Morgunblaðið - 19.05.2022, Side 35

FRÉTTIR 35Erlent
MORGUNBLAÐIÐ FIMMTUDAGUR 19. MAÍ 2022
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARST
með og án rafmagns lyftibú
Komið og
skoðið úrvalið
ÓLUM
naði
Eldri kona sést hér elda mat í kjallara íbúðar sinnar í Severo-
donetsk í austurhluta Úkraínu í gær á 84. degi stríðsins. Stöð-
ugar loftárásir hafa verið á borgina undanfarna daga eftir að
Rússar hófu að einbeita sér markvisst að Donbass-hér-
uðunum. Þar skipta borgirnar Severodonetsk, Slóvíansk og
Kramatorsk einna mestu máli fyrir Rússa. Þeir treysta á að-
föng frá Belgorod í gegnum úkraínsku borgina Isíum sem er
nálægt rússnesku landamærunum og reyna þeir nú að um-
kringja Severodonetsk með stöðugum árásum.
AFP/Yasuyoshi Chiba
Eldað í kjallaranum við drunur loftárása í Severondonetsk
Finnland og Svíþjóð lögðu inn um-
sóknir sínar um inngöngu í Atlants-
hafsbandalagið í gær. Flest sam-
bandslönd tóku umsóknunum vel, en
Tyrkland andmælti svo að ekki var
hægt að ná samstöðu til að hefja
formlegar samningaviðræður á fundi
fulltrúa landanna í Brussel í gær.
Á mánudaginn tilkynnti Magda-
lena Anderson, forsætisráðherra
Svía, að Svíþjóð hygðist sækja um
aðild að NATO aðeins degi á eftir
Finnum. „Við erum að fara inn í nýja
tíma,“ sagði hún við tilefnið, en bæði
Svíar og Finnar vilja fylgjast að í
inngönguferlinu og tryggja þannig
öryggi sitt gegn árásum Rússa.
Jens Stoltenberg framkvæmda-
stjóri Atlantshafsbandalagsins hafði
lofað að umsóknarferlið myndi
ganga hratt og örugglega fyrir sig,
en vegna mótmæla Tyrkja þarf að fá
þá til samþykkis, áður en hægt er að
hefja ferlið.
„Umsóknirnar frá ykkur í dag eru
sögulegar. Nú þurfa sambandslönd-
in að skoða næstu skref vandlega í
átt ykkar til inngöngu í Atlantshafs-
bandalagið,“ sagði Stoltenberg í gær
þegar hann tók á móti umsóknunum.
Innganga Svíþjóðar og Finnlands
væri stærsta stækkun á hernaðar-
bandalaginu í áratugi, og myndu
landamæri bandalagsins að Rúss-
landi lengjast töluvert við inngöngu
Finnlands.
Krefjast framsals
Mótmæli Tyrklands gætu þó
stöðvað inngönguna, en Tyrkir
ásaka Norðurlöndin um að vera skjól
fyrir kúrdíska hryðjuverkamenn.
„Við báðum þá um að framselja þrjá-
tíu hryðjuverkamenn en þeir neituðu
því. Þið viljið ekki senda okkur til
baka hryðjuverkamennina og biðjið
svo okkur um stuðning fyrir inn-
göngu í NATO?“ var haft eftir Tayy-
ip Erdogan Tyrklandsforseta.
Stoltenberg sagði í gær að öll sam-
bandsríkin sæju mikilvægi þess að
stækka NATO. „Við erum öll sam-
mála um að standa saman og sjáum
að þetta er sögulegt tækifæri sem
við þurfum að nýta okkur.“ Hann
sagði að það þyrfti að hyggja að ör-
yggismálum bandamanna sam-
bandsins og að það væri vilji fyrir því
að fara vel yfir öll mál og vinna hratt
að því að finna lausnir.“
Bæði Svíar og Finnar eru bjart-
sýnir á að þeir geti fundið lausn á
mótmælum Tyrkja og leyst þau mál.
Bretar og Bandaríkin hafa boðið
fram stuðning til landanna á meðan á
inngönguferlinu stendur.
Finnland á 1.340 kílómetra sam-
eiginleg landamæri með Rússlandi
og langa sögu. Í meira en öld voru
þeir hluti af Rússneska heimsveldinu
fram til 1917 þegar þeir fengju sjálf-
stæði. Sovétríkin réðust inn í Finn-
land 1939 og geisaði stríð á milli
ríkjanna frá 1941 til 1944, sem end-
aði með því að Finnar urðu að gefa
frá sér stóran hluta Karelíu-héraðs.
Meira en 85% þingmanna Finn-
lands studdu ákvörðunina um að
sækja um aðild í NATO. Svíar voru
ekki jafn samstiga, en náðu rúmum
helmingi atkvæða. doraosk@mbl.is
„Við erum að fara inn í nýja tíma“
- Svíar og Finnar sóttu um aðild að NATO í gær - Þurfa stuðning Tyrklands - Stækkun bandalags-
ins „sögulegt tækifæri“ - Pútín hótar afleiðingum - 85% stuðningur í Finnlandi en rúm 50% í Svíþjóð
AFP/Johanna Geron
NATO Jens Stoltenberg framkvæmdastjóri Atlantshafsbandalagsins sýnir
hér umsóknir Svíþjóðar og Finnlands um inngöngu í NATO í Brussel í gær.
Það voru margir svitastorknir í Suð-
ur-Frakklandi í gær þegar hitatölur
fóru upp í 33,4-33,9 gráður í borg-
unum Albi, Toulouse og Meltelimar.
Einnig voru hitatölur mun hærri en í
meðalári á svæðum við vestur- og
norðurströnd landsins samkvæmt
veðurstofu Frakklands.
Aldrei áður hafa jafn háar hitatöl-
ur mælst í landinu í maímánuði og
fyrra metið sem var í maí 2011 er
þegar fallið. Í gær var 37. dagurinn
þar sem hitinn var óvenjulega hár og
þessi viðvarandi hiti er farinn að hafa
áhrif á landbúnað, ekki síst á hveiti-
framleiðslu sem nær viðkvæmu stigi
í maí. Bændur eru uggandi yfir
ástandinu, enda mikill skortur á
hveiti í heiminum öllum og verð hátt
vegna stríðsins í Úkraínu, sem er
stórframleiðandi á hveiti.
Allar hitabylgjur í dag eru afleið-
ingar af hnatthlýnun segir í skýrslu
frá WWA-veðurstofnuninni sem
kom út í síðustu viku. Nýlega hafa
hitatölur bæði í Indlandi og Pakistan
verið langt yfir hitatölum í venjulegu
árferði og á Spáni er búið að vara
fólk við miklum hitum í suðurhluta
landsins næstu daga.
Hitabylgja í Frakklandi
- Hitinn tíu gráðum hærri en í meðalári - Hveitiframleiðsla
Frakka í uppnámi - Hitamet í Indlandi og Pakistan í maí
AFP/Olivier Chassignole
Hitabylgja Barn kælir sig í gosbrunni í gær, en hitabylgjan er nú á 37. degi.