Fréttablaðið - 19.08.2022, Qupperneq 18

4 kynningarblað 19. ágúst 2022 FÖSTUDAGURskólar og námskeið
Nordplus er menntaáætlun Norrænu ráðherranefndarinnar.
Markmið áætlunarinnar er að stuðla að samstarfi og gæðum í menntun á
Norðurlöndum og Eystrasaltslöndum.
Nordplus er fyrir leik- grunn og framhaldsskóla, háskóla, stofnanir á sviði
fullorðinsfræðslu, starfsþjálfunar og óformlegrar menntunar, aðila sem starfa
að kennslu og miðlun norrænna tungumála o.fl.
Nánar á www.nordplusonline.org
Umsóknarfrestur fyrir
undirbúningsheimsóknir er
3. október 2022
Næsti umsóknarfrestur fyrir verkefni er 1. febrúar 2023
Myndlistar- og tónlistar-
maðurinn Steinunn Harðar-
dóttir, betur þekkt undir
nafninu dj. flugvél og geim-
skip, segist elska námskeið
og hefur sjálf sótt fjölda
þeirra. Lífsmottó hennar er
að fylgja ávallt leiðinni sem
forvitnin leiðir mann.
jme@frettabladid.is
„Ég elska námskeið. Ég hef
nokkrum sinnum farið á námskeið
til þess að læra eitthvað sem mig
langar til að geta gert,“ segir Stein­
unn glaðlega. „Ég bý til tónlist og
myndlist, og núna upp á síðkastið
hef ég verið að búa til tölvuleiki.
Það er nýtt fyrir mér og það veit
enginn hvar það mun enda.“
Fyrir ekki svo löngu ákvað
Steinunn að skella sér á námskeið í
tölvuleikjagerð í Tækniskólanum.
Hugmyndina fékk hún eftir að
hafa farið á listsýningu hjá lista­
manni sem nýtti tölvuleikjatækni
í listsköpun sinni. „Ég man að mér
fannst þetta svo skemmtilegt og
ég gat ekki hætt að hlæja. Þetta var
tölvuleikur og listaverk, hljóð og
alls konar.“
Ástæðuna fyrir því að Steinunn
hafði svona mikinn áhuga á tölvu­
leikjum má rekja aftur til æsku
hennar. „Þegar ég var lítil þá áttum
við ekki leikjatölvu eins og svo
margir. Ég og systir mín bjuggum
því til okkar eigin úr stórum
pappakassa. Við teiknuðum kar­
aktera fyrir leikina og önnur okkar
var inni í kassanum að stjórna á
meðan hin var fyrir utan. Það var
hægt að færa kallana eftir brautum
sem við skárum í kassann. Sá sem
var inni í kassanum hreyfði líka
teiknaða hnífa sem kallinn þurfti
að forðast. Þetta var jafn góð leikja­
tölva og við gátum búið til þá, og
síðan þá hefur mig alltaf langað til
þess að búa til tölvuleiki.“
Ekki segja það; gerðu það bara!
„Mér hafði þó aldrei dottið í hug
að ég gæti gert tölvuleiki sjálf.
Það væri bara eitthvað sem aðrir
gerðu.“ Þegar Steinunn trúði Sig­
tryggi Baldurssyni tónlistarmanni
fyrir upplifun sinni á listsýning­
unni, stakk hann upp á því að
hún færi út í tölvuleikjagerð sjálf.
„„Ekki segja það; gerðu það bara!“
sagði hann. Ég ákvað því að fara á
kvöldnámskeið í Tækniskólanum í
tölvuleikjagerð.
