Morgunblaðið - 19.05.2022, Síða 4

4 FRÉTTIR
Innlent
MORGUNBLAÐIÐ FIMMTUDAGUR 19. MAÍ 2022
Höskuldur Daði Magnússon
hdm@mbl.is
„Þetta er náttúrlega alveg ferlegt en
þetta er samt bara fyrsta dómstig,“
segir Hjörleifur Valsson, fiðluleikari
og varaformaður stjórnar íslenska
safnaðarins í Noregi. Fyrir helgi
sýknaði héraðsdómur í Ósló ráðu-
neyti barna- og fjölskyldumála í máli
sem íslenskir, sænskir og finnskir
þjóðkirkjusöfnuðir í Noregi höfðuðu
til að fá greidd rétt sóknargjöld fyrir
árin 2017-2019.
Eins og komið hefur fram í Morg-
unblaðinu snerist málið um reglur
um skráningu í trúfélög í Noregi sem
tóku gildi í byrjun árs 2016. Sú
breyting var þá gerð að öll trúfélög
þurfa að fá samþykki í Noregi fyrir
skráningu sóknarbarna, óháð skrán-
ingu þeirra í heimalandinu. Fram að
því höfðu Íslendingar sem skráðir
eru í þjóðkirkjuna sjálfkrafa verið
skráðir í íslenska söfnuðinn við flutn-
ing til Noregs. Því þurfti að hafa
samband við alla Íslendinga í land-
inu, skrá þá á ný og við það tapaði
söfnuðurinn miklum sóknargjöldum.
Breytingin á skráningu 2016 olli
heilmiklum tekjusamdrætti hjá ís-
lenska söfnuðinum í Noregi. Fækka
þurfti stöðugildum og draga veru-
lega úr starfsemi. Þá var um tíma
hugleitt að selja Ólafíustofu í Ósló,
sem gegnir svipuðu hlutverki og
Jónshús í Kaupmannahöfn.
„Við erum með ofsalega góða lög-
fræðinga sem voru vel undirbúnir og
fluttu málið vel. Nú munum við halda
fund og ráða ráðum okkar með þeim
um framhaldið,“ segir Hjörleifur við
Morgunblaðið.
„Fyrir okkur er þetta réttlætis-
mál. Það hefur komið fram að við
höfum staðið rétt að öllu varðandi
innheimtu á sóknargjöldum og þetta
var mikið högg fyrir söfnuðinn.“
Kirkjan tapaði
máli gegn ríkinu
- Málsókn vegna sóknargjalda í Noregi
Kirkjan Frá starfi íslenska þjóð-
kirkjusafnaðarins í Noregi í vetur.
Hvítserkur
sakamálasaga eftir Maríu Siggadóttur
Maður nokkur finnst myrtur í heimahúsi og við rannsókn
málsins blandast atburðarásin saman við smygl á eiturlyfinu
Vermaak, einhverju hættulegasta eiturlyfi sem vitað er um.
Hera Hallvarðsdóttir rannsóknarlögreglukona og félagar
hennar hafa í mörg horn að líta.
Spennusaga sem heldur lesandanum í óvissu fram á síðustu
stundu.
Tíminn sem týndist
sakamálasaga eftir Juliu Dahl
Claudia Castro er 19 ára listhneigður nýnemi í háskóla. Hún
hefur allt til að bera: fræga fjölskyldu, digran sjóð og þúsundir
fylgjenda á Instagram. Eitt örlagaríkt kvöld er henni byrlað
ólyfjan og nauðgað af tveimur karlmönnum.
Claudia Castro hyggur á hefndir.
Nýjar bækur frá
Fást í verslunum Pennans-Eymundssonar,
Forlagsins og Bóksölu stúdenta,
penninn.is, forlagid.is og boksala.is
Margrét Þóra Þórsdóttir
Akureyri
„Þetta er deyjandi íþrótt hér í
bænum, því miður höfum við enga
aðra möguleika núna en að halda
úti lágmarksstarfi fyrir okkar af-
reksfólk. Engir aðrir komast að, en
við finnum fyrir miklum áhuga og
marga langar að prófa, en að-
staðan sem við höfum nú leyfir það
því miður ekki,“ segir Alfreð Birg-
isson í bogfimideild Íþróttafélags-
ins Akurs á Akureyri.
