Vasakver : með almanaki fyrir árin 1939-1943 - 01.01.1941, Blaðsíða 70

70
er að dreífa og nota. Um notkun og verkanir gildir hið
sama og um Kalksaltpétur.
Brennisteinssúrt ammoníak. í þeim áburði
eru 20,8% af köfnunarefni. Eins og nafnið bendir til, er
það ammoníak. Verkanir þess eru því seinni og nokkuð
minni heldur en verkanir saltpéturs. Brennisteinssúrt
ammoníak á bezt við kalkríkan jarðveg, því að þegar til
lengdar lætur eyðir það nokkuð kalkinu, sem er í jarð-
veginum.
Tröllamjöl er köfnunarefnisáburður, sem þó er
mest notaður til þess að eyða mosa og illgresi. í því eru
20%% köfnunarefni og 60% kalk. Áburðarverkanir þess
eru seinar og langdrægar.
Fosf.órsýruáburður.
Superfosfat er aðaltegundin sem hér er notuð. í
því eru 18% af fosfórsýru. Nokkrar líkur eru til þess að
fyrir komandi vor verði flutt inn svokallað Þrífosfat.
í þvi eru vanalega um 48% af fosfórsýru. Það er því mjög
sterkur áburður og verður að skammta áburðarmagn og
vanda dreifingu þess eftir því.
Kaliáburður.
Kali 40 % er mest notað við alla algenga ræktun.
í því er ofurlítið af klóri, sem getur haft skaðleg áhrif
á tómata og jafnvel kartöflur. Sé það notað í kartöflu-
garða, er því betra að bera það á nokkru áður en sett er
niður.
Klór-kali. í því eru 56% kali. Þótt nafnið bendi til
þess, að í því sé mikið af klóri, er það eigi svo. Það er hlut-
fallslega minna af klóri í Klórkalí heldur en í Kalí, 40%.
Um notkun þess gildir hið sama og um notkun 40% kalí,
nema að taka tillit til styrkleikans.
Brennisteinssúrt kalí. í því eru vanalega um
48% af kalí. Það er svo að segja klórlaust og því notað
við tómataræktun og stundum í kartöflugarða, þótt það
sé dýrara heldur en venjulegt kalí 40%.
Algildur áburður.
Nitrophoska 14% : 14% : 18%, er notaður við
alla algenga ræktun, Efnainnihaldið er 14% köfnunarefni,