Morgunblaðið - 16.07.2022, Blaðsíða 14

14 FRÉTTIR
Innlent
MORGUNBLAÐIÐ LAUGARDAGUR 16. JÚLÍ 2022
Fjöldi flóttamanna frá Úkraínu í vinnu
Frá áramótum hefur 1.351 flóttamaður frá Úkraínu komið til landsins. Fjöldi fullorðinna er 1.016, en 335 eru yngri en 18 ára. Af 1.016 full-
orðnum hafa 359 fengið atvinnu. „Þetta eru mjög fjölbreytt störf og fjölbreyttur hópur líka,“ segir Guðlaug Hrönn Pétursdóttir, deildar-
stjóri flóttamannadeildar hjá Vinnumálastofnun. Rætt er hér við sex úkraínska flóttamenn sem hafa fengið vinnu. karlottalif@mbl.is
Kiríló Beidik er 28 ára gamall og kom til Ís-
lands í mars ásamt eiginkonu sinni og þrem-
ur börnum þeirra. Hann starfar nú sem bíl-
stjóri hjá tækjaleigunni Tæki.is. „Við komum
hingað fyrir um það bil þremur mánuðum og
ég fékk vinnuna tveimur vikum síðar. Það
var verið að leita að bílstjóra og ég sá auglýs-
inguna á Facebook. Það er pólskur maður að
vinna hérna og ég hafði samband við hann,“
segir Kiríló um hvernig hann hefði fengið
vinnuna. „Mér líkar starfið og þetta er góður
vinnustaður, mér finnst líka gaman að
ferðast um á bílnum. Ég vinn frá mánudegi til
föstudags.“
Kíríló og eiginkona hans eiga átta ára son
og tvær 6 ára dætur, en þær eru tvíburar.
„Þeim líður vel. Sonur okkar mun líklega
byrja í skóla í september, en dætur okkar
fara annaðhvort í skóla eða leikskóla, og þá í
skóla á næsta ári,“ segir Kíríló. „Þær eru
náttúrulega sex ára en við sjáum til hvað
skólayfirvöld segja, hvort þær fari beint í
skóla eða hvort þau meti það svo að þær þurfi
að bíða fram á næsta ár, við vitum það ekki.“
Þau hafa ekki fundið skóla fyrir börnin en
eru að leita sér að íbúð fyrir fjölskylduna. Kí-
ríló segist vonast til þess að finna íbúð í Hafn-
arfirði, þar sem hann vinnur.
„Þegar við erum búin að finna okkur íbúð
reynum við að finna skóla fyrir börnin okkar
nálægt heimilinu.“
Kíríló segist kunna vel við Ísland og segir
að hér líði þeim vel. Það hafi verið tekið vel á
móti honum og fjölskyldu hans. Segir Kíríló
að lokum að hann finni fyrir miklum stuðn-
ingi á meðal Íslendinga.
Morgunblaðið/Arnþór Birkisson
Finna skóla
fyrir börnin
Róman Drahúlov er 22 ára gamall og starfar
hjá Faxaflóahöfnum. Hann kom til Íslands 10.
mars, en hafði frá árinu 2017 ætlað sér að
flytja til landsins. „Ég var þá að horfa til
Norðurlandanna, vegna lífsgæðanna og af
því að mér líður vel í kuldanum. Ísland
hvarflaði ekki að mér fyrr en ég fór að kynna
mér söguna og menninguna. Hér býr gott
fólk, það besta sem ég hef kynnst,“ segir
Róman við Morgunblaðið.
Öll fjölskylda hans er í Úkraínu. „Faðir
minn, allir bræður mínir og tveir frændur
mínir eru atvinnuhermenn og eru að berjast
fyrir Úkraínu núna.“ Róman talar við fjöl-
skyldu sína á hverjum degi. Foreldrar hans
flúðu til Ódessa frá heimaborg þeirra, Ber-
dyansk, en hún var hernumin á fyrstu vikum
stríðsins. „Heimili okkar og allt sem við átt-
um hefur verið hernumið og við vitum ekki
hvort það verði lengur okkar, þegar þangað
er aftur snúið.“ Systir hans, sem er herlækn-
ir, flúði frá heimaborginni til Kænugarðs
ásamt tveimur ungum börnum sínum.
