Morgunblaðið - 10.05.2022, Blaðsíða 4

4 FRÉTTIR
Innlent
MORGUNBLAÐIÐ ÞRIÐJUDAGUR 10. MAÍ 2022
Auglýsing
um framlagningu kjörskrár og tilnefningar vegna kosningar vígslu-
biskups á Hólum, sbr. 9. og 11. gr. starfsreglna um kosningu biskups
Íslands og vígslubiskupa nr. 9/2021-2022.
Kjörskrá vegna kosningar vígslubiskups á Hólum hefur verið samþykkt og verður lögð
fram 6. maí 2022. Viðmiðunardagur skilyrða kosningarréttar er 28. apríl 2022.
Kjósandi getur kannað á þar til gerðu vefsetri https://kirkjan.is/vígslubiskup/kjörskrá hvort nafn hans
er á kjörskrá. Við aðgang að vefsetrinu er notuð almenn innskráningarþjónusta, s.s. rafræn skilríki eða
Íslykill. Athugasemdir vegna kjörskrár skulu berast kjörstjórn eigi síðar en fimm sólarhringum áður en
tilnefning hefst. Athugasemdir skulu sendar á netfangið kirkjan@kirkjan.is.
Tilnefningin verður rafræn. Hún hefst kl. 12:00 þann 19. maí 2022 og lýkur kl. 12:00 þann
24. maí 2022. Heimilt er að tilnefna allt að þrjá einstaklinga sem uppfylla kjörgengisskilyrði skv. 1. gr.
ofangreindar starfsreglna.
Rétt til að tilnefna hafa vígðir einstaklingar sem kosningarréttar njóta auk leikmanna á kirkjuþingi, þ.e.:
• Þjónandi prestar eða djáknar íslensku þjóðkirkjurnar er tilheyra prófastsdæmum sem eru í
Hólaumdæmi.
• Þjónandi prestar eða djáknar sem lúta tilsjónar biskups Íslands og eru í föstu og launuðu starfi á vegum
stofnunar og/eða félagasamtaka hér á landi og sem starfa í Hólaumdæmi.
• Kirkjuþingsmenn.
• Vígðir kennarar í föstu starfi við guðfræði- og trúarbragðafræðideild Háskóla Íslands.
• Vígðir starfsmenn á biskupsstofu sem eru í föstu starfi.
Áætlað er að kosning vígslubiskups á Hólum hefjist kl. 12:00 þann 23. júní 2022 og ljúki kl. 12:00 þann
30. júní 2022.
Reykjavík, 6. maí 2022.
f.h. kjörstjórnar þjóðkirkjunnar,
Anna M. Karlsdóttir, formaður.
Ómar Friðriksson
omfr@mbl.is
Rekstur ÁTVR í fyrra einkenndist
af faraldri kórónuveirunnar líkt og á
árinu á undan. Þó minnkaði selt
magn af áfengi í lítrum talið á síð-
asta ári frá árinu á undan eða um
1,6% en ÁTVR seldi áfengi fyrir
tæpa 40 milljarða í fyrra og tóbak
fyrir rúmlega ellefu milljarða að
virðisaukaskatti meðtöldum. Í annað
skipti í 100 ára sögu ÁTVR fór árs-
veltan yfir 50 milljarða en á árinu
2020 fór sölu-
aukningin langt
fram úr öllum
áætlunum og
heildarveltan í
fyrsta skipti yfir
50 milljarða.
Í fyrra var
fjöldi við-
skiptavina 5,5
milljónir og
fækkaði þeim frá
fyrra ári um 0,6%.
Ívar J. Arndal, forstjóri ÁTVR,
segir í formála nýútkominnar árs-
skýrslu ÁTVR að breyttar lífsvenjur
á tímum faraldursins hafi haft í för
með sér að verslun yfir netið varð al-
mennari og að í faraldrinum hafi
vefverslun endanlega fest sig í sessi
sem viðurkenndur verslunarmáti.
Afhenda áfengi hverjum sem er
Ívar fjallar ítarlega um einka-
reknar vefverslanir með áfengi sem
komu fram á sjónarsviðið og segir
að þessar verslanir hafi fengið að
starfa óáreittar „þrátt fyrir að flest-
ir séu sammála um að fyrir þeim sé
ekki heimild í lögum og rekstur
þeirra stangist á við einkaleyfi
ÁTVR. Vefverslanirnar afhenda
áfengi hverjum sem er þrátt fyrir
ákvæði laga um að ekki megi af-
henda og selja áfengi þeim sem eru
yngri en 20 ára. Einnig eru þær
opnar allan sólarhringinn þrátt fyrir
ákvæði laga um lögbundinn opn-
unartíma áfengisverslana,“ segir í
formálanum.
