn Sycamore Tree
frumsýnir verkið Clouds á
HönnunarMars. Verkið er
upplifunarhönnun, samspil
tónverks sem er algerlega
byggt á röddum og mynd-
verki sem myndar samspil
skilningarvitanna og myndar
eina heild í upplifun áhorf-
andans á verkinu, eins og
segir í tilkynningu og er það afrakstur samstarfs
Gunna Hilmars og Ágústu Evu sem skipa Sycamore
Tree og tónlistarkonunnar Helgu Marz. „Helga nálgast
verkið með það í huga að ná til margra og ólíkra radd-
þátta, en röddin sem hljóðfæri hefur einstakt lag á að
ýta við fólki. „Clouds“ er því raddheimur í íslensku um-
hverfi og hljóðheimi,“ segir í tilkynningu. Verkið verður
sýnt í Kaldalóni í Hörpu í dag, 6. maí, á hálftíma fresti á
heila og hálfa tímanum frá kl. 10 til 16. Ari Ísfeld leikari
kemur fram í myndbandinu og Þorsteinn J sá um eftir-
vinnslu. Aðgangur er ókeypis og um kvöldið verða
haldnir tónleikar sem hefjast með flutningi verksins.
Sycamore Tree frumsýnir Clouds
FÖSTUDAGUR 6. MAÍ 126. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Valur vann öruggan sigur á Selfossi í annarri viðureign
liðanna í undanúrslitum Íslandsmóts karla í handknatt-
leik á Selfossi í gærkvöldi, 35:29, og leiðir þar með í
einvíginu, 2:0.
Þrjá sigra þarf til þess að tryggja sér sæti í úr-
slitaeinvíginu og Valsmenn því í kjörstöðu. »26
Valur í kjörstöðu eftir annan sigur
ÍÞRÓTTIR MENNING
Ragnheiður Birgisdóttir
ragnheidurb@mbl.is
Matreiðslumeistarinn Rúnar Pierre
Heriveaux stóð uppi sem sigurveg-
ari í keppni sem Klúbbur
matreiðslumeistara stóð fyrir um
síðustu helgi. Þar hlaut Rúnar tit-
ilinn Kokkur ársins 2022.
Hann segir tilfinninguna gríðar-
lega góða. „Ég hafði mikla trú á mér
og leið vel. Ég hafði auðvitað tekið
þátt í kepninni áður og tapað. Mér
fannst vera ákveðin pressa að vinna
núna, á góðan hátt samt.“ Hann hafi
því fundið fyrir ákveðnum létti.
Þeir fimm sem tóku þátt í aðal-
keppninni áttu að matreiða þriggja
rétta máltíð; löngu, hörpuskel og
ígulker í forrétt og lambahrygg og
lambabóg í aðalrétt. Svo voru viss
hráefni sem matreiðslumeistararnir
höfðu frjálsar heldur með í hvaða
réttum þeir kæmu þeim fyrir. Þeirra
á meðal var íslenskt wasabi, sem
Rúnar hafði í eftirréttinum.
Keppnin fór fram í miðri IKEA-
versluninni þar sem búið var að
koma fyrir sérstökum keppnis-
eldhúsum. Þar var stríður straumur
fólks meðan á keppninni stóð.
„Ég er heppinn að því leyti að ég
vinn inni á veitingastað þar sem
maður eldar fyrir framan gesti, svo
ég er vanur að hafa fólk fyrir framan
mig og spjalla við það. Ég held mér
hafi aldrei liðið jafn vel í keppni.“
„Ég þoldi þetta ekki“
Rúnar er yfirkokkur á veitinga-
staðnum ÓX, sem er inn af veitinga-
staðnum Sumac. Það er sérstök upp-
lifun að tryggja sér eitt af ellefu
sætunum á staðnum. Átján til tutt-
ugu rétta matseðillinn er stöðugt í
þróun. „Þú kaupir miða inn á sýn-
inguna og í því er innifalin vínpörun.
Þú veist í rauninni ekkert hvað þú
ert að fara út í.“
Rúnar segir að sér þyki skemmti-
legast að vinna með það sem er nýj-
ast á markaðnum og það geti breyst
milli vikna. Þessi nýjungagleði Rún-
ars sést á matseðlinum á ÓX. Núna
segir hann að uppáhaldshráefnið sé
íslenska wasabiið og það sé að finna í
ýmsum útfærslum í heilum sjö rétt-
um á matseðlinum.
Rúnar byrjaði í bransanum árið
2013 þegar móðir hans hvatti hann
til þess. „Hún fékk nóg af því að ég
gerði aldrei neitt svo hún plataði mig
til að fara á samning í Bláa lóninu,
hjá Viktori og Inga, og þar kynntist
ég Þráni sem á Sumac.“
Til að byrja með var hann ekki
spenntur fyrir starfinu. „Ég þoldi
þetta ekki fyrstu mánuðina.“ Það
var ekki fyrr en hann tók þátt í
nemakeppni og vann hana og Viktor
yfirmaður hans varð Kokkur ársins
sem honum fór að þykja starfið
spennandi. „Ég var í íþróttum og
þegar ég sá að það var hægt að vinna
eitthvað þá kom áhuginn.“
Eftir að hafa sigrað í kokkakeppn-
inni hér heima segir Rúnar að Norð-
urlandakeppnin sé næsta verkefni.
Morgunblaðið/Kristinn Magnússon
Nýjungaglaður Verðlaunakokkurinn Rúnar Pierre Heriveaux í eldhúsinu á veitingastaðnum ÓX.
Skemmtilegt að vinna
með íslenskt wasabi
- Rúnar Pierre Heriveaux hlaut titilinn Kokkur ársins