„Það er erfitt að missa allt sem maður átti
og þurfa að byrja algjörlega upp á nýtt. Ef
eitthvað lendir á húsinu þínu, eins og eld-
flaugar, eru mjög litlar líkur á að það sé eitt-
hvað eftir. Eftir að stríðið hófst áttar þú þig á
því að líf þitt, allt sem þú átt, getur horfið á
einni sekúndu.“
Róman er lærður vélstjóri og var ráðinn í
starf hjá hafnarþjónustu Faxaflóahafna 13.
mars. Honum líður vel í vinnunni. „Allir í
vinnunni tala íslensku og þegar ég hef lausan
tíma tek ég fram skrifblokkina mína og
penna og reyni að læra íslensku.“
Morgunblaðið/Árni Sæberg
Fjölskyldan
í Úkraínu
Irína Sínenkó er 26 ára tannlæknir og starfar
hjá JHG tannlækningum. „Ég kom hingað
fyrir næstum því fjórum mánuðum frá
Dnípró, það var langt ferðalag. Það tók þrjá
daga að fara frá Úkraínu til Póllands og það-
an tók tvo daga að fara til Íslands. Bróðir
minn hefur búið á Íslandi í tíu ár og þess
vegna kom ég hingað, þannig að ég er í raun
búin að endurheimta hluta af fjölskyldunni
minni. Ég er líka búin að eignast nýja úkra-
ínska vini,“ segir Irína.
Irína er menntaður tannlæknir en starfar
nú sem aðstoðarmaður tannlækna. „Skjölin
mín og leyfið eru í löggildingarferli, þannig
að ég er að bíða eftir svari og vonast til þess
að geta fljótlega farið að starfa sem tann-
læknir.“ Irína segir að það hafi tekið um einn
mánuð að fá vinnu á Íslandi. „Ég sendi tölvu-
pósta á nokkrar stofur og einn daginn fékk
ég svar frá yfirmanninum mínum á þessari
stofu sem sagðist geta hitt mig. Ég fékk starf-
ið og byrjaði næsta dag.“ Irína hefur þegar
lokið námskeiði í íslensku og stefnir á fram-
haldsnámskeið í ágúst. „Ísland er frábært
land, þetta er eiginlega eins og önnur plán-
eta. Fyrir tveimur vikum heimsótti ég Vík í
Mýrdal með bróður mínum, en Akureyri
verður svo næsti áfangastaður.“
Foreldrar Irínu eru enn stödd í Úkraínu, í
borginni Kerson sem hefur verið hernumin.
„Það er erfitt fyrir þau að flýja og ég og bróð-
ir minn erum að reyna að finna út hvernig við
getum bjargað þeim. Ég vona að okkur muni
takast það. Helsta áherslumálið núna eru for-
eldrar mínir og að eiga möguleika á að starfa
hér sem tannlæknir.“
Morgunblaðið/Hákon
Ísland önn-
ur pláneta
Elena Kartsévskaja er 60 ára gömul og vinnur
á Landspítalanum. Hún kom til landsins í lok
mars og segist vera Íslendingum mjög þakk-
lát. „Ég finn fyrir því að fólki er annt um mig,
og ég veit að fleirum frá Úkraínu líður eins,“
segir hún. Elena hefur alltaf starfað í heil-
brigðiskerfinu. „Það var áhugavert fyrir mig
að fá starf í heilbrigðiskerfinu hér, mér líkar
mjög vel að starfa á spítalanum og hef mikinn
áhuga. Ég vil leggja mitt af mörkum fyrir
þetta land.“ Hún hefur lokið læknanámi í
Úkraínu en hefur þó ekki getað starfað sem
læknir hér á landi. „Það er ekki hægt vegna
þess að ég þarf að sýna önnur skjöl samhliða
prófskírteininu mínu. Þetta er öðruvísi upp-
sett hérna.“ Elena segist þurfa að taka aðra
áfanga á Íslandi og bætir við að það sé mjög
gott plan fyrir framtíðina.