Fullyrðir hann að ef vefverslun
einkaaðila með áfengi verði leyfð á
Íslandi sé smásala áfengis innan-
lands í raun gefin frjáls og það leiði
af sér afnám einkaleyfis ÁTVR. Í
þessu máli sé engin millileið til. „Það
er einfaldlega ekki hægt að vera
með frjálsa samkeppni og einkasölu
á sömu vöru á sama tíma. Slíkt fyrir-
komulag brýtur bæði gegn íslensk-
um samkeppnislögum og Evrópu-
rétti,“ segir Ívar. Ef einkaaðilum sé
leyft að selja áfengi yfir netið sé sú
sala í beinni samkeppni við einkasöl-
una, þá væri búið að opna fyrir
markaðslögmálin með tilheyrandi
samkeppni, verðstríði og söluhvöt-
um í beinni andstöðu við meginatriði
gildandi áfengisstefnu.
„Verði netverslun einkaaðila á
áfengi leyfð mun aðgengi að áfengi
gjörbreytast. Það verður alltaf inn-
an seilingar á öllum tímum sólar-
hringsins alla daga ársins. Með inn-
leiðingu einkahagsmuna í smásölu
áfengis er verið að víkja af braut
ábyrgrar áfengisstefnu sem fylgt
hefur íslensku þjóðinni í heila öld.
Áfengisstefnu sem skilað hefur
þjóðinni heilbrigðum ungmennum,
minni áfengisneyslu, betri lýðheilsu
og almannaheill,“ segir m.a. í for-
mála forstjóra ÁTVR.
Fram kemur í ársskýrslunni að
hagnaður ÁTVR í fyrra var rúmir
1,6 milljarðar kr. (var 1,8 milljarðar
2020), og var greiddur 500 milljóna
kr. arður í ríkissjóð. Alls voru tekjur
ríkissjóðs af áfengis- og tóbaks-
gjöldum, virðisaukaskatti og arð-
greiðslu tæpir 30 milljarðar í fyrra.
Sala jókst í fyrra á sterku áfengi um
12% en salan dróst saman um 2,8% í
léttvíni og 2,2% í bjór. Sala tóbaks
skilaði 9.372 milljónum króna án
virðisaukaskatts en hún minnkaði
um 7,5% milli ára. Dróst sala tóbaks
saman í öllum flokkum í fyrra, sala á
neftóbaki var tæplega 35% minni í
magni en árið á undan og sala á síg-
arettum minnkaði um tæp 7% á milli
ára.
Starfsfólk í Vínbúðunum er þjálf-
að í að spyrja viðskiptavini um skil-
ríki til að tryggja að viðskiptavinir
hafi náð 20 ára aldri. Til að bæta eft-
irlitið er á hverju ári farið í huldu-
heimsóknir þar sem fólk á aldrinum
20-24 ára fer í búðirnar og skilar svo
niðurstöðum um hvort það þurfti að
framvísa skilríkjum. Árangurinn var
nokkru lakari í fyrra og færri spurð-
ir um skilríki en á árunum á undan
eða 75% sem er töluvert undir
markmiðinu sem er 90%. Á árinu
2019 var árangur hulduheimsókn-
anna 83% en fór niður í 78% á árinu
2020 og 75% 2021 eins og fyrr segir.
Í fyrra voru seldir 79.093 fjölnota
pokar í vínbúðunum sem er 20,6%
aukning frá árinu á undan.
Yfir 50 milljarða velta
ÁTVR annað árið í röð
- 1,6% minni sala áfengis - 7,5% minni tekjur af tóbaki
Morgunblaðið/Heiddi
Áfengi Flestir viðskiptavinir á einum degi, tæplega 44 þúsund, heimsóttu
Vínbúðirnar 31. mars í fyrra, sem var miðvikudagurinn fyrir páskahelgina.Ívar J. Arndal
Guðni Einarsson
gudni@mbl.is
Samorkuþing, stærsta ráðstefna í
orku- og veitugeiranum á Íslandi,
hófst í Hofi á Akureyri í gærmorgun
og lýkur í kvöld. Þar munu 130 fyr-
irlesarar flytja jafn mörg erindi um
hin ýmsu viðfangsefni orku- og veitu-
fyrirtækja. Kynjahlutföll eru jöfn í
hópi fyrirlesaranna, sem telst til tíð-
inda í þessum geira. Auk fyrirlestra
og ávarpa er haldin vöru- og þjón-
ustusýning á staðnum. Skráðir þátt-
takendur eru 500 og koma frá stóru
orku- og veitufyrirtækjunum og
einnig frá minni veitufyrirtækjum
víða um land.