Þarna var ég stödd á námskeið­
inu og sá hóp af ungu fólki labba
fram hjá skólastofunni inn í annað
herbergi á bak við á meðan nám­
skeiðið var. Ég kíkti inn í herbergið
og þar var fullt af tölvum og allir
að gera tölvuleiki. Ég spurði hvað
væri um að vera þarna og þá sagði
einhver: „Nú, þetta er skólinn!“ og
ég sagði: „Ha? Tölvuleikjaskóli?“ Þá
er sérstakt nám í Tækniskólanum
sem heitir Stafræn hönnun og þar
er hægt að fá grunn í alls konar,
eins og tölvuleikjum, tækni­
brellum fyrir bíómyndir og mörgu
fleiru.“
Tónleikar í tölvuleik
„Núna er ég í þessu námi og er að
búa til leik með Jon Arthur Aarr­
able vini mínum í Noregi og ég er
meira að segja byrjuð að vinna
hjá leikjafyrirtæki hér heima sem
heitir Arctic Theory og er sprota­
fyrirtæki,“ segir Steinunn.
„Fólk spyr mig stundum hvort
ég sé frekar myndlistarmaður eða
tónlistarmaður, en staðreyndin er
sú að ég bý bara eitthvað til. Tölvu­
leikur getur sameinað svo vel allt
sem ég bý til. Þetta heitir leikur,
en það er í raun bara hugtak yfir
eitthvað sem maður gerir í tölvu. Í
tölvuleiknum okkar Arthurs hef ég
til dæmis prófað að halda tónleika.
Tæknin sem við erum að nota,
með hjálp kennaranna í Tækni­
skólanum, gerir okkur kleift að
halda tónleika fyrir áhorfendur. Ég
spila og syng og Gígja vinkona mín
dansar. Okkur er varpað í beinni
útsendingu á svið fyrir framan
áhorfendur ásamt tölvuleiknum
sem bregst við því sem við gerum.
Það er því eins og við Gígja séum
í tölvuleiknum, hún birtist til
dæmis sem geimvera með þúsund
augu sem gerir sömu danshreyf­
ingar og hún. Svo geta aðrir tengst
tölvuleiknum í gegnum Twitch,
tekið þátt og dansað sem geim­
verur í leiknum. Allir fá eitt dans­
spor á mann. Þetta er á byrjunar­
stigi eins og er og við höfum haldið
tvenna tónleika. En okkur langar
að vinna með þetta áfram.“
Ekki fylgja ástríðunni
Steinunn segir að námskeiðið
hafi verið upphafspunkturinn á
einhverju nýju sem hún gerir núna
í lífinu. „Þetta er eitthvað sem
hefur tekið yfir hjá mér. Fólk hefur
stundum ráðlagt öðrum að finna
sína ástríðu í lífinu og fylgja henni.
Ég er ekki sammála því. Ég held að
maður eigi alltaf að fylgja því sem
maður er forvitinn um. Mín ástríða
var fyrst myndlist, en þegar ég var
að læra myndlist þá var ég forvitin
um tónlist og ákvað að prófa að
búa til tónlist. Eftir námið var ég
ekkert að vinna við myndlist í
mörg ár heldur mest með tónlist.
Ef ég hefði hlustað á þetta ráð þá
væri ég enn bara að gera tónlist.
En af því ég var forvitin og spennt
fyrir tölvuleikjum þá er ég núna að
vinna við það. Stundum þarf bara
tvö eða fjögur kvöld á einhverju
kvöldnámskeiði til þess að breyta
lífi manns. Það er líka mikilvægt
að vita að það tekur tíma að læra
eitthvað. Maður er sjaldan góður í
einhverju fyrst en ef maður heldur
áfram þá getur maður gert ótrú­
legustu hluti með tímanum,“ segir
Steinunn. n
lífið tók nýja stefnu
eftir námskeið í
tölvuleikjagerð
Steinunn er klárlega ein af þeim sem læra svo lengi sem þeir lifa og er hvergi bangin þegar lífið tekur nýja stefnu.
Fréttablaðið/anton brink
Stundum þarf bara
tvö eða fjögur
kvöld á einhverju kvöld-
námskeiði til þess að
breyta lífi manns.
Steinunn Harðardóttir