„Í okkar landi er ekki töluð mikil enska
daglega, en núna er ég í góðri æfingu, það
kemur sér mjög vel. Ég er einnig byrjuð að
læra íslensku. Ég tala oftast ensku við starfs-
fólkið en sjúklingarnir tala yfirleitt á íslensku
og ég reyni að skilja þá, það er mjög gott
tækifæri fyrir mig og mikil áskorun. Það er
sagt að fólk á mínum aldri eigi oft erfiðara
með að læra nýtt tungumál, auðvitað er það
erfitt en ég get þetta. Nú hef ég mína litlu
orðabók og tala við sjúklingana á íslensku.“
Elena á tvær dætur og hefur sú eldri búið á
Íslandi í nokkurn tíma. Í kjölfar innrásar-
innar kom Elena til Íslands ásamt yngri dótt-
ur sinni og búa þær saman hér, en Elena hef-
ur einu sinni áður komið í heimsókn til
landsins. Hún segist að lokum finna fyrir
miklum stuðningi frá Íslendingum.
Morgunblaðið/Arnþór Birkisson
Tækifæri
og áskorun
Irína Nepeina og Júlía Kútsnitsénkó starfa
sem saumakonur hjá fyrirtækinu Varma í
Reykjavík. Irína er 50 ára og kom til Íslands í
apríl frá borginni Ódessa í Úkraínu og er
saumakennari. „Ég var að leita að kennslu-
starfi en fann ekkert og sá svo að Varma var
að auglýsa eftir saumafólki,“ segir Irína.
Júlía, sem er 42 ára, kom til landsins frá
Karkív í maí. Hún var yfirmaður í sauma-
verksmiðju í Úkraínu og á að baki tuttugu
ára reynslu á þessu sviði. Þær hafa starfað
hjá Varma í um tvo mánuði. „Okkur líður vel
og launin eru góð, hér er einnig gott starfs-
fólk.“ Þær segja ánægjulegt að geta starfað
við það sama hér á landi og í Úkraínu og eiga
stjórnendum Varma margt að þakka.
Irína á 30 ára gamla dóttur sem hefur búið
í Dúbaí í þrjú ár, en sonur Júlíu hefur verið
búsettur á Íslandi í nokkurn tíma. Eiginmenn
Irínu og Júlíu eru aftur á móti í Úkraínu. „Ég
var í Ódessa í 40 daga eftir að stríðið hófst í
febrúar. Eldflaugaárásir voru víða og hús
voru gjöreyðilögð, þá tók ég ákvörðun um að
fara. Þar sem Júlía bjó var einnig mjög
hættulegt að vera og hús eyðilögðust,“ segir
Irína um ástandið í landinu. „Í svona að-
stæðum þurfum við á hjálp að halda, og við
fengum hana með því að koma hingað.“
„Alveg frá upphafi höfum við fengið mikla
hjálp frá öllum. Við erum í mörgum Face-
book-hópum og ef við höfum einhverjar
spurningar eða okkur vantar eitthvað, þá
getum við skrifað það inn og fáum alltaf svör.
Við höfum fengið hlýjar móttökur frá fólkinu
hér,“ segir Irína. Þær segjast kunna vel við
Ísland og að hér sé mikil kyrrð. „Við höfum
séð marga fallega staði. Þetta land er mjög
ólíkt okkar landi og alla daga sjáum við eitt-
hvað áhugavert. Við höfum góða reynslu af
Íslandi og ég held að annað úkraínskt fólk
hér á landi sé á sama máli,“ segir Irína.
Morgunblaðið/Karlotta Líf
Saumakonur Irína Nepeina situr við saumavélina og fyrir aftan hana er Júlía Kútsnitsénkó.
Hafa fengið hlýjar mót-
tökur frá Íslendingum
Lengri útgáfa af viðtölunum verður
birt á mbl.is.
mbl.is