Sigurður Ingi Jóhannsson innviða-
ráðherra sagði í ávarpi sínu í Hofi að
leið Íslendinga til að takast á við
loftslagsmálin væri m.a. með grænni
orku. Áskorunin væri augljóslega sú
að til að leysa loftslagsmálin þyrfti
meiri græna orku. Öll Norðurlöndin
legðu áherslu á það og sama gilti hér
á Íslandi. Einnig nefndi hann fyrir-
liggjandi verkefni eins og að ljúka við
að afgreiða 3. áfanga rammaáætl-
unar, setja skýrari ramma um hvern-
ig við nýtum vindorkuna í sátt og eins
um flutningskerfi raforku og fleira.
„Við þurfum að vanda okkur og
gera þetta í eins mikilli sátt við allt og
alla og hægt er. En við megum ekki
sofna á verðinum og missa af því
tækifæri að verða sjálfbær og að við-
halda orkusjálfstæði okkar,“ sagði
Sigurður Ingi í viðtali við Morgun-
blaðið.
Guðlaugur Þór Þórðarson ráð-
herra umhverfis-, orku- og loftslags-
mála rifjaði upp í ávarpi sínu gerð
grænbókarinnar, skýrslu um stöðu
og áskoranir Íslands í orkumálum, og
þakkaði öllum sem komu að því
verki. Meginniðurstaða hennar væri
að í gegnum loftslagsmarkmið Ís-
lands þyrfti að móta betur orkufram-
leiðslu og -flutning sem eru grunnur
að framfylgd orkuskipta.
Guðlaugur sagði nauðsynlegt að
höggva á þá hnúta sem verið hefðu í
meðferð rammaáætlana, eða að finna
annað fyrirkomulag sem leiddi til
bættrar málsmeðferðar um orku-
framkvæmdir.
Morgunblaðið/Margrét Þóra
Sýning Auk 130 erinda er haldin vöru- og þjónustusýning í Hofi.
Leysa þarf orku-
málin úr viðjum
- Samorkuþing haldið á Akureyri
Hof Sigurður Ingi Jóhannsson inn-
viðaráðherra ávarpaði ráðstefnuna.
Borgarráð hefur heimilað um-
hverfis- og skipulagssviði Reykja-
víkur að bjóða út framkvæmdir
vegna stígagerðar og gerðar út-
sýnispalls við Eiðsgranda og Ána-
naust.
Kostnaðaráætlun fyrir verkið er
150 milljónir króna. Áætlað er að
framkvæmdir hefjist í júní og að
þeim ljúki í september 2022. Verk-
ið hefur þegar verið boðið út og er
tilboðsfrestur til 23. maí.
Framkvæmdin felur í sér að end-
urgera göngustíga og hluta hjóla-
stígs meðfram nýendurgerðum sjó-
varnagarði við Eiðsgranda og
Ánanaust. Auk þess verður byggð-
ur nýr útsýnispallur til móts við
JL-húsið. Sömuleiðis verða útbúnir
nokkrir áningarstaðir með bekkj-
um meðfram stígnum. Loks verða
sett upp minjaskilti um Ufsaklett
og Ánanaust. Þessar framkvæmdir
munu hefjast í kjölfar þess að end-
urgerð sjóvarnagarðs á svæðinu
lýkur seinna í þessum mánuði.
Borgarráðsfulltrúar Sjálfstæðis-
flokksins lögðu fram svohljóðandi
bókun: „Hér eru stigin jákvæð
skref í að bæta aðgengi að vestur-
ströndinni í Reykjavík sem hefur
verið mjög torfær og lokuð. Rétt
væri að skoða næstu skref þannig
að hægt verði að njóta sjávarins,
útsýnisins og skjóls með því að fara
niður fyrir sjóvarnagarðinn með
skipulegum og öruggari hætti en
nú er hægt.“ sisi@mbl.is
Nýr útsýnispallur
við Eiðsgrandann
Vesturbærinn Hinn nýi útsýnispallur verður byggður fyrir framan JL-húsið.