Félagið hefur nú til umráða fjór-
ar brautir í aðstöðu Skotfélagsins í
kjallara Íþróttahallarinnar og ein-
ungis tvo tíma í senn seinnipart
virkra daga. Bogfimi hefur verið
stunduð innan Akurs í einhverjum
mæli allt frá stofnun félagsins.
Alfreð segir að árangur og
ástundun hafi um tíðina verið mis-
mikil, hún hafi ekki síst staðið og
fallið með því hve góðar aðstæður
hægt er að bjóða upp á við æfing-
ar. Um skeið voru æfingar stund-
aðar í húsnæði við Austursíðu sem
nú er Norðurtorg. Á þeim árum
var mikill vöxtur í greininni, enda
aðstaða góð að sögn Alfreðs. „Mik-
ill metnaður var lagður í að byggja
greinina upp og voru iðkendur á
bilinu 70 til 80 talsins. Árangur lét
ekki á sér standa; innan félagsins
kom upp hver afreksíþróttamað-
urinn á fætur öðrum sem unnið
hafa til fjölda verðlauna bæði á
mótum hér innanlands og utan.“
Félagið missti aðstöðuna í Aust-
ursíðu og hefur verið á hrakhólum
síðan.
Gremjulegt að þurfa
að vísa öllum frá
„Því miður gekk þetta ekki upp
og við erum enn á sama stað,
hvergi finnst húsnæði. Því er ekk-
ert nýliðastarf í gangi og ekkert
færi á að kynna íþróttina þeim sem
áhuga hafa en við finnum einmitt
fyrir því þegar okkar afreksfólki
gengur svo vel sem raun ber vitni
að marga fýsir að prófa. Það er
virkilega gremjulegt að þurfa að
vísa öllum frá,“ segir Alfreð.
Nú eru iðkendur á bilinu 10 til
12 í allt. „Greinin mun lognast út
af vegna aðstöðuleysis finnist ekki
lausn sem allra fyrst,“ segir hann
og bendir á að við uppbyggingu
íþróttamannvirkja á Akureyri hafi
bogfimin ekki komist á blað.
Alfreð segir að yfir sumartím-
ann hafi bogfimifólk notið vel-
vildar Bílaklúbbs Akureyrar og
fengið þar rými til æfinga. Það
þurfi hins vegar að æfa allt árið ef
árangur á að nást og því brýnt að
lausn finnist hið fyrsta.
Morgunblaðið/Margrét Þóra Þórsdóttir
Bogfimi Viktor Orri Ingason, Alfreð Birgisson, Viktoría Fönn Guðmunds-
dóttir og Rakel Arnþórsdóttir við æfingar í kjallara Íþróttahallarinnar.
Aðstöðuleysi háir
bogfimideildinni
- Nýliðar komast ekki að hjá Akri
Kristján Jónsson
kris@mbl.is
Nú þegar mikil söguleg tíðindi eiga
sér stað í finnskum stjórnmálum vill
svo til að tíu íslenskir þingmenn eru
staddir í Finnlandi vegna heimsókn-
ar utanríkismálanefndar Alþingis til
Eistlands og Finnlands. Tveir
starfsmenn Alþingis eru einnig með
í för. Hefð er fyrir slíkum heim-
sóknum en þær féllu niður í tvö ár
vegna heimsfaraldursins. Rétt er að
taka fram að ákveðið var að fara til
Finnlands áður en umræðan fór af
stað um mögulega aðildarumsókn
Finna að Atlantshafsbandalaginu,
NATO. Finnar og Svíar hafa nú
ákveðið að sækja um aðild.
Íslensku þingmennirnir funduðu í
gær með utanríkismálanefnd Finn-
lands og utanríkisráðherra Finna
Pekka Haavisto.
