Vasakver : með almanaki fyrir árin 1939-1943 - 01.01.1942, Blaðsíða 116
116
upplýsingar um kostnaðarverð húsanna áður en þér ráðist
í framkvæmdir, svo tryggt sé að fyrirtækið verði viðráð-
anlegt. Teiknistofa landbúnaðarins, sem er í Búnaðar-
banka íslands í Beykjavík, gerir uppdrætti að allskonar
húsum fyrir bændur landsins. Munið að það er skilyrði
fyrir veitingum lána og styrkja, að teiknistofan hafi fyrir-
fram samþykkt eða gert uppdrœtti að þeim byggingum,
sem styrktar eru eða lánað til.
DAGLEGT FÆÐI
Eftir Jóhann Sœmundsson, lcekni.
Maðurinn þarfnast næringar, til þess að líkaminn geti
haldið sér við, starfað og vaxið, sé um börn að ræða.
Aðalefni næringarinnar eru þessi:
1. Eggjahvítuefni. 4. Bætiefni.
2. Fita. 5. Málmsölt eða steinefni.
3. Kolvetni. 6. Vatn.
Eggjahvítuefnin eru nauðsynleg til að bæta allt slit,
sem verður á líkamanum við starfið, og til að mynda
ýmis kirtlaefni. Dagsþörf fullorðins manns fyrir
egggjahvítu er talin 1 gramm á hvert kg. líkamsþyngdar.
Börn 1—3 ára þurfa að fá 3,5 grömm á hvert kg.. en ungl-
ingar um fermingu 2,5 grömm. Eggjahvítuþörf vanfærra
kvenna og mæðra, sem hafa börn á brjósti, er helmingi
meiri en ella. Eggjahvítuefnin eru lífsnauðsynleg.
Bezta eggjahvítan fæst í mjólk, skyri, ostum, kjöti og
fiski.
Fita og kolefni eru líkamanum aflgjafi til daglegra
starfa. Hollasta fitan er smjör, rjómi og lýsi. Kolvetna-
eða mjölmatarneyzlan fer eftir erfiðinu. Kolvetnin eru
ódýrasti orkugjafinn. Hollustu Kolvetnin eru heilhveiti og
ósigtað rúgmjöl, að ógleymdum garðávöxtum og grænmeti.
Bœtiefnin eru mörg. Líkaminn getur ekki búið þau til
A-bœtiefni er í lýsi, smjöri, rjóma, nýmjólk, hrognum,
eggjum, innýflum og ýmsu grœnmeti, t. d. gulrótum og
grœnkáli. Skortur á A-bætiefni veldur kyrking i vexti og
veikir viðnámsþrótt ýmissa slímhúða líkamans.