Vasakver : með almanaki fyrir árin 1939-1943 - 01.01.1942, Blaðsíða 107

107
vera sæmilega hlý og trékklaus, en með góðri loftræst-
ingu. Það er þó talið skaðlaust, þó að hitinn í hænsna-
húsinu komist ofan í frostmark, ef húsið er loftgott og
rakalaust. Heitt, saggafullt loft er mjög óhollt hænsnum
og ættu menn því að varast að hafa hænsnin í fjósi. Gólf-
ið á að vera stráð spónum eða mómold og skipta á því
vikulega.
Hirðingin að öðru leyti er mest fóðrunin. Hana þarf
að framkvæma að minnsta kosti tvisvar á dag — kvölds
og morgna — og helzt alltaf á sama tíma. Hænsnin eru
ótrúlega nösk á tímann og eggjatalan lækkar oft ótrúlega
ef þeim er gefið stundu seinna en venja er. Efnabreyting-
in í líkama hænunnar, úr fóðri í egg, er furðu hröð, en
það sem þau geta etið í einu mjög takmarkað. Þess vegna
er heppilegt að láta fóðurtrog með varpfóðurblöndu standa
hjá hænunum, svo þær geti etið þar af er þær lystir. Auk
fóðurblöndunnar þarf hænan sem svarar 50—70 gr. af
korni á degi hverjum og er því stráð á gólfið og þær
látnar hafa fyrir því að tína það upp.
Af algengum korntegundum er hveitikorn bezt til
hænsnafóðurs, en auk þess eru hafrar, bygg og maís mjög
vel nothæft og gott fóður og oftast er tveimur eða fleiri
af þessum korntegundum blandað saman. Rúgur er ó-
hollur og lítt hæfur til hænsnafóðurs.
Varpfóðurblandan þarf að vera samsett eftir vissum
reglum, og er því hentast fyrir bændur að kaupa hana
tilbúna. Nokkur verzlunarfyrirtæki hér í Reykjavík hafa
fengizt við að blanda varpfóður, en það hefir í flestum
tilfellum reynzt mun lakara en erlendar blöndur, enda er
það oftast mjög ósamstætt, svo að maður freistast stund-
um til að halda, að þar sé bara hrært saman því sem til
er í það sinn, án þess að tekið sé nægilegt tillit til þess,
hvernig varpfóðurblanda þarf að vera. Meðan ekki er úr
þessu bætt, verður því að mæla með erlendri fóðurblöndu.
Auk þess, sem hér er nefnt, má einnig gefa hænsnunum
hverskonar matarúrgang, þó er varasamt að gefa þeim
leifar af krydduðum mat, að minnsta kosti á þeim
tíma, sem eggin eru notuð til útungunar. Kryddið eyði-
leggur frjóvgun eggsins.
Súr imdanrenna (látin súrna á heitum stað), er ágætt
hænsnafóður og ættu þeir, sem framleiða smjör og eru i