Sjómannablaðið Víkingur - 01.04.2019, Síða 26

26 – Sjómannablaðið Víkingur
Harðbakur EA-3
G amli Harðbakur Útgerðarfélags
Akureyringa kom nýr til landsins í
árið 1950. Hinn kunni togaraskip-
stjóri Sæmundur Auðunsson stýrði
skipinu. Seinna tók Vilhelm Þorsteins-
son við skipstjórninni og hafði hana
með höndum í tæpan áratug eða þangað
til hann varð forstjóri ÚA í ársbyrjun
1965.
Nú er kominn nýr Harðbakur til Ak-
ureyrar, eign Útgerðarfélags Akureyringa,
og vill svo skemmtilega til að Kristján,
sonur Vilhelms heitins, og bróðursonur,
Þorsteinn Már Baldvinsson, eru í forsvari
fyrir skipakaupunum.
Hinn nýi Harðbakur er 28,9 metrar að
lengd, breidd 12 metrar og eru káetur
fyrir þrettán manns í áhöfn. Skipið er
smíðað í Noregi, skipstjóri er Hjörtur
Valsson og yfirvélstjóri Friðrik Karlsson.
„Mjög gott skip,“ segir Hjörtur skip-
stjóri sem náði í Harðbak til Noregs.
„Það var aðeins kaldi fyrsta daginn, vind-
ur komst í 14 metra á sekúndu og stóð á
stjórnborðshornið að aftan en gerði okk-
ur lítið. Annars var blíða alla siglinguna
og ég sá yfir 10 mílna hraða sem er full
ferð. Annars vorum við þetta mest á 9,3
til 9,5 mílna ferð.“
Starfsmenn Slippsins á Akureyri fá nú
í nógu að snúast næstu vikurnar við að
setja vinnslubúnað í Harðbak.
„Jú, ég vona að við getum hafið veiðar
í janúar á nýju ári,“ segir Hjörtur Valsson
skipstjóri kampakátur með hinn nýja
Harðbak.
Þess má geta að sérstaklega hefur ver-
ið hugað að góðri orkunýtingu skipsins,
vinnuaðstöðu sjómanna, öflugri kælingu
og að öll meðhöndlun aflans geti orðið
til hinnar mestu fyrirmyndar.
Laugardagurinn 9. nóvember. Harðbakur er lagstur að bryggju og ber sama skrásetningarnúmer og gamli
Harðbakur, EA-3. Á bryggjunni fagna (frá vinstri): Kristján Vilhelmsson, framkvæmdastjóri útgerðarsviðs
Samherja, Friðrik Karlsson yfirvélstjóri, Hjörtur Valsson skipstjóri, Stefanía Elísabet Hallbjörnsdóttir, eigin-
kona Hjartar, og Þorsteinn Már Baldvinsson, forstjóri Samherja. Ljósm: Haukur S. Valdimarsson