„Hér hefur mikið breyst á
skömmum tíma út af innrás Rússa í
Úkraínu. Hér hefur fólk verið að
endurskilgreina sínar nálganir.
Finnar hafa farið varlega, farið ofan
í ýmsa hluti og vandað sig mjög í
tengslum við sína ákvörðun. Þetta
er þeirra niðurstaða og sú sama og
hjá Svíum. Við ræddum það og hvað
það gæti þýtt. Bæði hvort áferðin á
NATO muni breytast og hvað aðild
þeirra að NATO gæti þýtt fyrir
Norðurlandasamstarfið. Fram und-
an eru óvissutímar og spurning
hvað gerist næst í kjölfarið á þessu
öllu saman. Hér hafa verið op-
inskáar og góðar umræður við
Finnana um þetta í dag. Þeir sjá
ekki fyrir sér að það verði endilega
sérstök hernaðaruppbygging í
Finnlandi í tengslum við þetta.
Þarna hafa tvær vinaþjóðir okkar
til viðbótar ákveðið að sækja um að-
ild að NATO. Þessar þjóðir hafa
verið nánar okkur. Hafa verið mál-
svarar friðar og verið lausnamið-
aðar í alþjóðastjórnmálunum. Í því
felst styrkur að sjá slíkar þjóðir
verða hluta af NATO og Norð-
urlandaþjóðirnar verða ef til vill
sterkari þar inni. Ísland og Norð-
urlöndin hafa lagt áherslu á að
finna friðsamlegar lausnir hverju
sinni og reyna að leysa deilur með
friðsamlegum hætti,“ sagði Bjarni
Jónsson, formaður utanríkismála-
nefndar, þegar Morgunblaðið ræddi
við hann í gær.
Vinaþjóðir og nágrannar
„Skoðun okkar Íslendinga á þess-
um aðildarumsóknum markast
væntanlega af því að hér eru vina-
þjóðir okkar og nágrannar að sækja
um aðild eftir að hafa komist að lýð-
ræðislegri niðurstöðu sem við
virðum. Þetta mun líklega hafa þau
áhrif að bandalagið verði líklegra en
áður til að leita friðsamlegra lausna
eins og Norðurlandaþjóðirnar hafa
staðið fyrir,“ sagði Bjarni sem er
þingmaður Vinstri grænna en
óhætt er að segja að flestir þing-
menn og ráðherrar VG í gegnum
tíðina hafi verið þeirrar skoðunar að
Ísland eigi ekki heima í bandalag-
inu. Katrín Jakobsdóttir forsætis-
ráðherra lýsti því yfir á dögunum
að hún myndi styðja ákvörðun
Finna og Svía, hver sem hún yrði.
Bjarni tekur nú í svipaðan streng
sem formaður utanríkismála-
nefndar.
„Finnar hafa einnig farið í gegn-
um þá umræðu um hvort þeir eigi
að vera hluti af hernaðarbandalög-
um og komast að þessari niðurstöðu
sem ég virði. Finnarnir þurftu að
hugsa hratt og meta stöðuna í ljósi
aðstæðna. Íslenska utanríkismála-
nefndin stendur einhuga á bak við
þessi lönd í umsókn þeirra að
NATO. Það kom fram í dag.
Fyrir mitt leyti legg ég áherslu á
að þetta eru nágrannaþjóðir okkar
sem tóku ákvörðun með lýðræð-
islegum hætti og tel að aðild þeirra
muni hafa jákvæð áhrif á bandalag-
ið. Auk þess mun hún styrkja stöðu
okkar og þau sameiginlegu gildi
sem við deilum með öðrum Norð-
urlandaþjóðum,“ sagði Bjarni enn
fremur.
Styðja umsókn Finna
og Svía að NATO
- Þingmenn í utanríkismálanefnd einhuga í afstöðu sinni
Ljósmynd/Njáll Trausti
Í Finnlandi Pekka Haavisto, utanríkisráðherra Finnlands, og Bjarni Jóns-
son, formaður utanríkismálanefndar, að fundinum loknum í gær.